കേരളത്തിൽ 'കേസരി' എന്ന പത്രം ആരംഭിച്ചത് ഏ. ബാലകൃഷ്ണപിള്ളയാണ്. പത്രപ്രവർത്തന രംഗത്തെ അദ്ദേഹത്തിന്റെ അതുല്യ സംഭാവനകൾ കാരണം അദ്ദേഹം 'കേസരി ബാലകൃഷ്ണപിള്ള' എന്ന പേരിലാണ് അറിയപ്പെടുന്നത്.
ഇതുകൂടാതെ, ബാലഗംഗാധര തിലക് മഹാരാഷ്ട്രയിൽ 'കേസരി' എന്ന പേരിൽ ഒരു മറാഠി പത്രം തുടങ്ങിയിട്ടുണ്ട്. കൂടാതെ, കേരളത്തിൽ രാഷ്ട്രീയ സ്വയംസേവക് സംഘത്തിന്റെ ഔദ്യോഗിക പ്രസിദ്ധീകരണമായ 'കേസരി വാരിക'യും പുറത്തിറങ്ങുന്നുണ്ട്.
'വേലക്കാരൻ' എന്ന പത്രം ആരംഭിച്ചത് - സഹോദരൻ അയ്യപ്പൻ. 1933-ലാണ് അദ്ദേഹം ഈ പത്രം പ്രസിദ്ധീകരണം ആരംഭിച്ചത്. തൊഴിലാളികളുടെ ക്ഷേമം മുൻനിർത്തിയാണ് അദ്ദേഹം ഈ പത്രം തുടങ്ങിയത്.
'സ്വദേശാഭിമാനി' എന്ന പത്രം ആരംഭിച്ചത് വക്കം അബ്ദുൾ ഖാദർ മൗലവിയാണ്. 1905 ജനുവരി 19-ന് അഞ്ചുതെങ്ങിൽ നിന്നാണ് ഈ പത്രം പ്രസിദ്ധീകരണം ആരംഭിച്ചത്. കെ. രാമകൃഷ്ണപിള്ള പത്രത്തിന്റെ പത്രാധിപരായിരുന്നു.
'അൽ അമിൻ' എന്ന പത്രം ആരംഭിച്ചത് മുഹമ്മദ് അബ്ദുറഹ്മാൻ സാഹിബാണ്. 1924-ൽ മുഹമ്മദ് അബ്ദുൽ റഹ്മാൻ സാഹിബ് കോഴിക്കോട്ടുനിന്ന് പ്രസിദ്ധീകരണമാരംഭിച്ച പത്രമായിരുന്നു അൽ അമീൻ. 1931 വരെ 'അൽ അമീൻ'ത്രൈദിന പത്രവും 1936 വരെ ദിനപത്രവുമായിരുന്നു.
