Question

ഇന്ത്യൻ വിദ്യാഭ്യാസ സമ്പ്രദായത്തിലെ താഴെപ്പറയുന്നവയിൽ ഏതെല്ലാം പ്രശ്നങ്ങൾ പരിഹരിക്കുന്നതിലാണ് യശ്പാൽ കമ്മിറ്റി (1993) പ്രധാനമായും ശ്രദ്ധ കേന്ദ്രീകരിച്ചത് ?

• A. സ്കൂളുകളിൽ വിവര, ആശയവിനിമയ സാങ്കേതികവിദ്യയുടെ ആമുഖം
• B. അധ്യാപക സ്വയംഭരണം
• C. പാഠ്യപദ്ധതി ഭാരവും പഠന സാമഗ്രികളുടെ അമിതഭാരവും
• D. വിദ്യാഭ്യാസ ഭരണത്തിന്റെ വികേന്ദ്രീകരണം

Answer 1

Answer:

C. പാഠ്യപദ്ധതി ഭാരവും പഠന സാമഗ്രികളുടെ അമിതഭാരവും

യശ്പാൽ കമ്മിറ്റി (1993) റിപ്പോർട്ട്

• 1993-ലാണ്  ഡോ. യശ്പാൽ കമ്മിറ്റി രൂപീകൃതമായത്

• ഈ കമ്മിറ്റി 'Learning without burden' (ഭാരമില്ലാത്ത പഠനം) എന്ന തലകെട്ടോട് കൂടിയാണ് ഔദ്യോഗിക റിപ്പോർട്ട് സമർപ്പിച്ചത് 

• ഇന്ത്യൻ സ്കൂൾ വിദ്യാഭ്യാസ സമ്പ്രദായത്തിലെ അമിതഭാരം (Academic Burden) കുറയ്ക്കുക എന്നതായിരുന്നു ഈ കമ്മിറ്റിയുടെ പ്രധാന ലക്ഷ്യം.

• പ്രധാന നിർദ്ദേശങ്ങൾ:

  • കുട്ടികളുടെ സ്കൂൾ ബാഗുകളുടെ ഭാരം കുറയ്ക്കുന്നതിനും പാഠപുസ്തകങ്ങളുടെ എണ്ണം നിയന്ത്രിക്കുന്നതിനും ശുപാർശ ചെയ്തു.

  • പാഠ്യപദ്ധതിയിൽ മനഃപാഠമാക്കുന്ന രീതിക്ക് (Rote Learning) പകരം പ്രായോഗികമായ അറിവ് പകർന്നുനൽകുന്ന രീതി വേണമെന്ന് നിർദ്ദേശിച്ചു.

  • ഹോംവർക്ക് അഥവാ ഗൃഹപാഠം കുറയ്ക്കുകയും, കുട്ടികളുടെ സർഗ്ഗാത്മകതയ്ക്ക് കൂടുതൽ അവസരം നൽകുകയും വേണം.

  • പരീക്ഷാ രീതിയിൽ മാറ്റങ്ങൾ വരുത്തി, കുട്ടികളിൽ സമ്മർദ്ദം ചെലുത്തുന്ന ഘടകങ്ങൾ ഒഴിവാക്കണമെന്നും കമ്മിറ്റി അഭിപ്രായപ്പെട്ടു.

  • പാഠപുസ്തകങ്ങൾ തയ്യാറാക്കുമ്പോൾ വിദ്യാർത്ഥികളുടെ പ്രായത്തിനും മാനസിക നിലവാരത്തിനും അനുയോജ്യമായ ഭാഷയും ഉള്ളടക്കവും ഉപയോഗിക്കണം.

• ഈ റിപ്പോർട്ടിലെ നിർദ്ദേശങ്ങൾ ദേശീയ പാഠ്യപദ്ധതി ചട്ടക്കൂട് (National Curriculum Framework - NCF 2005) രൂപീകരിക്കുന്നതിൽ നിർണ്ണായക പങ്കുവഹിച്ചു.