ബിസിനസ് സൈക്കിളുകളെ നിയന്ത്രിച്ച് സമ്പദ് വ്യവസ്ഥയിൽ സ്ഥിരത നിലനിർത്തുന്നതിനുള്ള നടപടികൾ ഗവൺമെൻറ് ബജറ്റിലൂടെ നടപ്പിലാക്കുമ്പോൾ അത് അറിയപ്പെടുന്നത്?
Aദൃഢീകരണ ധർമ്മം
Bവിനിയോഗ ധർമ്മം
Cപുനർവിതരണ ധർമ്മം
Dപൊതു ഉത്പാദനം
Answer:
A. ദൃഢീകരണ ധർമ്മം
Read Explanation:
ജനങ്ങളുടെ ക്ഷേമം ലക്ഷ്യമാക്കിക്കൊണ്ട് സർക്കാർ സമ്പദ് വ്യവസ്ഥയിൽ മൂന്നുതരം ഇടപെടലുകൾ ആണ് നടത്താറുള്ളത് :
- ബജറ്റിന്റെ വിനിയോഗ ധർമ്മം (Allocation Function)
- ബജറ്റിന്റെ പുനർവിതരണ ധർമ്മം(Redistribution Function)
- ബജറ്റിന്റെ ദൃഢീകരണ ധർമ്മം (Stabilisation Function)
ബജറ്റിന്റെ വിനിയോഗ ധർമ്മം (Allocation Function)
- പൊതു വസ്തുക്കൾ എല്ലാ ജനങ്ങൾക്കും ലഭ്യമാക്കാനായി ഗവൺമെൻറ് ബജറ്റിലൂടെ ചില പ്രത്യേക നടപടികൾ ആവിഷ്കരിക്കുന്നു.
- ഇത് ബജറ്റിന്റെ വിനിയോഗ ധർമ്മം എന്നറിയപ്പെടുന്നു.
- ഇതിലൂടെ തുല്യ നീതി നടപ്പാക്കുകയും പൊതു വസ്തുക്കളിൽ (Public Goods) നിന്നുള്ള പ്രയോജനം സമൂഹത്തിലെ എല്ലാ വിഭാഗം ജനങ്ങൾക്കും ലഭിക്കുകയും ചെയ്യുന്നു.
- ഭരണനിർവഹണം, റോഡുകൾ, ദേശീയ സുരക്ഷ എന്നിവയും പൊതു വസ്തുക്കളുടെ നിർവചനത്തിൽ വരുന്നു
പുനർവിതരണ ധർമ്മം
- സ്വതന്ത്ര സമ്പദ് വ്യവസ്ഥയിൽ ഉണ്ടായേക്കാവുന്ന സമ്പത്തിന്റെയും വരുമാനത്തിന്റെയും വിതരണത്തിലെ അസമത്വം ഇല്ലാതാക്കുന്നതിനാണ് പുനർവിതരണ ധർമ്മം നടപ്പിലാക്കുന്നത്.
- നികുതികൾ പിരിക്കുന്നതിലൂടെയും, പണം കൈമാറ്റം നടത്തുന്നതിലൂടെയും വ്യക്തിഗത വിനിയോജ്യ വരുമാനത്തിന്റെ അളവ് നിശ്ചയിക്കുവാൻ സർക്കാരിന് സാധിക്കും.
- ഇതിലൂടെ സമൂഹത്തിൽ നീതിപൂർവ്വമായി വിതരണം സാധ്യമാക്കാൻ ഗവൺമെന്റിന് കഴിയുന്നു
- ഈ പ്രക്രിയകളിലൂടെയാണ് ഗവൺമെൻറ് ബജറ്റിന്റെ പുനർവിതരണ ധർമ്മം സാധ്യമാക്കുന്നത്
ബജറ്റിന്റെ ദൃഢീകരണ ധർമ്മം
- ഒരു സമ്പദ് വ്യവസ്ഥയുടെ സാമ്പത്തിക പ്രവർത്തനങ്ങളുടെ നിലവാരത്തിൽ ചാക്രികമായ ഉയർച്ചകളും താഴ്ചകളും ഉണ്ടാകുന്നതിനെ ബിസിനസ് സൈക്കിൾ എന്ന് വിളിക്കുന്നു.
- ഇങ്ങനെ സൃഷ്ടിക്കപ്പെടുന്ന ബിസിനസ് സൈക്കിളുകളെ നിയന്ത്രിച്ച് സമ്പദ് വ്യവസ്ഥയിൽ സ്ഥിരത നിലനിർത്തുന്നതിനുള്ള നടപടികളാണ് ഗവൺമെൻറ് ബജറ്റിലൂടെ കൈക്കൊള്ളുന്നത്.
- ഇതിനെ ബഡ്ജറ്റിന്റെ ദൃഢീകരണം ധർമ്മം എന്ന് വിളിക്കുന്നു.
- ചോദനം വർദ്ധിപ്പിക്കുന്നതിനോ കുറയ്ക്കുന്നതിനോ വേണ്ടി സർക്കാർ ദൃഢീകരണം ധർമ്മം നടപ്പിലാക്കുന്നു