Question

പഠനകാര്യങ്ങളിൽ പിന്നോക്കം നിൽക്കുന്ന വിദ്യാർത്ഥി കലാകായിക മേഖലയിൽ കൂടുതൽ ശ്രദ്ധ നൽകുന്നു. ഏത് രീതിയിലുള്ള സമായോജനതന്ത്രമാണ് ഈ സന്ദർഭത്തിൽ പ്രകടമാകുന്നത്

• A. ദമനം
• B. പ്രക്ഷേപണം
• C. അനുപൂരണം
• D. പശ്ചാത്ഗമനം

Answer 1

Answer:

C. അനുപൂരണം

•  പ്രതിരോധ തന്ത്രങ്ങൾ / സമായോജനതന്ത്രങ്ങൾ (Defence Mechanism / Adjustment Mechanism ) :- മോഹഭംഗങ്ങളിൽ നിന്നും മാനസിക സംഘർഷങ്ങളിൽ നിന്നും രക്ഷപ്പെടാനോ / പ്രതിരോധിക്കാനോ വേണ്ടി വ്യക്തികൾ സ്വീകരിക്കുന്ന തന്ത്രങ്ങൾ. ഇത്തരം തന്ത്രങ്ങളിലൂട മാനസിക സംഘർഷങ്ങളെ ലഘൂകരിക്കാനോ ഒഴിവാക്കാനോ കഴിയും 

• പ്രധാനപ്പെട്ട  പ്രതിരോധ തന്ത്രങ്ങൾ  

  1. അനുപൂരണം (Compensation)

  2. നിഷേധം (Denial)

  3. ദമനം  (Repression)

  4. യുക്തീകരണം (Rationalization)

  5. ഉദാത്തീകരണം (Sublimation)

  6. പ്രക്ഷേപണം (Projection)

  7. താദാത്മീകരണം (Identification)

  8. പശ്ചാത്ഗമനം (Regression)

  9. ആക്രമണം (Agression)

• അനുപൂരണം (Compensation) :- ഒരു രംഗത്തുള്ള പോരായ്‌മ മറ്റൊരു രംഗത്തുള്ള ശക്തിയിലൂടെ മറയ്ക്കാൻ ശ്രമിക്കുന്ന തന്ത്രമാണ് അനുപൂരണം.

• അനുപൂരണം ഒരു വ്യക്തിയുടെ കഴിവുകളെ പോസിറ്റീവായി വികസിപ്പിക്കാൻ പലപ്പോഴും സഹായിക്കാറുണ്ട്.

  • ഉദാ: പഠനകാര്യങ്ങളിൽ മികവ് പുലർത്താൻ കഴിയാത്ത കുട്ടി കായിക പ്രവർത്തനങ്ങളിലെ മികവിലൂടെ തൻ്റെ ആത്മാഭിമാനം വീണ്ടെടുക്കാൻ ശ്രമിക്കുന്നു.

• ദമനം (Repression): വേദനിപ്പിക്കുന്നതോ അസ്വസ്ഥതയുണ്ടാക്കുന്നതോ ആയ ചിന്തകളെയും അനുഭവങ്ങളെയും ബോധപൂർവ്വമല്ലാതെ ഉപബോധമനസ്സിലേക്ക് തള്ളുന്ന രീതിയാണിത്. (ഉദാഹരണം: മോശമായ ഒരു അനുഭവം മറക്കാൻ ശ്രമിക്കുന്നത്).

• പ്രക്ഷേപണം (Projection): തന്റെ കുറവുകളോ തെറ്റുകളോ മറ്റൊരാളുടേതോ അല്ലെങ്കിൽ സാഹചര്യങ്ങളുടേതോ ആണെന്ന് വരുത്തിത്തീർക്കുന്ന രീതി. (ഉദാഹരണം: പരീക്ഷ തോറ്റതിന് അധ്യാപകൻ ശരിയല്ല എന്ന് പറയുന്നത്).

• പശ്ചാത്ഗമനം (Regression): മാനസിക സമ്മർദ്ദം അനുഭവപ്പെടുമ്പോൾ മുതിർന്നവർ കുട്ടികളെപ്പോലെ പെരുമാറുന്ന രീതി. (ഉദാഹരണം: പരാജയപ്പെടുമ്പോൾ കരയുകയോ വിരൽ കുടിക്കുകയോ ചെയ്യുന്നത്).