Question

അധ്യാപകൻ പരീക്ഷാ ഹാളിൽ നിന്ന് മാറുമ്പോൾ ചില കുട്ടികൾ കോപ്പിയടിക്കാൻ ശ്രമിക്കുന്നു. എന്നാൽ അധ്യാപകന്റെ അസാന്നിധ്യത്തിലും മറ്റൊരു വിഭാഗം അതിന് ശ്രമിക്കാതെ അച്ചടക്കത്തോടെ പരീക്ഷ എഴുതുന്നു. ഈ രണ്ടാം വിഭാഗത്തിൽ പ്രവർത്തിക്കുന്നത് മനസ്സിന്റെ ഏതു ഘടകമാണ് ?

• A. ഇദ്
• B. ഈഗോ
• C. സൂപ്പർ ഈഗോ
• D. ലിബിഡാ

Answer 1

Answer:

C. സൂപ്പർ ഈഗോ

മനോവിശ്ലേഷണ സിദ്ധാന്തം ( Psycho analytic theory )

• ആസ്ട്രിയന്‍ മന:ശാസ്ത്രജ്ഞനായ സിഗ്മണ്ട് ഫ്രോയിഡാണ് ഇതിന്റെ ആവിഷ്കര്‍ത്താവ്.

• കാള്‍ യുങ്ങ്, ആല്‍ഫ്രഡ് അഡ്ലര്‍ എന്നിവരാണ് മറ്റു വക്താക്കള്‍.

മനസിൻ്റെ മൂന്നു തലങ്ങള്‍

1. ബോധമനസ് / Conscious Mind  ( പ്രത്യക്ഷത്തില്‍ അറിവുളളതും ഓര്‍ക്കാന്‍ കഴിയുന്നതുമായ അനുഭവങ്ങള്‍)
2. ഉപബോധമനസ് / Pre Conscious Mind
3. ആബോധമനസ് / Unconscious Mind ( പൂര്‍ത്തീകരിക്കപ്പെടാത്ത ആഗ്രഹങ്ങള്‍, വേദനാജനകമായ അനുഭവങ്ങള്‍ എന്നിവ ഇവിടെയാണ്.

•  അബോധതലത്തിലുള്ള കാര്യങ്ങളാണ് ചിന്തയിലൂടെയും സ്വപ്നങ്ങളിലൂടെയുമൊക്കെ പ്രകാശിതമാവുന്നതെന്ന് സിഗ്മണ്ട് ഫ്രോയിഡ് വിശദീകരിച്ചു.

മനസിൻ്റെ ഘടനയെക്കുറിച്ചുള്ള സങ്കല്പങ്ങൾ

1. ഇദ്ദ്

• മനുഷ്യ മനസ്സിലെ പ്രാകൃതമായ വിചാര വികാര ശക്തിയാണ് ഇദ്ദ്. 
• ജന്മവാസനകൾ ഇദ്ദിനെ   ഉത്തേജിപ്പിക്കുന്നു.
• സാന്മാർഗികബോധം (ധാർമികബോധം) ഇല്ലാത്തതിനാൽ എല്ലാ അസാന്മാർഗിക പ്രവർത്തനങ്ങളുടെയും പിന്നിൽ പ്രവർത്തിക്കുന്നത് ഇദ്ദ് ആണ്.
• ഒരു ജീവി എന്ന നിലയിൽ വ്യക്തിക്ക് ആനന്ദം നൽകുക എന്ന ഒരൊറ്റ ലക്ഷ്യത്തിൽ ഇദ്ദ്  പ്രവർത്തിക്കുന്നു.
• ഇദ്ദ് സുഖതത്വം (Principle of pleasure) അനുസരിച്ച് പ്രവർത്തിക്കുന്നു.
• വൈകാരിക നിയന്ത്രണമില്ല.

2. ഈഗോ / അഹം

•  ഇദ്ദിനെ നിയന്ത്രിക്കുകയും അടക്കി നിർത്തുകയും ചെയ്യുന്ന വൈകാരിക ശക്തിയാണ് അഹം (Ego).
• ഇദ്ദിൻ്റെ ലക്ഷ്യങ്ങൾ കൂടുതൽ സ്വീകാര്യമായ രീതിയിലൂടെ, വ്യക്തിക്ക് അപകടം സംഭവിക്കാത്ത വിധം നടപ്പിലാക്കുക എന്ന ഉദ്ദേശത്തോടെ ഇദ്ദിൻ്റെ ഊർജ്ജം ഉപയോഗിച്ച് ഇദ്ദിൽ നിന്നു തന്നെയാണ് അഹം വികസിക്കുന്നത്.
• ഒരു വ്യക്തിയെ യാഥാർത്ഥ്യബോധം ഉൾക്കൊണ്ട് പെരുമാറാൻ സഹായിക്കുന്ന അഹം യാഥാര്‍ത്ഥ്യബോധതത്വം (Principle of reality) അനുസരിച്ചാണ് പ്രവർത്തിക്കുന്നത്. 
• നിയമങ്ങളെ മാനിക്കുന്നു.

3. സൂപ്പര്‍ ഈഗോ / അത്യഹം

• മനസ്സിൻറെ സാന്മാർഗികമായും സാംസ്കാരികമായും അനുബന്ധനം ചെയ്യപ്പെട്ട അംശമാണ് സൂപ്പർ ഈഗോ.
• ഇത് യാഥാർത്ഥ്യത്തിന് പകരം ആദർശത്തെയും സാന്മാർഗികതയെയും  പ്രതിനിധാനം ചെയ്യുന്നു.
• സമൂഹം അംഗീകരിച്ചിട്ടുള്ള സാന്മാർഗിക മാനദണ്ഡങ്ങൾക്കനുസരിച്ച് പ്രവർത്തിച്ച് ശരിയും തെറ്റും നിർണയിക്കുന്നതിനാണ് സൂപ്പർ ഈഗോ ശ്രദ്ധിക്കുന്നത്. അതുകൊണ്ട് സാന്മാർഗികതത്വം (Principle of morality) അനുസരിച്ച് അത്യഹം പ്രവർത്തിക്കുന്നുവെന്ന് പറയുന്നു.