ബുദ്ധിശക്തിയിൽ സാമാന്യ ഘടകം, വിശിഷ്ട ഘടകം എന്നീ രണ്ടു ഘടകങ്ങൾ അന്തർഭവിച്ചിരിക്കുന്നു എന്ന് അഭിപ്രായപ്പെട്ടത് ആര് ?
Aതോൺഡൈക്
Bസ്പിയർമാൻ
Cഗിൽഫോർഡ്
Dഗാർഡനർ
Answer:
B. സ്പിയർമാൻ
Read Explanation:
ദ്വിഘടക സിദ്ധാന്തം (Two Factor Theory / G Factor - S. Factor):
- ദ്വിഘടക സിദ്ധാന്തത്തിന്റെ ഉപജ്ഞാതാവ്, ചാൾസ് സ്പിയർമാൻ (Charles Spearman) ആണ്.
- അദ്ദേഹത്തിന്റെ അഭിപ്രായത്തിൽ രണ്ട് ഘടകങ്ങൾ കൂടിച്ചേർന്നതാണ് ബുദ്ധി ശക്തി.
- സാമാന്യഘടകം / പൊതുഘടകം (General Factor or G Factor)
- സവിശേഷഘടകം (Specific Factor or S Factor)
പൊതു ഘടകം:
- ബുദ്ധിപരമായ ഏത് പ്രവർത്തനവും കൈകാര്യം ചെയ്യാൻ, വ്യക്തിയെ സഹായിക്കുന്ന ഘടകമാണ്, പൊതു ഘടകം (General Factor).
- വ്യക്തികളുടെ എല്ലാ മാനസിക പ്രവർത്തനത്തിലും 'G' ഏറിയോ കുറഞ്ഞോ അടങ്ങിയിരിക്കുന്നു.
സവിശേഷ ഘടകം:
- ഓരോ സവിശേഷ വിഷയവും കൈകാര്യം ചെയ്യുന്നതിന്, ആ മേഖലയുമായി ബന്ധപ്പെട്ട ഘടകമാണ് സവിശേഷ ഘടകം (Specific Factor).
- ഓരോ മേഖലയ്ക്കും പ്രത്യേകമായി വേണ്ട ഘടകമാണ് 'S' ഘടകം.
- 'G' യും നിരവധി 'S' ഘടകങ്ങളും കൂടി ച്ചേർന്നാണ് വ്യക്തികളിൽ മാനസിക കഴിവുകൾ വികസിക്കുന്നത്.
- ഒരു വ്യക്തിയുടെ 'G' യും 'S'കളും, മറ്റു വ്യക്തികളിൽ നിന്നും വ്യത്യസ്തമാണ്.
- ഇത് വ്യക്തി വ്യത്യാസത്തിന് കാരണമാകുന്നു.
ഉദാഹരണം:
ഗണിതത്തിൽ മെച്ചപ്പെട്ട കുട്ടി, ഫിസിക്സിൽ മിടുക്കനാകണമെന്നില്ല.
G ഘടകവും, S ഘടകവും ഒരു ഉദാഹരണത്തിലൂടെ:
- ആനി എന്ന കുട്ടിയ്ക്ക് ഗണിത സംബന്ധിയായ ക്രിയകൾ വേഗത്തിൽ ചെയ്യാൻ കഴിയുന്നു.
- ഇതിന് ആനിയെ സഹായിക്കുന്നത്, പൊതു ഘടകമായ G യും, ഗണിതത്തിലെ സവിശേഷ ഘടകമായ S1 ഉം ചേർന്നാണ്.
- വയലിൻ വായിക്കാൻ ആനിയെ സഹായിക്കുന്നത് പൊതു ഘടകമായ G യും, സംഗീതത്തിലെ സവിശേഷ ഘടകമായ S2 ഉം ചേർന്നാണ്.
- കമ്പ്യൂട്ടർ പ്രവർത്തിപ്പിക്കാൻ ആനിയെ സഹായിക്കുന്നത് പൊതു ഘടകമായ G ഉം, കമ്പ്യൂട്ടർ എന്ന സവിശേഷ മേഖലയിലെ കഴിവായ S3 ഉം ചേർന്നാണ്.
- ആനിയുടെ ആകെ ബുദ്ധി ശക്തി എന്നത് പൊതു ഘടകമായ G യും, നിരവധി S ഘടകങ്ങളും ചേർന്നതാണ്.
ആകെ ബുദ്ധി ശക്തി = G + S1 + S2 + S3 +...........Sn
Note:
G ഘടകം ഉയർന്ന തോതിലുള്ള വ്യക്തികൾക്ക്, ഏറ്റെടുത്ത ഏതൊരു പ്രവൃത്തിയിലും, സാമാന്യമായ കഴിവെങ്കിലും പ്രദർശിപ്പിക്കാനാകുമെന്ന് ഈ സിദ്ധാന്തം അഭിപ്രായപ്പെടുന്നു.