Question

നിരന്തരവും സമഗ്രവുമായ വിലയിരുത്തലിൻ്റെ ഭാഗമായ, സാമൂഹിക വൈകാരിക മേഖലയുമായി ബന്ധമില്ലാത്ത നൈപുണി :

• A. ആശയവിനിമയ ശേഷി
• B. പ്രശ്ന പരിഹരണ ശേഷി
• C. സർഗാത്മക ചിന്ത
• D. ഉപകരണങ്ങൾ കൈകാര്യം ചെയ്യൽ

Answer 1

Answer:

D. ഉപകരണങ്ങൾ കൈകാര്യം ചെയ്യൽ

• വിലയിരുത്തൽ

• പാഠഭാഗത്തിൻ്റെ /  യൂണിറ്റിൻ്റെ വിനിമയത്തിനു ശേഷം 'എന്തൊക്കെ പഠനനേട്ടങ്ങൾ കൈവരിച്ചു' എന്ന് വിലയിരുത്തുന്ന പ്രക്രിയയെ പഠനത്തെ വിലയിരുത്തൽ എന്നു പറയുന്നു.

• നിരന്തരവും സമഗ്രവുമായ വിലയിരുത്തൽ / Continuos And Comprehensive Evaluation (CCE)

• പഠിതാവിൽ  അനസ്യൂതമായി  നടക്കുന്ന ഒരു പ്രക്രിയയാണ് പഠനം. അതുകൊണ്ടുതന്നെ ശേഷികളും ധാരണകളും എത്രത്തോളം നേടി എന്ന് പരിശോധിക്കുന്ന വിലയിരുത്തൽ പ്രക്രിയയും നിരന്തരമായിരിക്കണം.
• സമഗ്രമായ വിലയിരുത്തൽ എന്നതുകൊണ്ട് അർത്ഥമാക്കുന്നത് പഠിതാവിൻ്റെ  വൈജ്ഞാനികവും സാമൂഹിക-വൈകാരിക മേഖലകളിലെ വിലയിരുത്തലും ആണ്
• രണ്ടു മേഖലകളിൽ ആയാണ് നിരന്തരവും സമഗ്രവുമായ വിലയിരുത്തൽ നിർവഹിക്കപ്പെടുന്നത്.

1. വൈജ്ഞാനിക മേഖല
2. സാമൂഹിക - വൈകാരിക മേഖല

• വൈജ്ഞാനിക മേഖലയിലെ വികാസം സംബന്ധിച്ച വിലയിരുത്തൽ :- 

1. നിരന്തര വിലയിരുത്തൽ

• മൂന്ന് രീതിയിൽ ഉള്ള നിരന്തര വിലയിരുത്തലുകൾ

1. പഠന പ്രക്രിയയുടെ വിലയിരുത്തൽ
2. പോർട്ട് ഫോളിയോ വിലയിരുത്തൽ
3. യൂണിറ്റ് തല വിലയിരുത്തൽ

2. ടേം വിലയിരുത്തൽ

•  ക്ലാസ്റൂം പ്രവർത്തനങ്ങളിലൂടെ ഓരോ പഠിതാവും എത്രത്തോളം പഠനനേട്ടങ്ങൾ കൈവരിച്ചുവെന്ന് ഓരോ  ടേംമിൻ്റെ അവസാനവും വിലയിരുത്തുന്നു.

• സാമൂഹിക വൈകാരിക മേഖലയിലെ വിലയിരുത്തൽ :-

വൈജ്ഞാനിക മേഖലയെ പോലെ തന്നെ പ്രധാനമാണ് സാമൂഹിക - വൈകാരിക മേഖലയിലെയും വിലയിരുത്തൽ. Learning to know, Learning to do, Learning to live together, Learning to be എന്നിവയുമായി ബന്ധപ്പെട്ട നൈപുണികളാണ് ഇവിടെ വിലയിരുത്തുന്നത്.

• സാമൂഹിക-വൈകാരിക  മേഖലയിലെ വിലയിരുത്തലുമായി ബന്ധപ്പെട്ട നൈപുണികൾ :-

1. ആശയവിനിമയശേഷി
2. വ്യക്ത്യന്തര നൈപുണി
3. സഹഭാവം
4. വികാരങ്ങളുമായി പൊരുത്തപ്പെടൽ
5. മാനസിക സമ്മർദ്ദങ്ങളുമായി  പൊരുത്തപ്പെടൽ
6. പ്രശ്നപരിഹരണ ശേഷി
7. തീരുമാനമെടുക്കൽ
8. വിമർശനാത്മക ചിന്ത
9. സർഗാത്മക ശേഷി
10. സ്വയാവബോധം