താഴെ തന്നിരിക്കുന്നതിൽ രാസമാറ്റം ഏതിൽ സംഭവിക്കുന്നു?
ഐസ് ഉരുകുന്നത്
മെഴുക് ഉരുകുന്നത്
ഇരുമ്പ് തുരുമ്പിക്കുന്നത്
മുട്ട തിളക്കുന്നത്
A(i), (ii)
B(i), (iii)
C(ii), (iv)
D(iii), (iv)
Answer:
D. (iii), (iv)
Read Explanation:
ഭൗതിക മാറ്റം (Physical Change):
ഭൗതിക മാറ്റമെന്നാൽ, അത്തരം മാറ്റത്തിൽ, പുതിയ ഒരു വസ്തു രൂപം കൊള്ളുന്നില്ല. ആ വസ്തു നിലനിൽക്കുന്ന അവസ്ഥയിൽ മാത്രം വ്യതിയാനം സംഭവികാം.
ഐസ് ഉരുകുന്നത് ഒരു ഭൗതിക മാറ്റമാണ്. ഐസ് വെള്ളമായി ഉരുകുന്നത്, ഖരാവസ്ഥയിൽ നിന്ന് ദ്രാവകാവസ്ഥയിലേക്കുള്ള മാറ്റമാണ്. പുതിയ ഒരു വസ്തു രൂപം കൊള്ളുന്നില്ല. അതിനാൽ അവസ്ഥയുടെ മാറ്റമുണ്ട്, ഇത് പഴയ പടിയാക്കാവുന്നതുമാണ്.
മെഴുക് ഉരുകുന്നത് ഒരു ഭൗതിക മാറ്റമാണ്. പുതിയൊരു വസ്തു ഇവിടെ രൂപം കൊള്ളുന്നില്ല. മെഴുക് നിലനിൽക്കുന്ന അവസ്ഥയിൽ മാത്രം വ്യതിയാനം സംഭവിക്കുന്നു.
രാസമാറ്റം (Chemical Change):
രാസമാറ്റം എന്നാൽ, രണ്ട് പദാർത്ഥങ്ങൾ ഒരുമിച്ച് പ്രതിപ്രവർത്തിച്ച് ഒരു പുതിയ പദാർത്ഥം ഉണ്ടാവുകയും, അവ തിരികെ പഴയ പടി ആക്കാൻ സാധിക്കാത്തതുമായ മാറ്റം ആണ്.
ഇരുമ്പ് തുരുമ്പെടുക്കുന്നത് ഒരു രാസമാറ്റമാണ്, കാരണം രണ്ട് പദാർത്ഥങ്ങൾ ഒരുമിച്ച് പ്രതിപ്രവർത്തിച്ച് ഒരു പുതിയ പദാർത്ഥം ഉണ്ടാക്കുന്നു. ഇരുമ്പ് തുരുമ്പെടുക്കുമ്പോൾ, ഇരുമ്പ് തന്മാത്രകൾ ഓക്സിജൻ തന്മാത്രകളുമായി പ്രതിപ്രവർത്തിച്ച് അയൺ ഓക്സൈഡ് എന്ന സംയുക്തം ഉണ്ടാക്കുന്നു.
ഒരു മുട്ട തിളപ്പിക്കുമ്പോൾ, മുട്ടയുടെ പ്രോട്ടീനുകളിലെ ബോണ്ടുകൾ തകരുകയും, പിന്നീട് മറ്റ് പ്രോട്ടീനുകളുമായി പുതിയ ബോണ്ടുകൾ ഉണ്ടാക്കുകയും ചെയ്യുന്നു. ഈ പ്രക്രിയയിൽ, ഓരോ പ്രോട്ടീൻ തന്മാത്രയ്ക്കും ചുറ്റുമുള്ള ജല തന്മാത്രകൾ നിർബന്ധിതമായി പുറത്തു വരുന്നു. അങ്ങനെ മുട്ട ഖരാവസ്ഥയിൽ ആകുന്നു. പുഴുങ്ങിയ മുട്ട പഴയപടിയാക്കാനുമാവില്ല.