Question

ചുവടെ നൽകിയിരിക്കുന്ന സാഹിത്യകാരന്മാരിൽ ജ്ഞാനപീഠ പുരസ്ക്കാരം ലഭിക്കാത്ത മലയാള സാഹിത്യകാരൻ

1. അക്കിത്തം അച്യുതൻ നമ്പൂതിരി
2. എം. ടി. വാസുദേവൻ നായർ
3. ഒ. എൻ. വി. കുറുപ്പ്
4. ഒളപ്പമണ്ണ സുബ്രഹ്മണ്യൻ നമ്പൂതിരി

• A. ഇവയൊന്നുമല്ല
• B. നാല് മാത്രം
• C. എല്ലാം
• D. രണ്ട് മാത്രം

Answer 1

Answer:

B. നാല് മാത്രം

• ഇന്ത്യയിലെ ഉന്നതമായ ഒരു സാഹിത്യ പുരസ്കാരമാണ് ജ്ഞാനപീഠ പുരസ്കാരം.

• ഭാരതീയ ജ്ഞാനപീഠ പുരസ്‌കാരം എന്നു മുഴുവൻ പേരുള്ള ഇത് വാഗ്‌ദേവിയുടെ(സരസ്വതിദേവി) വെങ്കല ശില്പം, പ്രശസ്തിപത്രം, പതിനൊന്ന്  ലക്ഷം രൂപയുടെ ചെക്ക് എന്നിവ അടങ്ങുന്നതാണ്.

ജ്ഞാനപീഠം നേടിയ മലയാള സാഹിത്യകാരന്മാർ

ജി. ശങ്കരക്കുറുപ്പ് (1965)

• ജ്ഞാനപീഠം ലഭിച്ച ആദ്യ വ്യക്തിയും ആദ്യ മലയാളിയുമാണ് ജി. ശങ്കരക്കുറുപ്പ്.

• അദ്ദേഹത്തിന്റെ 'ഓടക്കുഴൽ' എന്ന കവിതാസമാഹാരത്തിനാണ് പുരസ്കാരം ലഭിച്ചത്.
  

എസ്.കെ. പൊറ്റെക്കാട് (1980)

• 'ഒരു ദേശത്തിൻ്റെ കഥ' എന്ന നോവലിനാണ് എസ്.കെ. പൊറ്റെക്കാടിന് ജ്ഞാനപീഠം ലഭിച്ചത്.
  

തകഴി ശിവശങ്കരപ്പിള്ള (1984)

• 'കയർ' എന്ന വിഖ്യാത നോവലിനാണ് തകഴിക്ക് ഈ പുരസ്കാരം ലഭിച്ചത്.
  

എം.ടി. വാസുദേവൻ നായർ (1995)

• മലയാള സാഹിത്യത്തിന് നൽകിയ സമഗ്ര സംഭാവനകൾ പരിഗണിച്ച് എം.ടി. വാസുദേവൻ നായർക്ക് ജ്ഞാനപീഠം ലഭിച്ചു.
  

ഒ.എൻ.വി. കുറുപ്പ് (2007)

• കാവ്യലോകത്ത് നൽകിയ സമഗ്ര സംഭാവനകളെ മാനിച്ച് ഒ.എൻ.വി. കുറുപ്പിന് പുരസ്കാരം ലഭിച്ചു.
  

അക്കിത്തം അച്യുതൻ നമ്പൂതിരി (2019)

• മലയാള കവിതക്ക് നൽകിയ സമഗ്ര സംഭാവനകൾക്ക് അക്കിത്തം അച്യുതൻ നമ്പൂതിരിയെ ജ്ഞാനപീഠം നൽകി ആദരിച്ചു.