Question

ദുർഘടമായ പ്രദേശങ്ങളുടെ ഉയരം ഭൂസർവ്വേയിലൂടെ പ്രദേശത്തിന്റെ ഉയരം തുടർച്ചയില്ലാത്ത കണ്ടെത്താൻ കഴിയാതെ വരുമ്പോൾ ആ ഭൂപടങ്ങളിൽ സൂചിപ്പിക്കുന്ന രീതി :

• A. ട്രയാങ്കുലേറ്റഡ് ഹൈറ്റ്
• B. കോണ്ടൂർ രേഖകൾ
• C. ഫോംലൈൻ
• D. ബെഞ്ച് മാർക്ക്

Answer 1

Answer:

C. ഫോംലൈൻ

ധരാതലീയ ഭൂപടങ്ങളിൽ ഉയരം ചിത്രീകരിക്കുന്ന രീതികൾ

കോണ്ടൂർരേഖകൾ

• സമുദ്രനിരപ്പിൽനിന്ന് ഒരേ ഉയരമുള്ള സ്ഥലങ്ങളെ തമ്മിൽ യോജിപ്പിച്ചു വരയ്ക്കുന്ന സാങ്കൽപ്പികരേഖകളാണ് കോണ്ടൂർ രേഖകൾ.

ഫോം ലൈൻ

• ദുർഘടമായ പ്രദേശങ്ങളുടെ ഉയരം ഭൂസർവേയിലൂടെ കണ്ടെത്താൻ കഴിയാതെവരുമ്പോൾ ആ പ്രദേശത്തിന്റെ ഉയരം ഭൂപടങ്ങളിൽ തുടർച്ചയില്ലാത്ത രേഖകളാൽ ചിത്രീകരിക്കുന്നു. ഇവ യാണ് ഫോം ലൈനുകൾ

സ്പോട്ട് ഹൈറ്റ്

• ഒരു പ്രത്യേക സ്ഥാനത്തിന്റെ ഉയരം കാണിക്കുന്നതിനുവേണ്ടി ഭൂപടങ്ങളിൽ കറുത്ത ബിന്ദുവിനോടു ചേർന്ന് ഉയരത്തെ സൂചിപ്പിക്കുന്ന സംഖ്യ രേഖപ്പെടുത്തുന്നതിനെയാണ് സ്പോട്ട് ഹൈറ്റുകൾ എന്നു പറയുന്നത്.
• കറുത്ത ബിന്ദുക്കൾ ഇല്ലാതെ സംഖ്യ മാത്രമായും രേഖപ്പെടുത്താറുണ്ട്

ട്രയാങ്കുലേറ്റഡ് ഹൈറ്റ്

• ട്രിഗണോമെട്രിക്കൽ സർവേയിലൂടെ കണ്ടെത്തിയ സ്ഥലത്തിന്റെ ഉയരം 'A' ചിഹ്നത്തോടെ ഭൂപടങ്ങളിൽ രേഖപ്പെടുത്തുന്നു.

ബെഞ്ച് മാർക്ക്

• ജലസംഭരണികൾ, പ്രധാന കെട്ടിടങ്ങൾ മുതലായവയുടെ ഉയരം BM എന്ന അക്ഷരത്തോടൊപ്പം രേഖപ്പെടുത്തുന്നു.