Question

സാമൂഹ്യമായ സാഹചര്യങ്ങളോട് ഇടപഴകുന്നതിന് കുട്ടിയെ സഹായിക്കുന്ന പ്രധാനപ്പെട്ട സാംസ്കാരിക ഉപകരണങ്ങൾ എന്ന് ലെവ് വൈഗോഡ്സ്കി വ്യക്തമാക്കുന്നത് ഏതെല്ലാം ?

• A. പഠന ഉപകരണങ്ങളും മാനസിക ഉപകരണങ്ങളും
• B. ഭൗതിക ഉപകരണങ്ങളും മാനസിക ഉപകരണങ്ങളും
• C. മാനസിക ഉപകരണങ്ങളും സാമൂഹ്യ ഉപകരണങ്ങളും
• D. ഭൗതിക ഉപകരണങ്ങളും സാമൂഹ്യ ഉപകരണങ്ങളും

Answer 1

Answer:

B. ഭൗതിക ഉപകരണങ്ങളും മാനസിക ഉപകരണങ്ങളും

• മനുഷ്യവർഗം സാംസ്കാരിക വികസനത്തിന്റെ ഭാഗമായി രണ്ടുതരം ഉപകരണങ്ങൾ നിർമിച്ചിട്ടുണ്ടെന്ന് വൈഗോഡ്സ്കി അഭിപ്രായപ്പെട്ടിട്ടുണ്ട്.
• കല്ലും വടിയും തൊട്ട് ഇന്നോളമുണ്ടായിട്ടുള്ള ഭൗതികവും സാങ്കേതികവുമായ ഉപകരണങ്ങളാണ് ഇതിലൊരു വിഭാഗം. ഇവയെ ഭൗതിക ഉപകരണങ്ങളെന്ന് വിളിക്കാം.
• രണ്ടാമത്തേത് പല വിധത്തിലുള്ള മാനസിക ഉപകരണങ്ങളാണ്. ഭാഷ, എണ്ണൽ സമ്പ്രദായങ്ങൾ, ബീജഗണിതം പോലുള്ള മറ്റു ചിഹ്നസമ്പ്രദായങ്ങൾ, രേഖാചിത്രങ്ങൾ, മാപ്പിലുപയോഗിക്കുന്ന ചിഹ്നങ്ങൾ, രസതന്ത്രത്തിലെ സൂത്രവാക്യങ്ങൾ എന്നിങ്ങനെയുള്ളവയെല്ലാം മാനസിക ഉപകരണങ്ങൾക്ക് ഉദാഹരണങ്ങളാണ്.
• ഇപ്പറഞ്ഞ രണ്ടുതരം സാംസ്കാരിക ഉപകരണങ്ങളും മനുഷ്യനു മാത്രമാണ് നിർമ്മിക്കാനായിട്ടുള്ളത്.
• ഇവ ഒരു തലമുറയിൽ നിന്ന് അടുത്തതിലേക്ക് വിനിമയംചെയ്യപ്പെടുന്നത് ജീവശാസ്ത്രപരമായല്ല. മറിച്ച്, സാംസ്കാരിക ജീവിതത്തിന്റെ ഭാഗമായാണ്. അതുകൊണ്ടാണ് ഇവയെ സാംസ്കാരിക ഉപകരണങ്ങളെന്ന്  വൈഗോഡ്സ്കി വിശേഷിപ്പിച്ചത്.