Question

താഴെ പറയുന്ന പ്രസ്താവനകളിൽ ശരിയായത് ഏതൊക്കെയാണ്?

1. കുത്തബ് മിനാറിന്റെ നിർമ്മാണം ആരംഭിച്ചത് കുത്തബ്ദീൻ ഐബക് ആണ്
2. 1206 മുതൽ 1209 വരെയാണ് അടിമവംശത്തിന്റെ ഭരണകാലഘട്ടം
3. 1210 ൽ കുത്തബ്ദീൻ ഐബക്കിന്റെ മരണ ശേഷം ഭരണാധികാരിയായി തിരഞ്ഞെടുക്കപ്പെട്ട ആരം ഷായ്ക്ക് എട്ട് മാസം ഭരിക്കാൻ കഴിഞ്ഞുള്ളു 

• A. i, iii ശരി
• B. എല്ലാം ശരി
• C. ഇവയൊന്നുമല്ല
• D. iii മാത്രം ശരി

Answer 1

Answer:

A. i, iii ശരി

അടിമ രാജവംശം

• മുഹമ്മദ് ഗോറിയുടെ പ്രിയപ്പെട്ട അടിമയും,സൈന്യാധിപനും ആയിരുന്നു കുത്ത്ബുദ്ദീൻ ഐബക്ക്.
  
• ഇന്ത്യൻ അധിനിവേശത്തിനുശേഷം ഗോറി മടങ്ങിയപ്പോൾ അധികാര പ്രദേശങ്ങളുടെ മുഴുവൻ ചുമതലയും ഐബക്കിന് നൽകി.
  
• 1206-ൽ മുഹമ്മദ് ഗോറിയുടെ മരണത്തിനു ശേഷം കുത്ത്ബുദ്ദീൻ ഐബക് ദില്ലിയിലെ സുൽത്താനായി സ്വയം പ്രഖ്യാപിച്ചു.
  
• ദില്ലി സൽത്തനത്തിലെ ആദ്യ രാജവംശമായ മാംലൂക് രാജവംശം (അടിമ രാജവംശം)സ്ഥാപിക്കുകയും ചെയ്തു.
• അടിമ രാജവംശം അറിയപ്പെടുന്ന മറ്റു പേരുകൾ : ഇൽബാരി,യാമിനി,ഗുലാം രാജവംശം.

ആരംഷാ

• കുത്ത്ബുദ്ദീൻ ഐബക്കിന് ശേഷം മകനായ ആരംഷായെ പ്രഭുക്കന്മാർ അടുത്ത അധികാരി ആക്കി.
  
• ആരംഷാ ദുർബലനായ ഒരു ഭരണാധികാരിയായിരുന്നു.
  
• ആരം ഷായ്ക്ക് വെറും എട്ട് മാസം മാത്രമേ ഭരിക്കാൻ കഴിഞ്ഞുള്ളു
• ബാഗ് ഈ ജൂദ് മൈതാനത്തിൽ വച്ച് കുത്തബ്ദിന്റെ പുത്രിയുടെ ഭർത്താവായിരുന്ന ഇൽത്തുമിഷ് ആരംഷായെ പരാജയപ്പെടുത്തി അധികാരത്തിലേറി.

കുത്തബ്മിനാർ

• കുത്തബ്മിനാറിന്റെ നിർമ്മാണം ആരംഭിച്ച ഭരണാധികാരി : കുത്തബ്ദീൻ.
• കുത്തബ്മിനാറിന്റെ നിർമ്മാണം പൂർത്തീകരിച്ച  ഭരണാധികാരി : ഇൽത്തുമിഷ്
  
• 'ഖ്വാജ കുത്തബ്ദീൻ ഭക്തിയാർ കാക്കി' എന്ന സൂഫിവര്യൻറെ സ്മരണാർത്ഥമാണ് കുത്തബ്മിനാർ പണികഴിപ്പിച്ചത്.
  
• 237.8 അടിയാണ് കുത്തബ്മിനാറിന്റെ ഉയരം.
• കുത്തബ്മിനാറിന്റെ പ്രവേശന കവാടം 'അലൈ ദർവാസ' എന്നറിയപ്പെടുന്നു.
  
• ഉയരമുള്ള ഗോപുരവും ഗോപുരത്തിൽ നിന്ന് തള്ളി നിൽക്കുന്ന ബാൽക്കണികളും ആണ് കുത്തബ്മിനാറിന്റെ പ്രത്യേകത