Question

ഇവയിൽ ശരിയായ പ്രസ്താവന ഏത് ?

1.പുരോഹിതന്മാരടങ്ങിയ ഫസ്റ്റ് എസ്റ്റേറ്റും പ്രഭുക്കന്മാർ അടങ്ങിയ സെക്കൻഡ്  എസ്റ്റേറ്റും സാധാരണക്കാർ അടങ്ങിയ തേർഡ് എസ്റ്റേറ്റും ചേർന്നതായിരുന്നു  ഫ്രഞ്ച് സമൂഹത്തിൽ നിലനിന്നിരുന്ന എസ്റ്റേറ്റ് ജനറൽ.

2.പുരോഹിതൻമാരും പ്രഭുക്കൻമാരും എണ്ണത്തിൽ വളരെ കുറവായിരുന്നു. എന്നാൽ, ഭൂരിഭാഗം ഭൂമിയും സ്വത്തുവകകളും ഇവരാണ് കൈവശം വെച്ചിരുന്നത്.

3.മൂന്നാം എസ്റ്റേറ്റിൽ ഉൾപ്പെടുന്ന കർഷകർക്കും സാധാരണക്കാർക്കും യാതൊരു അവകാശവും ലഭിച്ചിരുന്നില്ല.

• A. 1,2
• B. 1,3
• C. 2,3
• D. 1,2,3

Answer 1

Answer:

D. 1,2,3

പുരാതന ഫ്രഞ്ച് സമൂഹത്തെ മുന്ന് തട്ടുകളായി തരം തിരിച്ചിരുന്നു .അവയെ എസ്റ്റേറ്റ് എന്നു വിളിക്കുന്നു ഒന്നാമത്തെ എസ്റ്റേറ്റ് പുരോഹിതൻ മാരും രണ്ടാമത്തെ എസ്റ്റേറ്റ് പ്രഭു വർഗക്കാരും മൂന്നാമത്തെ വർഗം കർഷകരും സാധാരണ ജനങ്ങളും ആയിരുന്നു. ഫ്രാൻസിലെ മൊത്തം ജനസംഖ്യയെടുത്താൽ പുരോഹിതൻമാരും പ്രഭുക്കൻമാരും എണ്ണത്തിൽ വളരെ കുറവായിരുന്നു. എന്നാൽ, ഭൂരിഭാഗം ഭൂമിയും സ്വത്തുവകകളും ഇവരാണ് കൈവശം വെച്ചിരുന്നത്.മൂന്നാം എസ്റ്റേറ്റിൽ പെട്ട കർഷകർക്കും സാധാരണക്കാർക്കും യാതൊരു ആനുകൂല്യങ്ങളും ലഭിച്ചിരുന്നില്ല.