Question

ക്ലാസ്സിൽ ശാസ്ത്ര പ്രവർത്തനങ്ങൾ ചെയ്തുകൊണ്ടിരിക്കുന്ന ഗീതുവിൻ്റെ പ്രയാസം ബോധ്യപ്പെട്ട ശാരദ ടീച്ചർ വർക് ഷീറ്റുകളും ചില മാതൃകകളും നൽകിയപ്പോൾ അവൾക്ക് എളുപ്പത്തിൽ ഉത്തരം കണ്ടെത്താൻ കഴിഞ്ഞു. ടീച്ചർ നൽകിയ കൈത്താങ്ങ് താഴെ കൊടുത്തതിൽ ഏത് വിലയിരുത്തലുമായി ബന്ധപ്പെടുന്നു.

• A. പഠനത്തെ വിലയിരുത്തൽ
• B. പഠനം തന്നെ വിലയിരുത്തൽ
• C. പഠനത്തിനായുള്ള വിലയിരുത്തൽ
• D. പഠനത്തെ ആന്തരികമായി വിലയിരുത്തൽ

Answer 1

Answer:

C. പഠനത്തിനായുള്ള വിലയിരുത്തൽ

• വിലയിരുത്തൽ (Assessment) :- ഒരു വ്യക്തിയുടെ നേട്ടം വിലയിരുത്തുന്നതിനും അളക്കുന്നതിനുമുള്ള പ്രക്രിയ.

മൂന്നു തരം വിലയിരുത്തല്‍:-

1. പഠനത്തിനായുള്ള വിലയിരുത്തല്‍  (Assessment for learning )

• പഠനം നടക്കുമ്പോള്‍ അതിൻ്റെ  ഫലപ്രാപ്തിക്കായി നടത്തുന്ന വിവിധ ഇടപെടലുകളും വിലയിരുത്തലും ഫീഡ്ബാക്ക് നല്‍കലുമാണ് പഠനത്തിനായുള്ള വിലയിരുത്തല്‍
• ഗ്രേഡോ സ്കോറോ പഠനത്തിനായുളള വിലയിരുത്തലില്‍ ഇല്ല. 
• അധ്യാപികയുടെ വിലയിരുത്തലും കുട്ടികളുടെ പരസ്പര വിലയിരുത്തലും പഠനത്തിനായുളള വിലയിരുത്തലില്‍ വരും.

2. വിലയിരുത്തല്‍ തന്നെ പഠനം  (Assessment as learning )

• ഇത് പ്രധാനമായും സ്വയം വിലയിരുത്തലാണ്. താന്‍ ചെയ്ത പ്രവര്‍ത്തനത്തിലൂടെ സ്വയം വിമര്‍ശനപരമായി കടന്നുപോകുന്ന ഒരു പഠിതാവ് തൻ്റെ മികവുകളും പരിമിതികളും തിരിച്ചറിയുന്ന ഒരുപ്രക്രിയയാണിത്.
• പഠനപ്രക്രിയയിലുടനീളം സംഭവിക്കണം.
• എത്തേണ്ട ലക്ഷ്യത്തെക്കുറിച്ചും നേടേണ്ട നിലവാരത്തെക്കുറിച്ചും ധാരണയുളള കുട്ടിയ്കാണ് സ്വയം വിലയിരുത്തല്‍ നന്നായി നടത്താനാവുക.

3. പഠനത്തെ വിലയിരുത്തല്‍  (Assessment of learning)

• ഒരു നിശ്ചിത കാലയളവിനുശേഷം എന്തൊക്കെ എത്രത്തോളം പഠിച്ചു എന്നു വിലയിരുത്തല്‍.  നിശ്ചിത കാലയളവില്‍‍ ഒരു പഠിതാവിലുണ്ടായ മാറ്റം, പഠന നിലവാരം എന്നിവ വിലയിരുത്തുന്നതിനെ പഠനത്തെ വിലയിരുത്തല്‍ എന്നു പറയാം.
• ടേം വിലയിരുത്തലുകള്‍ ഈ ദൗത്യമാണ് നിര്‍വ്വഹിക്കുന്നത്.
• അധ്യാപകരാണ് നടത്തുക
• ഗ്രേഡിംഗ് നടത്തും
• കുട്ടികളുടെ നേട്ടത്തെ നിലവാരവുമായി താരതമ്യം ചെയ്യും
• ഒരു യൂണിറ്റിൻ്റെയോ  ടേമിൻ്റെയോ നിശ്ചിത കാലയളവിൻ്റെയോ  അവസാനം നടത്തുന്നു.