Question

കേരള സംസ്ഥാന സാക്ഷരതാ മിഷൻ അതോറിറ്റിയുടെ ലക്ഷ്യങ്ങളെ സംബന്ധിച്ച് താഴെപ്പറയുന്ന പ്രസ്താവനകളിൽ ഏതൊക്കെ ശരിയല്ല ?

• A. തുടർ വിദ്യാഭ്യാസത്തിലൂടെ സാക്ഷരത കഴിവുകൾ വികസിപ്പിക്കുക
• B. പഠിക്കാൻ താൽപ്പര്യമുള്ള ഓരോരുത്തർക്കും അവസരങ്ങൾ നൽകുക
• C. കേരളം മുഴുവൻ പ്രാഥമിക തലത്തിലുള്ള വിദ്യാഭ്യാസം ഉറപ്പാക്കുക
• D. സർക്കാരിന്റെ വികസന - ക്ഷേമ പദ്ധതികളെക്കുറിച്ച് ജനങ്ങളെ അറിയിക്കുക

Answer 1

Answer:

C. കേരളം മുഴുവൻ പ്രാഥമിക തലത്തിലുള്ള വിദ്യാഭ്യാസം ഉറപ്പാക്കുക

കേരള സംസ്ഥാന സാക്ഷരതാ മിഷൻ അതോറിറ്റിയുടെ ലക്ഷ്യങ്ങൾ

• നേടിയെടുത്ത സാക്ഷരതയെ തുടര്‍പഠനത്തിലൂടെ വികസിപ്പിക്കുക.

• താല്‍പര്യമുള്ള ഏതൊരാള്‍ക്കും പഠിക്കാനുള്ള അവസരം ഒരുക്കുക.

• നേടിയ അറിവ് ജീവിതത്തില്‍ പ്രയോഗിക്കാനുള്ള ശേഷി വളര്‍ത്തുക.

• സര്‍ക്കാരിന്റെ വികസന ക്ഷേമ പദ്ധതികളെക്കുറിച്ച് അവബോധം വികസിപ്പിക്കുക.

• പിന്നാക്കം നില്‍ക്കുന്ന ജനവിഭാഗങ്ങളെ വികസന ക്ഷേമ പ്രവര്‍ത്തനങ്ങളില്‍ സജീവ പങ്കാളികളാക്കി അവരുടെ ജീവിതനിലവാരം ഉയര്‍ത്താന്‍ സഹായിക്കുക.

• അനൗപചാരിക വിദ്യാഭ്യാസരംഗത്ത് ഗവേഷണ പഠനങ്ങള്‍ നടത്തുക.

• കേരളത്തിലെ മുഴുവന്‍ ആളുകള്‍ക്കും പടിപടിയായി സെക്കണ്ടറിതല വിദ്യാഭ്യാസം ഉറപ്പുവരുത്തുക.

• സമഗ്രമായ തൊഴില്‍ നൈപുണി വികസന പദ്ധതി നടപ്പാക്കുക.

• കേരളത്തിന്റെ തനതായ പൗരവിദ്യാഭ്യാസ പ്രവര്‍ത്തനങ്ങള്‍ സംഘടിപ്പിക്കുക.

ഗുണഭോക്താക്കള്‍

• നിരക്ഷരര്‍.

• നവസാക്ഷരര്‍.

• സ്‌കൂളില്‍ നിന്നും കൊഴിഞ്ഞുപോയവര്‍.

• ആജീവനാന്ത വിദ്യാഭ്യാസത്തില്‍ താല്‍പര്യമുള്ള ഏവരും.