Question

താഴെപ്പറയുന്ന ഉദ്ധരണികളിൽ തെറ്റായതേതാണ്?

1. 'എനിക്ക് ശേഷം പ്രളയം' - ലൂയി പതിനഞ്ചാമൻ
2. 'ഞാനാണ് രാഷ്ട്രം' - ലൂയി പതിനാലാമൻ
3. 'സ്വതന്ത്രനായി ജനിക്കുന്ന മനുഷ്യൻ എവിടെയും ചങ്ങലയിലാണ്' - വോൾട്ടയർ

• A. എല്ലാം തെറ്റ്
• B. ii, iii തെറ്റ്
• C. ii മാത്രം തെറ്റ്
• D. iii മാത്രം തെറ്റ്

Answer 1

Answer:

D. iii മാത്രം തെറ്റ്

റൂസ്സോ

• "മനുഷ്യന്‍ സ്വതന്ത്രനായി ജനിക്കുന്നു,എന്നാല്‍ എല്ലായിടത്തും അവന്‍ ചങ്ങലകളിലാണ്" എന്ന് പ്രസ്താവിച്ചത് ഫ്രാൻസിലെ ചിന്തകന്മാരിൽ പ്രമുഖനായ റൂസ്സോയാണ്  
• ജനങ്ങളാണ് പരമാധികാരിയെന്നും അദ്ദേഹം പ്രഖ്യാപിച്ചു.
• റൂസോയുടെ ഏറ്റവും പ്രശസ്തമായ കൃതി "ദി സോഷ്യൽ കോൺട്രാക്റ്റിൽ "പൊതു ഇച്ഛ"(General will) എന്ന ആശയവും പൗരന്മാരും ഭരണകൂടവും തമ്മിലുള്ള ഒരു സാമൂഹിക കരാറിന്റെ ആശയവും ചർച്ച ചെയ്യുന്നു.
• റൂസോയുടെ ആശയങ്ങൾ ഫ്രാൻസിൽ നിലനിന്ന അസമത്വങ്ങളെയും ചൂഷണത്തെയും കുറിച്ച് ജനങ്ങളെ ബോധവാന്മാരാക്കുന്നതിൽ പ്രധാന പങ്കുവഹിച്ചു. 

ഫ്രഞ്ച് വിപ്ലവത്തെ സ്വാധീനിച്ച മറ്റ് പ്രധാന ചിന്തകർ :

• വോൾട്ടയർ
  
  • പുരോഹിതന്മാരുടെ ചൂഷണത്തെ പരിഹസിച്ചു.
  • യുക്തിചിന്ത, സമത്വം, മനുഷ്യസ്നേഹം എന്നിവ പ്രോത്സാഹിപ്പിച്ചു.
• മൊണ്ടസ്ക്യു 
  
  • ജനാധിപത്യത്തെയും റിപ്പബ്ലിക്കിനെയും പ്രോത്സാഹിപ്പിച്ചു.
  • ഗവൺമെൻ്റിനെ നിയമനിർമാണം, കാര്യനിർവഹണം, നീതിന്യായം എന്നീ വിഭാഗങ്ങളായി തിരിക്കണമെന്ന് വാദിച്ചു.