Question

കളിമൺപാത്ര നിർമ്മാണത്തിന് വിവിധ ഘട്ടങ്ങൾ നിരീക്ഷിക്കുന്നതിനും പ്രത്യേകതകൾ കണ്ടെത്തുന്നതിനും എന്ന പഠനനേട്ടം ആർജ്ജിക്കാൻ പര്യാപ്തമായ പഠന തന്ത്രം ?

• A. പരീക്ഷണം
• B. ഫീൽഡ് ട്രിപ്പ്
• C. സെമിനാർ
• D. സംവാദം

Answer 1

Answer:

B. ഫീൽഡ് ട്രിപ്പ്

ഫീൽ‌ഡ് ട്രിപ്പ് 

• വിനോദം, വിദ്യാഭ്യാസം പോലെയുള്ള കാര്യങ്ങൾക്കായി ഒരു കൂട്ടം ആളുകൾ അവരുടെ സാധാരണ പരിതസ്ഥിതിയിൽ നിന്ന് മാറി മറ്റൊരിടത്തേക്ക് നടത്തുന്ന ചെറു യാത്രയാണ് എക്സ്കർഷൻ എന്ന് പൊതുവായി അറിയപ്പെടുന്നത്.
• അതുപോലെ, പാഠഭാഗങ്ങൾ നേരിട്ട് മനസ്സിലാക്കുന്നതിനോ, പ്രകൃതി പ്രതിഭാസങ്ങളുടെ നിരീക്ഷണത്തിനായോ ഒക്കെയായി വിദ്യാർത്ഥികൾക്ക് വേണ്ടി നടത്തുന്ന യാത്രകളാണ് പഠനയാത്ര അല്ലെങ്കിൽ സ്റ്റഡി ടൂർ എന്ന് അറിയപ്പെടുന്നത്.
• ഇത് അമേരിക്കയിൽ ഫീൾഡ് ട്രിപ്പ് എന്നും, യുകെയിലും, ഓസ്ട്രേലിയയിലും ന്യൂസ്ലൻഡിലും സ്കൂൾ ട്രിപ്പ് എന്നും, ഫിലിപ്പെൻസിൽ ലക്ബയ് അരൽ (lakbay aral) എന്നും അറിയപ്പെടുന്നു.
• യാത്രയുടെ ലക്ഷ്യം സാധാരണയായി വിദ്യാഭ്യാസം, പരീക്ഷണേതര ഗവേഷണം അല്ലെങ്കിൽ വിദ്യാർഥികൾക്ക്  അവരുടെ ദൈനംദിന പ്രവർത്തനങ്ങൾക്ക് പുറത്തുള്ള അനുഭവങ്ങൾ നൽകുക എന്നിവയാണ്.
• ഒരു വിഷയം അതിന്റെ സ്വാഭാവിക അവസ്ഥയിൽ നിരീക്ഷിക്കാനും സാമ്പിളുകൾ ശേഖരിക്കാനും കഴിയും എന്നതാണ് പഠനയാത്രയുടെ ഒരു ഗുണം.
• കൂടാതെ ഫീൽ‌ഡ് ട്രിപ്പുകൾ‌ പഠനത്തിൽ ഉയർന്ന നിലവാരം പുലർത്തുന്ന കുട്ടികൾക്കും താഴ്ന്ന നിലവാരം പുലർത്തുന്ന കുട്ടികൾക്കും ഒരുപോലെ സാംസ്കാരിക അനുഭവങ്ങൾ‌ നേടുന്നതിന് സഹായിക്കുന്നു.