Question

തെറ്റായ ജോഡി ഏത് ?

• A. വലയ സൂര്യഗ്രഹണം - സൂര്യൻ ഒരു വലയം പോലെ കാണപ്പെടും
• B. ഭാഗിക സൂര്യഗ്രഹണം - സൂര്യൻറെ ചില ഭാഗങ്ങൾ കാണുവാൻ സാധിക്കും
• C. പൂർണ്ണ സൂര്യഗ്രഹണം - സൂര്യൻ പൂർണമായി കാണപ്പെടും
• D. ഇവയൊന്നുമല്ല

Answer 1

Answer:

C. പൂർണ്ണ സൂര്യഗ്രഹണം - സൂര്യൻ പൂർണമായി കാണപ്പെടും

സൂര്യഗ്രഹണം (Solar Eclipse)

• സൂര്യനും ഭൂമിക്കുമിടയിൽ ചന്ദ്രൻ നേർരേഖയിൽ വരുമ്പോൾ ഭൂമി ചന്ദ്രൻറെ നിഴൽപാതയിൽ വരും. അപ്പോൾ ചന്ദ്രൻ്റെ നിഴൽ  ഭൂമിയിൽ പതിക്കുന്നു. നിഴൽ പതിയുന്ന പ്രദേശത്തുനിന്നു നോക്കുമ്പോൾ സൂര്യനെ കാണാൻ സാധിക്കില്ല. ഇതാണ് സൂര്യഗ്രഹണം.
• ഭൂമിയെ അപേക്ഷിച്ച് ചന്ദ്രൻ ചെറിയ ഗോളമായതിനാലും ഭൂമിയിൽ നിന്ന് 3,84,400 കിലോമീറ്റർ അകലെ ആയതിനാലും ഭൂമിയെ പൂർണമായി നിഴൽ കൊണ്ടു മറയ്ക്കാൻ ചന്ദ്രന് ആവില്ല.

വിവിധ രീതിയിലുള്ള സൂര്യഗ്രഹണം

• പൂർണ്ണ സൂര്യഗ്രഹണം
• ഭാഗിക സൂര്യഗ്രഹണം
• വലയ സൂര്യഗ്രഹണം

പൂർണ്ണ സൂര്യഗ്രഹണം - സൂര്യനിൽ നിന്നുള്ള പ്രകാശത്തെ ചന്ദ്രൻ പൂർണമായും തടയുമ്പോൾ അതിനെ പൂർണ്ണ സൂര്യഗ്രഹണം എന്നു വിളിക്കുന്നു.

ഭാഗിക സൂര്യഗ്രഹണം - സൂര്യപ്രകാശം ബാഗികമായി ചന്ദ്രനാൽ തടയപ്പെടുമ്പോൾ ഭാഗിക സൂര്യഗ്രഹണം ഉണ്ടാകുന്നു.

വലയ സൂര്യഗ്രഹണം - സൂര്യൻറെ ചുറ്റളവ് ദൃശ്യമാകുന്ന തരത്തിൽ ചന്ദ്രൻ സൂര്യനെ തടയുന്നത് വലയ സൂര്യഗ്രഹണം എന്നറിയപ്പെടുന്നു.