Question

സാമൂഹിക നിയന്ത്രണവുമായി ബന്ധപ്പെട്ട പ്രസ്താവനകളാണ് താഴെ തന്നിരിക്കുന്നത് ഇതിൽ ശരിയായ പ്രസ്താവനകൾ ഏതെല്ലാം

1. പോലീസ്, കോടതി, ജയിൽ എന്നീ സ്ഥാപനങ്ങൾ വഴിയാണ് ഔപചാരിക സാമൂഹ്യ നിയന്ത്രണം സാധ്യമാകുന്നത്
2. കുടുംബം, മതം, സമപ്രായക്കാരുടെ സംഘം തുടങ്ങിയവയിലൂടെയാണ് ഔപചാരിക സാമൂഹ്യ നിയന്ത്രണം സാധ്യമാകുന്നത്
3. നിയമം വിദ്യാഭ്യാസം ബലപ്രയോഗം എന്നിവയാണ് അനൗപചാരിക  സാമൂഹിക നിയന്ത്രണത്തിന്റെ പ്രധാന മാർഗങ്ങൾ
4. ഔപചാരിക സാമൂഹിക നിയന്ത്രണത്തിന്റെ ലംഘനം ശിക്ഷാർഹമാണ്

• A. 1, 2
• B. 2, 3
• C. 1, 4
• D. 1, 3

Answer 1

Answer:

C. 1, 4

സാമൂഹ്യ നിയന്ത്രണം എങ്ങനെ നടക്കുന്നു

• സാമൂഹ്യ നിയന്ത്രണം എല്ലാവർക്കും പ്രയോജനകരമായ ഒരു അവസ്ഥ ഉണ്ടാക്കുന്നു
• റോഡിൽ പാലിക്കേണ്ട നിയമങ്ങൾ ചിലർ ലംഘിച്ചാൽ എല്ലാവർക്കും വിഷമങ്ങൾ ഉണ്ടാകും
• ട്രാഫിക് പോലീസുകാർ യാത്രക്കാരുടെ എല്ലാം സുരക്ഷിതത്വവും ക്ഷേമത്തിനുമായി റോഡിലെ നിയമലംഘനങ്ങൾ തടയാൻ ശ്രമിക്കുന്നു
• കുറ്റകൃത്യം നടത്തുന്നവരെ പോലീസ് പിഴ അടപ്പിക്കുകയോ  കോടതിയിൽ ഹാജരാക്കുകയോ ചെയ്യുന്നു
• ശിക്ഷ നടപ്പിൽ വരുത്താൻ സർക്കാർ സ്ഥാപിച്ച ഔദ്യോഗിക സ്ഥാപനമാണ് ജയിൽ
• വിവിധ തരത്തിലുള്ള  പുനർ അധിവാസ കേന്ദ്രങ്ങൾ കുറ്റകൃത്യം നടത്തുന്ന കുട്ടികളെ ശരിയായ മാർഗത്തിലേക്ക് നയിക്കാനുള്ള സർക്കാർ സംവിധാനങ്ങളാണ്

• സാമൂഹ്യ  നിയന്ത്രണം കുറ്റം ചുമത്തുകയും ശിക്ഷിക്കുകയും മാത്രമല്ല ചെയ്യുന്നത് നിയമങ്ങൾക്ക് അനുസൃതമായി പ്രവർത്തിച്ച നേട്ടം ഉണ്ടാക്കുന്നവരെ സമൂഹം അംഗീകരിക്കുകയും ആദരിക്കുകയും ചെയ്യാറുണ്ട്

 

• പഠനത്തിൽ ഉന്നത വിജയം നേടിയ വിദ്യാർത്ഥികൾക്ക് അംഗീകാരങ്ങൾ നൽകുന്നത് സമൂഹം പ്രതീക്ഷിക്കുന്ന പെരുമാറ്റം ഓരോ വ്യക്തിയിൽ നിന്നും ഉണ്ടാവാൻ കൂടിയാണ്

• സാമൂഹ്യ  നിയന്ത്രണ മാർഗ്ഗങ്ങളെ അവയുടെ പൊതുസ്വഭാവങ്ങളുടെ അടിസ്ഥാനത്തിൽ രണ്ട് വിഭാഗങ്ങൾ ആക്കാം

  1. അനൗപചാരിക സാമൂഹ്യ നിയന്ത്രണം(INFORMAL SOCIAL CONTROL )

  2. ഔപചാരിക സാമൂഹ്യ നിയന്ത്രണം(FORMAL SOCIAL CONTROL)

 

1. അനൗപചാരിക സാമൂഹ്യ നിയന്ത്രണം(INFORMAL SOCIAL CONTROL )

• നിയമമാക്കി രേഖപ്പെടുത്താത്ത സാമൂഹിക നിയന്ത്രണ മാർഗങ്ങളാണ്
  - അനൗപചാരിക സാമൂഹ്യ നിയന്ത്രണം
• ആചാരങ്ങൾ, നാട്ടുനടപ്പുകൾ, വിശ്വാസങ്ങൾ, പാരമ്പര്യങ്ങൾ
• ഇവ ലംഘിക്കുമ്പോൾ ഔപചാരിക ശിക്ഷ ലഭിക്കുന്നില്ല
• അത്തരക്കാരെ പരിഹസിക്കുകയോ ഒറ്റപ്പെടുത്തുകയോ  ചെയ്യുന്നു
• പ്രാഥമിക സാമൂഹിക സംഘങ്ങളായ കുടുംബം, മതം, സമപ്രായക്കാർ തുടങ്ങിയവയിലൂടെയാണ് പ്രധാനമായും അനൗപചാരിക സാമൂഹിക നിയന്ത്രണം നടത്തുന്നത്
• ഗോത്രവർഗങ്ങളിലും പരമ്പരാഗത സമൂഹങ്ങളിലും സാമൂഹിക നിയന്ത്രണം അനൗപചാരിക മാർഗ്ഗങ്ങളിലൂടെ ഫലവത്തായി നടത്തിയിരുന്നു

2. ഔപചാരിക സാമൂഹ്യ നിയന്ത്രണം(FORMAL SOCIAL CONTROL)

• പോലീസ്, പട്ടാളം, ജയിൽ, കോടതി തുടങ്ങിയ സംവിധാനങ്ങൾ സാമൂഹ്യ നിയന്ത്രണം ഔപചാരികമായി നിർവഹിക്കുന്നു
• പരിഷ്കൃത സമൂഹങ്ങൾ സാമൂഹിക നിയന്ത്രണത്തിന് ഇത്തരം മാർഗങ്ങളാണ് അവലംബിക്കുന്നത്
• ഈ സംവിധാനങ്ങളും സ്ഥാപനങ്ങളും അതത് രാജ്യങ്ങളിലെ ഭരണകൂടങ്ങളാണ് ഉണ്ടാക്കുന്നതും നടപ്പിൽ വരുത്തുന്നതും
• നിയമങ്ങളും ശിക്ഷാസംവിധാനങ്ങളും ഉണ്ടെങ്കിലും ചിലർ ചട്ടങ്ങൾ ലംഘിക്കുന്നു

 

• സമൂഹത്തിലെ ഭൂരിപക്ഷം അംഗീകരിക്കുകയും പിന്തുടരുകയും ചെയ്യുന്ന മൂല്യങ്ങളും നാട്ടാചാരങ്ങളും സദാചാര വ്യവസ്ഥകളും നിയമങ്ങളും ലംഘിക്കുന്ന പെരുമാറ്റത്തെ പറയുന്നത് - സാമൂഹ്യ വ്യതിയാനം (social Devience)
  
  
• വൻതോതിൽ സാമൂഹ്യ വ്യതിയാനങ്ങൾ ഉണ്ടാകുമ്പോൾ സമൂഹത്തിന്റെ നിലനിൽപ്പിനെ ചോദ്യം ചെയ്യുന്നതാണ് - സാമൂഹ്യ ശിഥിലീകരണം( social disintegration)