Question

1913-ൽ ചരിത്ര പ്രാധാന്യമുള്ള കായൽ സമ്മേളനത്തിന് നേതൃത്വം വഹിച്ച വ്യക്തിയാര് ?

• A. വക്കം അബ്ദുൾഖാദർ മൗലവി
• B. പണ്ഡിറ്റ് കറുപ്പൻ
• C. സി. കേശവൻ
• D. വി.ടി.ഭട്ടതിരിപ്പാട്

Answer 1

Answer:

B. പണ്ഡിറ്റ് കറുപ്പൻ

കായൽ സമ്മേളനം:

• കായൽ സമ്മേളനത്തിന് നേതൃത്വം നൽകിയ നവോത്ഥാന നായകൻ : പണ്ഡിറ്റ് കറുപ്പൻ
• കായൽ സമ്മേളനം നടന്ന വർഷം : 1913, ഫെബ്രുവരി 14
• പുലയർ ഉൾപ്പെട്ട താഴ്ന്ന ജാതിക്കാർക്ക് പൊതുവഴിയിൽ കൂടി നടക്കാനോ, വിദ്യാഭ്യാസം നേടുന്നതിനോ, ഒരുമിച്ച് കൂടുവാനോ, ചന്തകളിൽ നിന്നും സാധനം വാങ്ങുവാനോ അവകാശമുണ്ടായിരുന്നില്ല. 
• ഈ ആവശ്യങ്ങളെല്ലാം നേടിയെടുക്കുന്നതിന് പുലയ സമുദായം ഒരു സമ്മേളനം നടത്താൻ തീരുമാനിച്ചു.  
• എന്നാൽ ഭരണാധികാരികൾ അതിനുള്ള അനുമതി നിഷേധിച്ചു. 
• കരയിൽ സമ്മേളനം നടത്താൻ പാടില്ല എങ്കിലും, കായലിൽ വെച്ച് ആകാം എന്ന് തീരുമാനിക്കുകയും പണ്ഡിറ്റ് കറുപ്പന്റെ നേതൃത്വത്തിൽ, ചെറിയ ചങ്ങാടങ്ങൾ കൂട്ടിക്കെട്ടി വലിയ ഒരു വള്ളം നിർമ്മിക്കുകയും, അവിടെ സമ്മേളനം കൂടുകയും ചെയ്തു. 
• കൊച്ചി കായലിൽ ആയിരുന്നു ഈ സമ്മേളനം നടന്നത്. 
• അധികാരികൾക്ക് സമ്മേളനം നടത്തിയവർക്കെതിരെ നടപടി എടുക്കാൻ കഴിഞ്ഞില്ല. 
• അങ്ങനെ ആ സമ്മേളനം കായൽസമ്മേളനം എന്ന പേരിൽ ചരിത്രത്തിന്റെ ഭാഗമായി.