Question

താഴെപ്പറയുന്നവയില്‍ ഏത്‌ തരം പാറകളാണ്‌ അവയുടെ ഉദാഹരണവുമായി ശരിയായി പൊരുത്തപ്പെടുന്നത്‌ ?

1. ആഗ്നേയശില - ബസാൾട്ട്‌
2. അവസാദശില - സ്ലേറ്റ്
3. രൂപാന്തര ശിലകള്‍ - മാര്‍ബിള്‍

• A. i, ii ശരി
• B. ഇവയൊന്നുമല്ല
• C. ii, iii ശരി
• D. i, iii ശരി

Answer 1

Answer:

D. i, iii ശരി

ആഗ്നേയശില (Igneous rocks)

• മാഗ്മ തണുത്തുറഞ്ഞാണ് ഇവ രൂപം കൊള്ളുന്നത്
• മറ്റുള്ള ശിലകളെല്ലാം ആഗ്നേയ ശിലകള്‍ക്ക്‌ രൂപമാറ്റം സംഭവിച്ച്‌ ഉണ്ടാവുന്നത്‌ കൊണ്ട്‌ പ്രാഥമിക ശിലകള്‍ എന്ന്‌ അറിയപ്പെടുന്നു.
• ഫോസില്‍ ഇല്ലാത്ത ശിലകള്‍.
• അഗ്നിപര്‍വ്വത ജന്യ ശിലകളാണിവ.
• പിതൃ ശില, അടിസ്ഥാനശില,ശിലകളുടെ മാതാവ്‌ എന്നെല്ലാം അറിയപ്പെടുന്നു.
• ഡയോറൈറ്റ്,ഗ്രാനൈറ്റ്,ഗാബ്രോ,ബസാൾട്ട്, റയോലൈറ്റ്, ആന്റിസൈറ്റ് എന്നിവ ഉദാഹരണങ്ങളാണ്‌.

അവസാദശില(Sedimentary Rocks)

• നിക്ഷേപണപ്രക്രിയയിലൂടെ അരിക്കലിനും തരംതിരിപ്പിനും വിധേയമായി അടരുകളായി രൂപംകൊള്ളുന്ന ശിലകളാണിവ.
• പാളികളായി കാണുന്നൂ എന്നതാണ് അവസാദശിലാസ്തരങ്ങളുടെ മുഖ്യ സവിശേഷത.
• മുകളിലുള്ള പാളികളുടെ ഭാരം മൂലം അടിയിലുള്ള പാളികൾ സാവധാനം കാഠിന്യമേറി പാറയായി മാറുന്നു.
• കളിമണ്ണ്, ക്വാർട്ട്സ്, കാൽസൈറ്റ് എന്നീ ധാതുക്കളാണു കൂടുതലായുള്ളത്. 

രൂപാന്തര ശിലകള്‍

• അവസാദശിലകളും ആഗ്നേയശിലകളും ശക്തമായ താപം മൂലം രൂപഭേദം  വരുമ്പോൾ ഉണ്ടാകുന്ന തരം ശിലകളാണ് രൂപാന്തര ശിലകള്‍
•  ഗ്രാനൈറ്റ്, സൈനൈറ്റ്, സ്ലേറ്റ്, സ്കിസ്റ്റ്, മാർബിൾ, ക്വാർട്ട്സൈറ്റ്
• ഗ്രാനൈറ്റ് നയിസായും ബസാൽട്ട് ഷിസ്റ്റായും ചുണ്ണബുകല്ല് മാർബിളായും മണൽക്കല്ല് ക്വാർട്ട്സൈറ്റായും കളിമണ്ണും ഷെയിലും സ്ലേറ്റായും കൽക്കരി ഗ്രാഫൈറ്റയും മാറുന്നത് രൂപാന്തര പ്രക്രിയയിലൂടെയാണ്.