Aശാശ്വത ഭൂനികുതി നിയമം
Bദത്തവാകാശ നിരോധന നിയമം
Cവെർണ്ണക്കുലർ പത്ര നിയമം
Dറൗലത്ത് നിയമം
Answer:
D. റൗലത്ത് നിയമം
Read Explanation:
റൗലത്ത് നിയമവും ജാലിയൻ വാലാബാഗ് കൂട്ടക്കൊലയും
റൗലത്ത് നിയമം (Rowlatt Act)
ബ്രിട്ടീഷ് ഇന്ത്യയിൽ ദേശീയ പ്രക്ഷോഭങ്ങളെ അടിച്ചമർത്തുന്നതിനായി 1919-ൽ ഇംപീരിയൽ ലെജിസ്ലേറ്റീവ് കൗൺസിൽ പാസാക്കിയ നിയമമാണ് റൗലത്ത് നിയമം.
സിഡ്നി റൗലത്ത് അധ്യക്ഷനായ സമിതിയുടെ ശുപാർശ പ്രകാരമാണ് ഈ നിയമം കൊണ്ടുവന്നത്. ഇതിന്റെ ഔദ്യോഗിക നാമം 'അനാർക്കിയൽ ആൻഡ് റെവല്യൂഷണറി ക്രൈംസ് ആക്ട് ഓഫ് 1919' എന്നായിരുന്നു.
ഇതിൻ്റെ പ്രധാന വ്യവസ്ഥകൾ, വാറന്റ് ഇല്ലാതെ ആരെയും അറസ്റ്റ് ചെയ്യാനും വിചാരണ കൂടാതെ രണ്ട് വർഷം വരെ തടങ്കലിൽ വയ്ക്കാനും അധികാരം നൽകി എന്നതാണ്.
കൂടാതെ, പത്രസ്വാതന്ത്ര്യം, രാഷ്ട്രീയ പ്രവർത്തനങ്ങൾ എന്നിവ നിരോധിക്കുകയും ഹേബിയസ് കോർപ്പസ് അവകാശം റദ്ദാക്കുകയും ചെയ്തു.
ഇന്ത്യൻ ജനത ഈ നിയമത്തെ 'കറുത്ത നിയമം' (Black Act) എന്ന് വിശേഷിപ്പിച്ചു. 'അപ്പീൽ, വക്കീൽ, ദലീൽ ഇല്ല' (No appeal, no vakil, no daleel) എന്ന് ഈ നിയമത്തെക്കുറിച്ച് വ്യാപകമായി പറയപ്പെട്ടു.
മഹാത്മാഗാന്ധി റൗലത്ത് നിയമത്തിനെതിരെ രാജ്യവ്യാപകമായി ഒരു ഹർത്താലിന് ആഹ്വാനം ചെയ്തു.
ജാലിയൻ വാലാബാഗ് കൂട്ടക്കൊല (Jallianwala Bagh Massacre)
റൗലത്ത് നിയമത്തിനെതിരെയുള്ള പ്രക്ഷോഭങ്ങളുടെ ഭാഗമായി, 1919 ഏപ്രിൽ 13-ന് (വിഷു ദിനം) അമൃത്സറിലെ ജാലിയൻവാലാബാഗിൽ സമാധാനപരമായി ഒത്തുകൂടിയ ജനക്കൂട്ടത്തിനു നേരെയാണ് വെടിവെപ്പുണ്ടായത്.
റൗലത്ത് നിയമപ്രകാരം അറസ്റ്റിലായ ഡോ. സൈഫുദ്ദീൻ കിച്ച്‌ലു, ഡോ. സത്യപാൽ എന്നിവരെ മോചിപ്പിക്കണമെന്നാവശ്യപ്പെട്ടാണ് ജനങ്ങൾ തടിച്ചുകൂടിയത്.
ജനറൽ റെജിനാൾഡ് എഡ്വേർഡ് ഹാരി ഡയർ എന്ന ബ്രിട്ടീഷ് സൈനിക ഉദ്യോഗസ്ഥനാണ് ജനക്കൂട്ടത്തിനുനേരെ വെടിവെക്കാൻ ഉത്തരവിട്ടത്. അമൃത്സറിൽ പ്രഖ്യാപിച്ച സൈനിക നിയമം ലംഘിച്ച് ജനങ്ങൾ ഒരുമിച്ചുകൂടി എന്നതാണ് വെടിവെപ്പിന് കാരണമായി ജനറൽ ഡയർ പറഞ്ഞത്.
ഔദ്യോഗിക കണക്കുകൾ പ്രകാരം 379 പേർ കൊല്ലപ്പെട്ടതായും 1,200 പേർക്ക് പരിക്കേറ്റതായും പറയുന്നുണ്ടെങ്കിലും, അനൗദ്യോഗികമായി ആയിരത്തിലധികം പേർ കൊല്ലപ്പെട്ടതായും ഏകദേശം 1,500-ൽ അധികം പേർക്ക് പരിക്കേറ്റതായും കണക്കാക്കപ്പെടുന്നു.
പ്രധാന പ്രതികരണങ്ങളും പ്രത്യാഘാതങ്ങളും
ഈ കൂട്ടക്കൊലയിൽ പ്രതിഷേധിച്ച് രബീന്ദ്രനാഥ ടാഗോർ തനിക്ക് ബ്രിട്ടീഷ് സർക്കാർ നൽകിയ 'സർ' (Knight) പദവി ഉപേക്ഷിച്ചു.
മഹാത്മാഗാന്ധി തനിക്ക് ലഭിച്ച 'കൈസർ-ഇ-ഹിന്ദ്' പദവി തിരികെ നൽകി.
കൂട്ടക്കൊലയെക്കുറിച്ച് അന്വേഷിക്കാൻ ബ്രിട്ടീഷ് സർക്കാർ 1919 ഒക്ടോബറിൽ ഹണ്ടർ കമ്മീഷനെ നിയോഗിച്ചു.
ഇന്ത്യൻ നാഷണൽ കോൺഗ്രസ് മദൻ മോഹൻ മാളവ്യയുടെ നേതൃത്വത്തിൽ ഒരു അനൗദ്യോഗിക അന്വേഷണ കമ്മീഷനെ നിയമിച്ചു.
ജനറൽ ഡയറിനെ 'ബ്രിട്ടീഷ് സാമ്രാജ്യത്തിന്റെ രക്ഷകൻ' എന്ന് വിശേഷിപ്പിച്ചത് 'മോർണിംഗ് പോസ്റ്റ്' എന്ന ബ്രിട്ടീഷ് പത്രമാണ്.
ഈ സംഭവത്തിന് പ്രതികാരമായി, ഉദ്ധം സിംഗ് എന്ന ഇന്ത്യൻ വിപ്ലവകാരി 1940-ൽ ലണ്ടനിൽ വെച്ച് പഞ്ചാബിന്റെ അന്നത്തെ ലെഫ്റ്റനന്റ് ഗവർണറായിരുന്ന മൈക്കിൾ ഓ'ഡയറിനെ വധിച്ചു.