Question

'ഒന്നാം കറുപ്പ് യുദ്ധ'വുമായി ബന്ധപ്പെട്ട് താഴെ തന്നിരിക്കുന്ന പ്രസ്താവനകളിൽ ശരിയായത് ഏതെല്ലാം ?

1. 1839 മുതൽ 1842 വരെയാണ് ചൈനയും ബ്രിട്ടനും തമ്മിൽ നടന്ന ഒന്നാം കറുപ്പ് യുദ്ധത്തിൻ്റെ കാലഘട്ടം.
2. ഒന്നാം കറുപ്പ് യുദ്ധത്തിൻ്റെ ഫലമായി ചൈനീസ് പ്രദേശമായ ഹോങ്കോങ് ബ്രിട്ടൻ പിടിച്ചെടുത്തു.
3. നാൻകിങ് ഉടമ്പടിയോടെയാണ് ഒന്നാം കറുപ്പ് യുദ്ധം അവസാനിച്ചത്.

• A. എല്ലാം ശരി
• B. രണ്ട് മാത്രം ശരി
• C. ഒന്ന് മാത്രം ശരി
• D. ഇവയൊന്നുമല്ല

Answer 1

Answer:

A. എല്ലാം ശരി

കറുപ്പ് യുദ്ധം

• 1839 മുതൽ 1842 വരെ ബ്രിട്ടിഷ് ഈസ്റ്റ് ഇന്ത്യ കമ്പനിയും ചൈനയും (ക്വിങ് രാജവംശവും) തമ്മിൽ ചൈനയിൽ വച്ച് നടന്ന യുദ്ധമാണ് ഒന്നാം കറുപ്പ് യുദ്ധം.
• സ്വതന്ത്ര വ്യാപാരം-പ്രത്യേകിച്ചും കറുപ്പിന്റെ കാര്യത്തിൽ- നടപ്പിലാക്കാൻ ചൈനയെ നിർബന്ധിക്കുക എന്നതായിരുന്നു ഈസ്റ്റ് ഇന്ത്യ കമ്പനിയുടെ ലക്ഷ്യം.
• യുദ്ധത്തിൽ ചൈന പരാജയപ്പെട്ടു.
• ഇതോടെ ചൈനീസ് പ്രദേശമായ ഹോങ്കോങ് ബ്രിട്ടൻ പിടിച്ചെടുത്തു.
• ഒടുവിൽ ബ്രിട്ടനും ചൈനയും തമ്മിൽ ഉണ്ടാക്കിയ നാൻകിങ് ഉടമ്പടിയിലൂടെ യുദ്ധം അവസാനിച്ചു.
• 1997ലാണ് ചൈനയ്ക്ക് ഹോങ്കോങ് തിരികെ ലഭിച്ചത്.
• ആധുനിക ചൈനയുടെ ചരിത്രം ആരംഭിക്കുന്നത് ഒന്നാം കറുപ്പ് യുദ്ധത്തോടെയാണ്.