വസ്തുക്കൾക്കും സ്ഥലങ്ങൾക്കും ആളുകൾക്കും പകരം പ്രതീകങ്ങൾ ഉപയോഗിക്കാനുള്ള കഴിവ് കുട്ടികളിൽ കണ്ടുവരുന്നത് പിയാഷെയുടെ ഏതു ഘട്ടത്തിലാണ്?
Aഇന്ദ്രിയ ചാലക ഘട്ടം
Bപ്രാഗ് മനോവ്യാപാരഘട്ടം
Cമൂർത്ത ക്രിയാത്മക ഘട്ടം
Dഅമൂർത്ത ചിന്തനഘട്ടം
Answer:
B. പ്രാഗ് മനോവ്യാപാരഘട്ടം
Read Explanation:
ഇന്ദ്രിയ ചാലക ഘട്ടം
- റിഫ്ളക്സുകൾ, സംവേദനം, ചലനം തുടങ്ങിയവ യിലൂടെ ചുറ്റുപാടിൽ നിന്നും ഗ്രഹിക്കുന്നു.
- മറ്റുള്ളവരെ അനുകരിക്കാൻ തുടങ്ങുന്നു.
- സംഭവങ്ങൾ ഓർത്തുവയ്ക്കുവാൻ ആരംഭിക്കുന്നു.
- വസ്തു സ്ഥൈര്യം (Object permanence) ഈ ഘട്ടത്തിന്റെ അവസാനം മാത്രം ആർജിക്കുന്നു.
- റിഫ്ളക്സ് പ്രവർത്തനങ്ങളിൽ നിന്നും ബോധപൂർവ്വമായ പ്രവർത്തനങ്ങളിലേക്കുള്ള മാറ്റം.
പ്രാഗ് മനോവ്യാപാരഘട്ടം
- ഭാഷ വികസിക്കുന്നു.
- വസ്തുക്കളെ സൂചിപ്പിക്കുവാൻ പ്രതിരൂപങ്ങൾ (symbols) ഉപയോഗിച്ച് തുടങ്ങുന്നു.
- സ്വന്തം വീക്ഷണകോണിലൂടെ മാത്രം കാര്യങ്ങൾ നോക്കിക്കാണുന്നു (egocentric thought).
- കേന്ദ്രീകൃത ചിന്തനം (Centration).
- എല്ലാ വസ്തുക്കളും ജീവനുള്ളവയുടെ പ്രത്യേകതകൾ പ്രകടിപ്പിക്കുന്നതായി കരുതുന്നു (animism)
- ഒരു ദിശയിലേക്ക് മാത്രം ചിന്തിക്കുവാൻ കഴിയുന്നു (irreversibility)
മൂർത്ത ക്രിയാത്മക ഘട്ടം
- അനുഭവവേദ്യമായ പ്രശ്നങ്ങളെക്കു റിച്ച് യുക്തിപൂർവ്വം ചിന്തിക്കുവാൻ കഴിയുന്നു.
- ചിന്തയിൽ സ്ഥിരത ആർജിക്കുന്നു.
- പല സവിശേഷതകൾ പരിഗണിച്ചുകൊണ്ട് നിഗമന ത്തിൽ എത്തിച്ചേരുന്നു.
- പ്രത്യാവർത്തനത്തിനുള്ള കഴിവ് ആർജിക്കുന്നു. ഭൂതം, വർത്തമാനം, ഭാവി (Past, Present, Future) എന്നിവ മനസ്സിലാക്കുന്നു.
അമൂർത്ത ചിന്തനഘട്ടം
- പരികൽപ്പനകൾ രൂപീകരിക്കുന്നതിനും അവ പരിശോ ധിക്കുന്നതിനും കഴിയുന്നു.
- അമൂർത്തമായ പ്രശ്നങ്ങളെ യുക്തിപൂർവ്വം പരിഹരി ക്കുന്നു.
- പല വീക്ഷണകോണുകളിലൂടെ പ്രശ്നങ്ങളെ നോക്കി ക്കാണുന്നു.
- സാമൂഹ്യപ്രശ്നങ്ങൾ, നീതിബോധം, സ്വത്വബോധം എന്നിവയെക്കുറിച്ചുള്ള കാഴ്ചപ്പാടുകൾ രൂപപ്പെടുന്നു.