എബ്രഹാം മാസ്ലോവിൻറെ അഭിപ്രായത്തിൽ, അഭിലഷണീയസ്തര സിദ്ധാന്തമനുസരിച്ച് താഴെപ്പറയുന്നവയിൽ ഒരു വ്യക്തിയുടെ ഏറ്റവും പ്രാഥമികമായ ആവശ്യം ഏതാണ്?
Aസ്നേഹം
Bസുരക്ഷിതത്വം
Cശാരീരികം
Dആദരം
Answer:
C. ശാരീരികം
Read Explanation:
അബ്രഹാം മാസ്ലോ - ആവശ്യങ്ങളുടെ ശ്രേണി (Hierarchy of needs)
- പഠിതാവിനെ പഠിക്കാന്‍ സ്വയം പ്രേരിപ്പിക്കുന്ന ആന്തരികഘടകങ്ങളെ നിര്‍ണയിക്കാന്‍ ശ്രമിച്ച മന:ശാസ്ത്രജ്ഞനാണ് മാസ്ലോ.
- ഒന്നിനു മുകളില്‍ മറ്റൊന്നെന്ന മട്ടില്‍ കിടക്കുന്ന ആവശ്യങ്ങളുടെ ഒരു ശ്രേണി (hierarchy of needs) മാസ്ലോ അവതരിപ്പിക്കുകയുണ്ടായി. ഈ ശ്രേണിയിലൂടെ മനുഷ്യന്‍ മുന്നോട്ടുപോകാന്‍ ശ്രമിക്കുകയാണ്. ഇത് ആവശ്യങ്ങളുടെ ശ്രേണിയാണെന്ന് മാസ്ലോ വിശദീകരിക്കുന്നു. അവ ഇവയാണ്.
പോരായ്മ ആവശ്യങ്ങൾ (Deficiency Needs)
- ശാരീരികാവശ്യങ്ങള്‍
- സുരക്ഷാപരമായ ആവശ്യങ്ങള്‍
- സ്നേഹിക്കുക / സ്നേഹിക്കപ്പെടുക
- ആദരിക്കപ്പെടണമെന്ന ആഗ്രഹം
വളർച്ച ആവശ്യങ്ങൾ (Growth Needs)
- വൈജ്ഞാനികം
- സൗന്ദര്യാത്മകം
- ആത്മസാക്ഷാത്കാരം
ശാരീരികാവശ്യങ്ങള്‍ (Psysiological needs)
- മനുഷ്യൻറെ നിലനിൽപ്പിന് ആവശ്യമായ അടിസ്ഥാന ആവശ്യങ്ങളാണ് മാസ്ലോ തൻറെ ശ്രേണിയുടെ ഏറ്റവും അടിത്തട്ടിൽ നൽകിയിരിക്കുന്ന ശാരീരിക ആവശ്യങ്ങൾ.
- ശ്വസനം, ഭക്ഷണം, വെള്ളം, ഇന്ദ്രിയ സുഖങ്ങൾ, ഉറക്കം, ശാരീരികമായ സന്തുലിതാവസ്ഥ, വിശ്രമം, വിസര്‍ജനം എന്നിവ ഇതിൽ ഉൾപ്പെടുന്നു.
- ഈ ആവശ്യങ്ങൾ നിറവേറ്റപ്പെടുന്ന ഒരാളിൽ അടുത്ത ഘട്ടത്തിലെ ആവശ്യങ്ങൾ പൂർത്തീകരിക്കാനുള്ള ആഗ്രഹം ജനിക്കുന്നു.