രണ്ടാം മൊറോക്കൻ പ്രതിസന്ധിയുടെ സമയത്ത് ഏത് രാജ്യമാണ് 'പാന്തർ' എന്ന യുദ്ധക്കപ്പൽ മൊറോക്കൻ തുറമുഖമായ അഗാദിറിലേക്ക് അയച്ചത്?
Aഫ്രാൻസ്
Bബ്രിട്ടൻ
Cജർമ്മനി
Dഇറ്റലി
Answer:
C. ജർമ്മനി
Read Explanation:
1911 - രണ്ടാം മൊറോക്കൻ പ്രതിസന്ധി
- അഗാദിർ ക്രൈസിസ് എന്നും അറിയപ്പെടുന്നു
- മൊറോക്കോയുടെ മേൽ നിയന്ത്രണവും,ആധിപത്യവും സ്ഥാപിക്കാനുള്ള ജർമ്മനി, ഫ്രാൻസ്, ബ്രിട്ടൻ എന്നീ രാജ്യങ്ങൾക്കിടയിലെ സുപ്രധാന നയതന്ത്ര തർക്കമായിരുന്നു രണ്ടാം മൊറോക്കൻ പ്രതിസന്ധി.
- 1911ൽ ജർമനി തങ്ങളുടെ 'പാന്തർ' എന്ന യുദ്ധക്കപ്പൽ അഗാദിർ തുറമുഖത്തേക്ക് വിട്ടു
- ജർമൻ വംശജരേയും ജർമൻ താത്പര്യങ്ങളേയും സംരക്ഷിക്കുക എന്ന ഉദ്ദേശത്തോടൊപ്പം ഫ്രാൻസിനൊരു താക്കീതുകൂടിയായിരുന്നു ഈ നടപടി.
- ജർമനിയുടെ ഈ നീക്കം ബ്രിട്ടനെയും പ്രകോപിപ്പിച്ചു
- മൊറോക്കോതീരത്ത് ,പ്രത്യേകിച്ച് ബ്രിട്ടീഷ് നാവികത്താവളമായ ജിബ്രാൾട്ടറിനു സമീപം ഒരു ജർമൻ നാവികത്താവളമുണ്ടാകുന്നത് ബ്രിട്ടിഷ് താത്പര്യങ്ങൾക്ക് ഭീഷണിയായി ബ്രിട്ടൺ കരുതി
- ഇതിനെതിരെ ബ്രിട്ടൻ മറ്റൊരു പടക്കപ്പൽ അയച്ചതോടെ രണ്ടാം മൊറോക്കോ പ്രതിസന്ധി ആരംഭിച്ചു
- ഈ പ്രതിസന്ധി ഒരു യുദ്ധത്തിലേക്ക് വലിച്ചിഴയ്ക്കരുതെന്ന് കരുതി ജർമനി ഫ്രാൻസുമായി ചർച്ചകൾ ആരംഭിച്ചു.
- അതിന്റെ ഫലമായി 1911 നവംബർ 4-ന് മറ്റൊരു ഫ്രാങ്കോ-ജർമൻ കരാർ ഒപ്പുവയ്ക്കപ്പെട്ടു. ഈ കരാറനുസരിച്ച് മൊറോക്കോയിൽ ഫ്രാൻസിന്റെ അധീശത്വം ജർമനി അംഗീകരിച്ചു.
- അതിനുപകരം ഫ്രാൻസ് ഫ്രഞ്ച്-കോംഗോയിലെ 259,000 ച.കി.മീ. പ്രദേശം ജർമനിക്ക് നൽകി.
- മൊറോക്കോയുമായി വ്യാപാരബന്ധങ്ങളിലേർപ്പെടാൻ എല്ലാ രാഷ്ട്രങ്ങൾക്കും തുല്യവുംസ്വതന്ത്രവുമായ അവകാശമുണ്ടായിരിക്കണമെന്ന ജർമൻവാദവും അംഗീകരിക്കപ്പെട്ടു.
- ഇതിനെതുടർന്ന് ജർമൻ നാവികസേന അഗാദിറിൽനിന്നും പിൻവലിക്കപ്പെട്ടു.