Question

താഴെ തന്നിരിക്കുന്നവയിൽ തീവ്രദേശീയതയിൽ അധിഷ്ഠിതമായി രൂപംകൊണ്ട പ്രസ്ഥാനങ്ങൾ ഏതെല്ലാമാണ് ?

1. പാൻ സ്ലാവ്‌ പ്രസ്ഥാനം
2. പാൻ ജർമൻ പ്രസ്ഥാനം
3. പ്രതികാര പ്രസ്ഥാനം

• A. ഇവയെല്ലാം
• B. i, iii എന്നിവ
• C. iii മാത്രം
• D. ഇവയൊന്നുമല്ല

Answer 1

Answer:

A. ഇവയെല്ലാം

തീവ്രദേശീയത

• സ്വന്തം രാജ്യം മറ്റുള്ളവയെക്കാൾ ശ്രേഷ്ഠമാണെന്ന് കരുതുന്ന ആശയം.

• ഇതിൻറെ ഭാഗമായി സ്വന്തം രാജ്യം ചെയ്യുന്ന പ്രവർത്തികൾ എല്ലാം ന്യായീകരിക്കുന്നതും  തീവ്രദേശീയതയുടെ ഭാഗമാണ്.

• കിഴക്കൻ യൂറോപ്പിലെ സെർബിയ, ബൾഗേറിയ, ഗ്രീസ് തുടങ്ങിയ രാജ്യങ്ങളിലെ സ്ലാവ്‌ വംശജരെ ഏകീകരിക്കുന്നതിനായിട്ടാണ് പാൻ സ്ലാവ്‌ പ്രസ്ഥാനം ഉടലെടുത്തത്.

• റഷ്യയുടെ സഹായത്തോടെയാണ് ഈ പ്രസ്ഥാനം രൂപീകരിക്കപ്പെട്ടത്.

• മധ്യ യൂറോപ്പിലും ബാൾക്കൺ മേഖലയിലും സ്വാധീനം ഉറപ്പിക്കാൻ വേണ്ടി ജർമ്മനി ആരംഭിച്ച തീവ്രദേശീയതയിൽ അധിഷ്ഠിതമായ പ്രസ്ഥാനം ആയിരുന്നു പാൻ ജർമൻ പ്രസ്ഥാനം

• 1871ൽ ജർമ്മനി ഫ്രാൻസിന്റെ പക്കൽ നിന്ന് കൈവശപ്പെടുത്തിയ അൾസൈസ്, ലോറൈൻ എന്നീ പ്രദേശങ്ങൾ തിരികെ പിടിക്കുന്നതിന് ഫ്രാൻസിന്റെ നേതൃത്വത്തിൽ ആരംഭിച്ച പ്രസ്ഥാനം ആയിരുന്നു പ്രതികാര പ്രസ്ഥാനം.