'പ്രവർത്തിച്ചു പഠിക്കുക' എന്ന തത്വം ആവിഷ്ക്കരിച്ചത് ?
Aജോൺ ഡ്യൂയി
Bഫ്രോബൽ
Cമഹാത്മാഗാന്ധി
Dമരിയ മോണ്ടിസ്സോറി
Answer:
A. ജോൺ ഡ്യൂയി
Read Explanation:
ജോൺ ഡ്യൂയി (John Dewey) (1859-1952)
- ജീവിതം തന്നെ വിദ്യാഭ്യാസം എന്ന കാഴ്ചപ്പാട് മുമ്പോട്ട് വച്ച വിഖ്യാത ദാർശനികൻ - ജോൺ ഡ്യൂയി
- ഉപയോഗപ്രദമായ എന്തും മൂല്യമുള്ളതാണ് എന്ന് വിശ്വസിച്ചിരുന്ന തത്വചിന്തകൻ - ജോൺ ഡ്യൂയി
- "ജീവിതം നിരന്തരമായ പരീക്ഷണ പ്രക്രിയയാണ് അത് എപ്പോഴും കർമ്മനിരതമായിരിക്കണം” - ജോൺ ഡ്യൂയി
- അദ്ദേഹത്തിന്റെ തത്വശാസ്ത്ര ചിന്തകൾ പ്രയോഗവാദം (Pragmatism) എന്ന പേരിലാണ് പ്രശസ്തിയാർജിച്ചത്.
- യുക്തിചിന്തനത്തിനു പ്രാധാന്യം കൊടുത്ത തത്വചിന്തകൻ - ജോൺ ഡ്യൂയി
- “ഓരോ കുട്ടിയുടെയും നിലവിലുള്ള ശേഷി കളും നൈപുണികളും വ്യത്യസ്തമാവുമെന്നതു കൊണ്ടു തന്നെ പൊതുവായി പഠനോദ്ദേശ്യങ്ങൾ നിർണയിക്കുന്നത് ശരിയല്ല" - ജോൺ ഡ്യൂയി
ഡ്യുയിയുടെ പ്രധാന വിദ്യാഭ്യാസ ചിന്തകൾ
- കുട്ടിയുടെ അടിസ്ഥാന പ്രകൃതം സൃഷ്ടി പരവും, പ്രകടനപരവും ആകാംക്ഷ നിറഞ്ഞതുമാണ്. അത് പ്രയോജനപ്പെടുത്തുന്നതാവണം വിദ്യാഭ്യാസം.
- സാമൂഹ്യ ജീവിതം ഏറ്റവും മികച്ചതാക്കാൻ വേണ്ട നൈപുണികളും ശേഷികളുമാണ് വിദ്യാഭ്യാസത്തിലൂടെ നാം സ്വായത്തമാക്കേണ്ടത്.
- ജനാധിപത്യമാണ് ഫലപ്രദമായ സാമൂഹ്യ ജീവിതത്തിന്റെ അടിസ്ഥാന ശില, ജനാധിപത്യ പരിശീലന കളരികളാവണം വിദ്യാലയങ്ങൾ.
- തുല്യതയും സഹകരണവുമാണ് ജനാധിപത്യത്തിന്റെ മുഖ്യആശയങ്ങൾ. വിദ്യാലയപ്രവർത്തനങ്ങളിൽ ഇത് പ്രകടമാവണം.
- "ഉപയോഗയോഗ്യത" യാണ് ഡ്യൂയിയുടെ മുഖ്യ പാഠ്യപദ്ധതി പരിഗണന.
- കുട്ടിയുടെ വികാസത്തിന്റെ ഓരോ ഘട്ടത്തിലും ഉള്ള ആവശ്യങ്ങളുമായി ബന്ധപ്പെടുത്തി പാഠ്യപദ്ധതി ക്രമീകരിക്കണം.
- കുട്ടികളുടെ താൽപ്പര്യങ്ങൾക്കും അഭിരുചികൾക്കും അനുസരിച്ച് അയവുള്ളതാവണം പാഠ്യപദ്ധതി.
- അനുഭവാധിഷ്ഠിതമാവണം പഠനം എന്നു ഡ്യൂയി നിഷ്ക്കർഷിച്ചു. (Knowledge gained through experience is best understood, more useful and retained longer)
- പ്രശ്നപരിഹരണവും പ്രോജക്ടുകളുമാണ് പഠനരീതിയായി ഡ്യൂയി നിർദ്ദേശിച്ചത്.
| “നാം എപ്പോഴാണോ പ്രശ്നങ്ങളെ നേരിടുന്നത് അപ്പോൾ മാത്രമാണ് ചിന്തിക്കുന്നത്" - ജോൺ ഡ്യൂയി |