താഴെ കൊടുത്തിരിക്കുന്നവയില്‍ ഹിമാലയന്‍ നദികളില്‍ ഉള്‍പ്പെടുന്നവ ഏതെല്ലാം?
- സിന്ധൂ
- ഗംഗ
- ബ്രഹ്മപൂത്ര
- നര്‍മ്മദ
Ai, ii, iii എന്നിവ
Biii മാത്രം
Cഇവയൊന്നുമല്ല
Dii മാത്രം
Answer:
A. i, ii, iii എന്നിവ
Read Explanation:
സിന്ധു നദി
- ഉത്ഭവസ്ഥാനം - ടിബറ്റിലെ മാന സരോവറിന് അടുത്തുള്ള ബോഗാർ ചു ഗ്ലേസിയർ.
- അറബിക്കടലിൽ പതിക്കുന്ന ഏക ഹിമാലയൻ നദി
- ഇന്ത്യൻ ഉപഭൂഖണ്ഡത്തിലെ ഏറ്റവും പടിഞ്ഞാറുള്ള നദി.
- പടിഞ്ഞാറോട്ടൊഴുകുന്ന ഏക ഹിമാലയൻ നദി
- ആകെ നീളം - 2880 കി.മീ
- ഋഗ്വേദത്തില്‍ ഏറ്റവും കൂടുതല്‍ പരാമര്‍ശിക്കപ്പെടുന്ന നദി.
- ഹാരപ്പ സംസ്‌കാരം നിലനിന്നിരുന്ന നദീതടം
- ലോകത്താദ്യമായി പരുത്തി കൃഷി ചെയ്തത്‌ സിന്ധുനദിയുടെ തടത്തിലാണ്‌.
- ഇന്‍ഡസ്‌ എന്നറിയപ്പെടുന്ന നദി,ഇന്ത്യയെന്ന പേരിന്‌ നിദാനമായ നദി.
- ഝലം, ചിനാബ്‌, രവി, ബിയാസ്‌, സത്ലജ്‌ എന്നിവ പോഷക നദികളാണ്‌.
- സിന്ധുവിന്റെ പോഷകനദികളില്‍ നിന്നുമാണ്‌ പഞ്ചാബിന്‌ ആ പേരു ലഭിച്ചത്‌.
- ഇന്ത്യയിൽ ഗിരികന്ദരങ്ങൾ സൃഷ്ടിക്കുന്ന ഏക നദി.
- പാകിസ്താന്റെ ദേശീയ നദി.
- പാകിസ്താനിലെ ഏറ്റവും വലിയ നദി.
- പാകിസ്താനിലെ ഏറ്റവും നീളം കൂടിയ നദി.
- സിന്ധു പാക്കിസ്ഥാനിലേക്ക് പ്രവേശിക്കുന്ന പ്രദേശം : ചില്ലാർ
- നദീവ്യൂഹത്തിലെ ജലം പങ്കിടുന്നതു സംബന്ധിച്ചാണ്‌ ഇന്ത്യയും പാകിസ്താനും 1960-ല്‍ സിന്ധുനദീജല ഉടമ്പടിയില്‍ ഏര്‍പ്പെട്ടത്‌.
- സിന്ധുനദീജല കരാറിന് മധ്യസ്ഥത വഹിച്ചത് - ലോകബാങ്ക്
ഗംഗാ നദി
- ഇന്ത്യയുടെ ദേശീയ നദി
- ഗംഗാ നദിയെ ഇന്ത്യയുടെ ദേശീയനദിയായി പ്രഖ്യാപിച്ചത് - 2008 നവംബർ 4
- ഇന്ത്യയിലെ ഏറ്റവും നീളം കൂടിയ നദി (2525 കി.മീ)
- 'ഭാരതത്തിന്റെ മർമ്മസ്ഥാനം' എന്നു വിശേഷിപ്പിക്കുന്ന നദി.
- ഗംഗ നദീതീര പട്ടണങ്ങൾ - വാരാണസി, കാൺപൂർ, അലഹബാദ്, ലഖ്‌നൗ, പാറ്റ്ന, ബക്‌സാർ, ഭഗൽപ്പൂർ, ഹരിദ്വാർ, ബദരീനാഥ്
- ഹൈന്ദവ വിശ്വാസ പ്രകാരം, ഭഗീരഥന്‍ എന്ന രാജാവ്‌ തപസ്സുചെയ്ത്‌ ഭൂമിയിലേക്ക്‌ ഒഴുക്കിയ നദി.
- ഹൈന്ദവ വിശ്വാസ പ്രകാരം ശിവന്റെ ജടയില്‍ ഒളിഞ്ഞിരിക്കുന്ന നദി.
- മഹാഭാരതത്തിൽ ഭീഷ്മരുടെ മാതാവയായ നദി.
- ഉത്തരാഖണ്ഡിലെ ഗംഗോത്രിയിലെ ഗായ്‌മുഖ് ഗുഹയിൽ നിന്നും ഉത്ഭവിക്കുമ്പോൾ ഗംഗയുടെ പേര് - ഭാഗീരഥി
- ബംഗ്ലാദേശിലൂടെ ഒഴുകിയാണ് ഗംഗ ബംഗാൾ ഉൾക്കടലിൽ പതിക്കുന്നത്.
- ഗംഗാനദിയുടെ ഉത്പത്തി പ്രവാഹങ്ങളാണ്‌ ഭാഗീരഥിയും അളകനന്ദയും.
- ഭാഗീരഥിയും അളകനന്ദയും സംഗമിച്ചശേഷം ദേവപ്രയാഗിൽ നിന്നാണ് ഗംഗ എന്ന നാമത്തിൽ ഒഴുകിത്തുടങ്ങുന്നത്.
- ഇന്ത്യയിലെ നദികളിൽ ഏറ്റവും കൂടുതൽ പോഷകനദികളുള്ള നദി
- സോൺ, യമുന, ദാമോദർ എന്നിവയാണ് ഗംഗയുടെ വലതുകരയിലുള്ള പ്രധാന പോഷക നദികൾ.
- രാംഗംഗ, ഗോമതി, ഗാഘ്ര, ഗന്ധകി, കോസി, മഹാനന്ദ, രപ്തി എന്നിവയാണ് ഗംഗയുടെ ഇടതുകരയിലുള്ള പോഷകനദികൾ.
- വരുണ, അസി എന്നീ രണ്ടു പോഷക നദികൾ ഗംഗയോടു ചേരുന്ന സ്ഥലം - വാരാണസി
- ഇന്ത്യയിലെ ഏറ്റവും വലിയ നദീതടം - ഗംഗാതടം (8.68 ലക്ഷം ച.കി.മീ വിസ്തീർണം)
- ഗംഗാതടം രൂപംകൊള്ളുന്നത് - നിക്ഷേപപ്രക്രിയയിലൂടെ
- ഗംഗ നദി ഒഴുകുന്ന ഇന്ത്യൻ സംസ്ഥാനങ്ങൾ - ഉത്തർപ്രദേശ്, ഉത്തരാഖണ്ഡ്, ജാർഖണ്ഡ്, ബീഹാർ, പശ്ചിമ ബംഗാൾ
- ഗംഗ നദി ഏറ്റവും കൂടുതൽ ദൂരം ഒഴുകുന്ന ഇന്ത്യൻ സംസ്ഥാനം - ഉത്തർപ്രദേശ് (1450 കിലോമീറ്റർ)
- ബ്രഹ്മപുത്രയ്‌ക്കൊപ്പം ചേര്‍ന്ന്‌ സുന്ദര്‍ബന്‍സ്‌ ഡെല്‍റ്റയ്ക്ക്‌ രൂപം നല്‍കുന്ന നദി
- ഗംഗയും യമുനയും സംഗമിക്കുന്നതിനു സമീപമാണ്‌ അലഹബാദ്
- ജലഗതാഗതം സുഗമമാക്കുന്നതിനായി ഇന്ത്യയിലെ ആദ്യത്തെ മൾട്ടി മോഡൽ ടെർമിനൽ നിലവിൽ വന്ന നദി (വാരണാസിയിൽ)
- ഗംഗയെ മലിനീകരണത്തിൽനിന്ന് രക്ഷിക്കാൻ 'ഗംഗ ആക്ഷൻ പ്ലാൻ' നടപ്പിലാക്കിയ വർഷം - 1986
- ഗംഗ ആക്ഷൻ പ്ലാൻ' പദ്ധതിക്ക് തുടക്കമിട്ട പ്രധാനമന്ത്രി - രാജീവ് ഗാന്ധി.
- ഗംഗാശുചീകരണത്തിനായി കേന്ദ്ര ഗവൺമെന്റ് ആവിഷ്കരിച്ച പദ്ധതി - നമാമി ഗംഗ
ബ്രഹ്മപുത്ര
- ഉത്ഭവം - ചെമ-യുങ്-ദുങ് ഹിമാനി
- ആകെ നീളം - 2900 കിലോമീറ്റർ
- പതന സ്ഥാനം - ബംഗാൾ ഉൾക്കടൽ
- ഒഴുകുന്ന രാജ്യങ്ങൾ - ഇന്ത്യ, ചൈന (ടിബറ്റ്), ബംഗ്ലാദേശ്
ബ്രഹ്മപുത്ര നദീതടം വ്യാപിച്ചിരിക്കുന്ന രാജ്യങ്ങൾ
- ഇന്ത്യ
- ചൈന (ടിബറ്റ്)
- ബംഗ്ലാദേശ്
- നേപ്പാൾ
- ഭൂട്ടാൻ
ബ്രഹ്മപുത്രയുടെ പേരുകൾ
- ടിബറ്റിൽ ബ്രഹ്മപുത്രയുടെ പേര് - സാങ്‌പോ
- ബ്രഹ്മപുത്രയുടെ ഉപരിപാതയുടെ ടിബറ്റൻ നാമം - യാർലംഗ് സാങ്‌പോ
- ബംഗ്ലാദേശിൽ ബ്രഹ്മപുത്രയുടെ പേര് - ജമുന
- സിയാങ് എന്ന പേരില്‍ അരുണാചല്‍ പ്രദേശില്‍ പ്രവേശിക്കുന്നു
- ബ്രഹ്മപുത്രയുടെ പ്രാചീന നാമം - ലൗഹിത്യ
- വടക്കുകിഴക്കൻ ഇന്ത്യയിലെ ഏറ്റവും വലിയ നദി
- പുരുഷനാമമുള്ള, വടക്കു കിഴക്കേ ഇന്ത്യന്‍ നദി
- ഗംഗയുമായി ചേര്‍ന്ന്‌ സുന്ദര്‍ബന്‍സ്‌ ഡെല്‍റ്റയ്ക്ക്‌ രൂപം നല്‍കുന്ന നദി
- ഏകദേശം 2900 കിലോമീറ്റർ നീളമുള്ള ബ്രഹ്മപുത്രയുടെ 916 കിലോമീറ്റർ മാത്രമാണ് ഇന്ത്യയിലൂടെ ഒഴുകുന്നത്.
- അസമിന്റെ ദുഃഖം എന്നറിയപ്പെടുന്ന നദി
- ബ്രഹ്മപുത്രയെയും മാനസരോവറിനെയും തമ്മിൽ വേർതിരിക്കുന്ന ചുരം - മറിയം ലാ ചുരം/മായും ലാ ചുരം
- ഏറ്റവും കൂടുതല്‍ ഒഴുക്കുള്ള ഇന്ത്യന്‍ നദി
- ഇന്ത്യയിലെ ഏറ്റവും ആഴം കൂടിയ നദി
- ഹിമാലയന്‍ നദികളില്‍ ഏറ്റവും കൂടുതല്‍ ജലം വഹിക്കുന്ന നദി
- ഹിമാലയൻ നദികളിൽ മലിനീകരണം ഏറ്റവും കുറഞ്ഞ നദി
- "ഇന്ത്യയിലെ ചുവന്ന നദി"
ബ്രഹ്മപുത്രയുടെ പ്രധാനപ്പെട്ട പോഷകനദികൾ :
- ദിബാങ്
- കാമോങ്
- ധനുശ്രീ
- ടീസ്റ്റ (ഇന്ത്യയിൽ ഏറ്റവും വേഗത്തിൽ ഒഴുകുന്ന നദി)
- മനാസ്
- സുബൻസിരി (ബ്രഹ്മപുത്രയുടെ ഏറ്റവും വലിയ പോഷകനദി)
മജൂലി
- ഇന്ത്യയിലെ ഏറ്റവും വലിയ നദീദ്വീപായ മജുലി ബ്രഹ്മപുത്ര നദിയിലാണ്‌
- മജുലി സ്ഥിതിചെയ്യുന്ന ഇന്ത്യൻ സംസ്ഥാനം - അസം
- വൈഷ്ണവ സത്രങ്ങൾക്ക് പ്രസിദ്ധമായ അസമിലെ വിനോദ സഞ്ചാര കേന്ദ്രം - മജുലി
- ഇന്ത്യയിലെ ആദ്യ ദ്വീപ് ജില്ല - മജുലി
- ദ്വീപ് ജില്ലയായി പ്രഖ്യാപിക്കുന്നതിന് മുൻപ് മജുലി ജോർഹത്ത് ജില്ലയുടെ ഭാഗമായിരുന്നു.
നർമ്മദ
- മധ്യപ്രദേശിലെ അമർകണ്ഡക് പീഠഭൂമിയുടെ പടിഞ്ഞാറൻ ചരിവിൽ 1057 മീറ്റർ ഉയരത്തിൽ നിന്ന് ഉദ്ഭവിക്കുന്നു.
- മൈക്കലാ പർവ്വത നിരകളാണ് കൃത്യമായി ഇവയുടെ ഉത്ഭവസ്ഥാനം.
- അറബിക്കടലാണ് നർമ്മദയുടെ പതനസ്ഥാനം.
- 'സന്തോഷം നൽകുന്നവൾ' എന്നാണ് നർമ്മദ എന്ന വാക്കിനർത്ഥം
- 1312 കിലോമീറ്റർ നീളമുള്ള നദിയാണ് നർമ്മദ
- പടിഞ്ഞാറോട്ട് ഒഴുകുന്ന ഉപദ്വീപിയൻ നദികളിലെ ഏറ്റവും വലിയ നദി.
- പ്രാചീനകാലത്ത് 'രേവ' എന്നാണ് നർമ്മദ അറിയപ്പെട്ടിരുന്നത്.
- ഭ്രംശ താഴ്വരയിലൂടെ ഒഴുകുന്ന ഏറ്റവും വലിയ നദി.
- വിന്ധ്യ സത്പുര നിരകളിലൂടെ ഒഴുകുന്ന ഉപദ്വീപിയ നദി.
- ഇന്ത്യയെ തെക്കേ ഇന്ത്യയെന്നും വടക്കേ ഇന്ത്യ എന്നും വിഭജിക്കുന്ന നദി.
- 'ഗുജറാത്തിന്റെയും മധ്യപ്രദേശത്തിന്റെയും ജീവരേഖ' എന്നറിയപ്പെടുന്ന നദി
- ജബൽപൂരിനടുത്ത് നർമ്മദാ നദി സൃഷ്ടിക്കുന്ന വെള്ളച്ചാട്ടമാണ് 'ധുവാന്തർ'.
- നർമ്മദാനദിയിൽ സ്ഥിതി ചെയ്യുന്ന അതിപ്രശസ്തമായ ഡാം ആണ് 'സർദാർ സരോവർ ഡാം'.
നർമ്മദ നദി ഒഴുകുന്ന പ്രധാന സംസ്ഥാനങ്ങൾ:
- മധ്യപ്രദേശ്
- ഗുജറാത്ത്
- മഹാരാഷ്ട്ര
നർമ്മദയുടെ പ്രധാന പോഷകനദികൾ :
- താവ (ഏറ്റവും നീളം കൂടിയ പോഷകനദി)
- ബൻജാർ
- ഷേർ
- ഹിരൺ