മുൻ വിനയെച്ചത്തിന് ഉദാഹരണമേത് ?
Aപറയാൻപോയി
Bകുളിക്കാൻപോയി
Cപറഞ്ഞുപോയി
Dപറകവേണം
Answer:
C. പറഞ്ഞുപോയി
Read Explanation:
പേരെച്ചം വിനയെച്ചo
- ഒരു നാമത്തെ ആശ്രയിച്ചു നിൽക്കുന്ന അപൂർണ്ണ ക്രിയയാണ് പേരെച്ചം (നമാംഗജം)
- ഒരു ക്രിയയെ ആശ്രയിച്ചു നിൽക്കുന്ന അപൂർണ്ണ ക്രിയയാണ് വിനയെച്ചo (ക്രിയാംഗജം)
- വിനയെച്ചo അഞ്ചുവിധമുണ്ട്
മുൻ വിനയെച്ചം
പിൻവിനയെച്ചം
തൻ വിനയെച്ചം
നടു വിനയെച്ചം
പാക്ഷിക വിനയെച്ചം
മുൻ വിനയെച്ചം
- പ്രധാന ക്രിയയ്ക്ക് മുമ്പ് നടക്കുന്ന അപ്രധാനക്രിയയാണ് മുൻ വിനയെച്ചം
- കുട്ടി പഠിച്ച് ജയിച്ചു- ഇവിടെ പൂർണക്രിയയ്ക്ക് (ജയിച്ചു) മുൻപ് അപൂർണ്ണ ക്രിയ (പഠിച്ച്) നടക്കുന്നു
- ഉദാഹരണം : പിടിച്ചു കെട്ടി , എടുത്തെറിഞ്ഞു
പിൻവിനയെച്ചം
- പ്രധാന ക്രിയക്ക് ശേഷം അപ്രധാനക്രിയ നടക്കുന്നതാണ് പിൻവിനയെച്ചം
- കുട്ടി പഠിക്കാൻ പോയി - ഈ വാക്യത്തിൽ പൂർണ്ണക്രിയയ്ക്ക് (പോയി) ശേഷമാണ് അപൂർണ്ണ ക്രിയ (പഠിക്കാൻ) നടക്കുന്നത്
- ക്രിയാ ധാതുവിന് ശേഷം 'ആൻ' എന്ന പ്രത്യയം ചേർന്നു വരുന്നു
- ഉദാഹരണങ്ങൾ : വരാൻ പറഞ്ഞു , കുളിക്കാൻ പോയി
തൻ വിനയെച്ചം
- പൂർണക്രിയയും അപൂർണ്ണ ക്രിയയും ഒരേ സമയത്ത് നടക്കുന്നതാണ് തൻ വിനയെച്ചം
- എ , അവേ എന്നിവയാണ് പ്രത്യയങ്ങൾ
- ഉദാഹരണങ്ങൾ : പോകവേ കണ്ടു , നിൽക്കവേ കണ്ടു
നടു വിനയെച്ചം
- ഒരു വാക്യത്തിന്റെ മധ്യഭാഗത്ത് വരുന്ന ഒരു ക്രിയ ക, ക്ക എന്നീ പ്രേത്യയങ്ങളിൽ അവസാനിക്കുന്നു എങ്കിൽ അത് നടു വിനയെച്ചം
- ഉദാഹരണങ്ങൾ : സൂര്യൻ കിഴക്ക് ഉദിക്കുക പതിവാണ്
രാവിലെ ഉണരുക നല്ല ശീലമാണ്
പാക്ഷിക വിനയെച്ചം
- ഒരു ക്രിയ നടക്കുമെങ്കിൽ മറ്റൊരു ക്രീം കൂടി നടക്കുമെന്ന് കാണിക്കുന്നതാണ് പാക്ഷിക വിനയെച്ചം
- ഉദാഹരണം : പഠിച്ചാൽ ജയിക്കും , വിളിച്ചാൽ പോകും