Question

വിവരാവകാശ നിയമം 2005 പ്രകാരം ശരിയായത് കണ്ടെത്തുക :

1. ഈ നിയമത്തിന് ജമ്മു കാശ്മീർ സംസ്ഥാനം ഒഴികെ ഭാരതം മുഴുവൻ വ്യാപ്തിയുണ്ടായിരിക്കും
2. വിവരം ലഭിക്കണമെന്ന് ആഗ്രഹിക്കുന്ന ഒരാൾ അപേക്ഷ ഇംഗ്ലീഷിലോ അപേക്ഷ നൽകുന്ന ആ സ്ഥലത്തെ ഔദ്യോഗിക ഭാഷയിലോ മാത്രമേ അപേക്ഷിക്കാൻ പാടുള്ളൂ.
3. വിദേശ സർക്കാരിൽ നിന്നും ലഭിച്ചിട്ടുള്ള രഹസ്യവിവരം, വിവരം വെളിപ്പെടുത്തലിൽ നിന്നും ഒഴിവാക്കിയിരിക്കുന്നു. 
4. കേന്ദ്ര ഇൻഫർമേഷൻ കമ്മീഷൻ എന്നത് ചീഫ് ഇൻഫർമേഷൻ കമ്മീഷണറും ആവശ്യമെങ്കിൽ പത്തിൽ കവിയാതെ അത്രയും എണ്ണം കേന്ദ്ര ഇൻഫർമേഷൻ കമ്മീഷണർമാരും ഉണ്ടായിരിക്കും.

• A. (1), (2), (4) ശരി
• B. (2), (3), (4) ശരി
• C. (1), (2), (3) ശരി
• D. (3), (4) ശരി

Answer 1

Answer:

D. (3), (4) ശരി

വിവരാവകാശ നിയമം

• 2005 ഒക്ടോബർ 12 നാണ് കേന്ദ്ര വിവരാവകാശ കമ്മീഷൻ രൂപവത്കൃതമായത്.
• 2005-ലെ വിവരാവകാശനിയമ പ്രകാരം സ്റ്റാറ്റ്യൂട്ടറി പദവി ലഭിച്ചു.
• സർക്കാർ വിവരങ്ങൾ അതേപടി ലഭിക്കുന്നതിനും പൊതു അധികാരികളുടെ പ്രവർത്തനത്തിൽ സുതാര്യതയും ഉത്തരവാദിത്തവും ഉറപ്പാക്കുന്നതിനും ഇന്ത്യയിലെ പൗരന്മാരെ ശാക്തീകരിക്കുന്ന ഒരു നിർണായക നിയമനിർമ്മാണമാണ് വിവരാവകാശ നിയമം.
• കേന്ദ്ര ചീഫ് ഇൻഫർമേഷൻ കമ്മീഷണറും പത്തിൽ കൂടാത്ത ഇൻഫർമേഷൻ കമ്മീഷണർമാരും അടങ്ങുന്നതാണ് കേന്ദ്രവിവരവകാശ കമ്മീഷൻ.
• പ്രധാനമന്ത്രി, ലോകസഭാ പ്രതിപക്ഷ നേതാവ്, ഒരു ക്യാബിനറ്റ് മന്ത്രി എന്നിവരടങ്ങിയ മൂന്നംഗ സമിതി തിരഞ്ഞെടുക്കുന്ന കേന്ദ്ര മുഖ്യ വിവരാവകാശ കമ്മീഷണറെയും കമ്മീഷണർമാരെയും നിയമിക്കുന്നത് രാഷ്ട്രപതിയാണ്.
• ന്യൂഡൽഹിയിലെ സി.ഐ.സി ഭവനാണ് ആസ്ഥാനം.
• ആദ്യത്തെ കേന്ദ്ര മുഖ്യ വിവരാവകാശ കമ്മീഷണർ - വജാഹത് ഹബീബുള്ള 
• കേരളാ സംസ്ഥാന വിവരാവകാശ കമ്മീഷൻ രൂപവത്കൃതമായത് 2005 ഡിസംബർ 19ന്.
• സംസ്ഥാന ചീഫ് ഇൻഫർമേഷൻ കമ്മീഷണറും പത്തിൽ കൂടാത്ത ഇൻഫർമേഷൻ കമ്മീഷണർമാരും അടങ്ങുന്നതാണ് സംസ്ഥാന വിവരാവകാശ കമ്മീഷൻ. 
• സംസ്ഥാന വിവരാവകാശ കമ്മീഷണറെയും കമ്മീഷണർമാരെയും നിയമിക്കുന്നത് - ഗവർണ്ണർ
• വിവരാവകാശം മൗലികാവകാശങ്ങളിൽ പെട്ടതാണ്. വിവരാവകാശനിയമം ബന്ധപ്പെട്ടിരിക്കുന്ന മൗലികാവകാശം - അഭിപ്രായ സ്വാതന്ത്ര്യം 
• സർദാർ വല്ലഭ്ഭായി പട്ടേലാണ്​ മൗലികാവകാശങ്ങളുടെ ശിൽപി. ഭരണഘടനയുടെ മൂന്നാം ഭാഗത്തിലെ 12 മുതൽ 35 വരെയുള്ള അനുച്ഛേദങ്ങളിലാണ്​ മൗലികാവകാശങ്ങളെ കുറിച്ച്​ പ്രതിപാദിച്ചിരിക്കുന്നത്​.
• ഭാരതത്തിൽ എല്ലായിടത്തും ഈ നിയമം ബാധകമാണ്. എല്ലാ സർക്കാർ വകുപ്പുകളും പൊതുസ്ഥാപനങ്ങളും ഈ നിയമപരിധിയിൽ പെടും. എന്നാൽ, കേന്ദ്ര രഹസ്യാന്വേഷണസംഘടനയടക്കം പതിനെട്ട് രഹസ്യാന്വേഷണ-സുരക്ഷാസ്ഥാപനങ്ങളെ ഈ നിയമപരിധിയിൽ നിന്ന് ഒഴിവാക്കിയിരിക്കുന്നു. മറ്റ് യാതൊരു സ്ഥാപനത്തേയും (പോലീസും കോടതികളുമടക്കം) ഒഴിവാക്കിയിട്ടില്ല.
• വിവരങ്ങൾ തേടുന്നതിന് നിശ്ചിത മാതൃകയിലുള്ള അപേക്ഷകളൊന്നുമില്ല. പ്ലെയിൻ പേപ്പറിൽ അപേക്ഷ നൽകാം. എന്നിരുന്നാലും, അപേക്ഷയിൽ അപേക്ഷകൻ്റെ പേരും പൂർണ്ണ തപാൽ വിലാസവും ഉണ്ടായിരിക്കണം. ഇലക്‌ട്രോണിക് രീതിയിൽ വിവരങ്ങൾ തേടുന്ന സന്ദർഭങ്ങളിൽ പോലും, അപേക്ഷയിൽ അപേക്ഷകൻ്റെ പേരും തപാൽ വിലാസവും ഉണ്ടായിരിക്കണം. അപേക്ഷ ഇംഗ്ലീഷിലോ ഹിന്ദിയിലോ അല്ലെങ്കിൽ അപേക്ഷിക്കുന്ന പ്രദേശത്തിൻ്റെ ഔദ്യോഗിക ഭാഷയിലോ നിശ്ചിത ഫീസ് സഹിതം ആവശ്യപ്പെടുന്ന വിവരങ്ങളുടെ വിശദാംശങ്ങൾ വ്യക്തമാക്കണം.