പഠനപ്രക്രിയയിൽ സ്വാംശീകരണം സിദ്ധാന്തിച്ചത് ആരാണ് ?
Aബ്രൂണർ
Bവൈഗോട്സ്കി
Cബെഞ്ചമിൻ ബ്ലൂം
Dപിയാഷെ
Answer:
D. പിയാഷെ
Read Explanation:
പിയാഷെയുടെ പഠന സങ്കല്പം
- പിയാഷയുടെ അഭിപ്രായത്തിലെ വൈജ്ഞാനിക പ്രക്രിയ ഘട്ടങ്ങൾ താഴെ പറയുന്നവയാണ്
- സ്കീമ
- സ്വാംശീകരണം
- സംസ്ഥാപനം
- സന്തുലനം
- പുതിയ അനുഭങ്ങൾ വൈജ്ഞാനിക ഘടന (Cognitive domain) യിൽ സൃഷ്ടിക്കുന്ന അസന്തുലിതാവസ്ഥ പരിഹരിക്കാൻ രണ്ടു മാർഗങ്ങളാണ് പൊതുവെ സ്വീകരിക്കാറുള്ളത് എന്ന് പിയാഷെ അഭിപ്രായപ്പെടുന്നു. അവ സ്വാംശീകരണവും (Assimilation) സംസ്ഥാപനവും (Accomodation) ആണ്.
- കുട്ടി ഒഴിഞ്ഞ പാത്രമല്ല. അവനിൽ ധാരാളം മുന്നറിവുകളുണ്ട് അവൻ ഗവേഷകനും അനുഭവങ്ങളിലൂടെ അറിവ് നിർമ്മിക്കുന്നവനുമാണ്.
- പഠനം ഇച്ഛാപൂർവ്വം നടക്കുന്ന ഒരു സ്വാഭാവിക പ്രക്രിയയാണ്. അത് തീർത്തും ഒരു ജീവ ശാസ്ത്ര പ്രക്രിയയാണ്. പരിഹരിക്കപ്പെടേണ്ട വൈജ്ഞാനിക അസന്തുലിതാവസ്ഥ പഠനത്തിലേക്ക് നയിക്കുന്നു. .
- നിലവിലുള്ള വൈജ്ഞാനിക ഘടനയുമായി സമരസപ്പെടാത്ത ഏതു വിജ്ഞാന ഘടകവും നിരർത്ഥകമായി അനുഭവപ്പെടും. നിയതമായ വികാസഘട്ടങ്ങളിലൂടെ കടന്നു പോകുന്നതിനനുസരിച്ച് ജ്ഞാതൃഘടന സങ്കീർണമാകുന്നു.
- വൈജ്ഞാനിക വികാസം നടക്കുന്നത് അനുരൂപീകരണം (Adaptation) സംയോജനം (Organisation) എന്നീ പ്രക്രിയകൾ വഴിയാണ്. ബാഹ്യലോകവുമായി പൊരുത്തപ്പെടുന്നതിന് പരിസ്ഥിതിയുമായി ഇടപെട്ടുകൊണ്ട് സീമകൾ നിർമ്മിച്ചെടുക്കുന്ന പ്രക്രിയയാണ് അനുരൂപീകരണം. സ്വാംശീകരണം, സംസ്ഥാപനം എന്നീ രണ്ടു രീതികളിലൂടെയാണ് അനുരൂപീകരണം നടക്കുന്നത്.
- സീമകളുടെ ആന്തരിക പുനർവിന്യാസവും കൂട്ടിച്ചേർക്കലും വഴി ശക്തവും പരസ്പര ബന്ധിതവുമായ ഒരു ജ്ഞാതൃഘടന രൂപം കൊള്ളുന്ന പ്രക്രിയയാണ് സംയോജനം (organisation)