താഴെ കൊടുത്ത ജോടികളിൽ തെറ്റായ ജോടി ഏത് ?
- റോബസ്പിയർ - ജാക്കോബിൻ ക്ലബ്ബ്
- ഏപ്രിൽ തിസീസ് - വി. ഐ. ലെനിൻ
- സ്പിരിറ്റ് ഓഫ് ലോ - വോൾട്ടയർ
- ലോംഗ് മാർച്ച് - മാവോ സേതൂങ്ങ്
Aരണ്ടും മൂന്നും തെറ്റ്
Bമൂന്നും നാലും തെറ്റ്
Cമൂന്ന് മാത്രം തെറ്റ്
Dഎല്ലാം തെറ്റ്
Answer:
C. മൂന്ന് മാത്രം തെറ്റ്
Read Explanation:
മാക്സിമിലിയൻ റോബസ്പിയർ
- ഫ്രഞ്ച് വിപ്ലവത്തിന് ശേഷം ഫ്രാൻസ് ഭരിച്ച ഭരണാധികാരികളിലൊരാൾ
- മാക്സിമില്യൺ ഫ്രാൻക്സോവ മാരി ഇസിഡോറെ ഡെ റോബസ്പിയർ എന്ന് പൂർണ നാമം
- 1789-ലെ ഫ്രഞ്ച് വിപ്ലവകാലത്ത് ഏറ്റവും കൂടുതൽ സമൂഹത്തിൽ സ്വാധീനം സൃഷ്ടിച 'ജാക്കോബിൻ ക്ലബ്ബി'ന്റെ നേതാവ്.
- ഇദ്ദേഹത്തിൻറെ ഭരണകാലമാണ് ഫ്രാൻസിൽ ഭീകരവാഴ്ചയുടെ കാലം(Reign of Terror) എന്ന് അറിയപ്പെടുന്നത്.
ഏപ്രിൽ തീസിസ്
- 1917-ൽ റഷ്യയിലെ രാജാധികാരം തകർന്ന ശേഷം, സ്വിറ്റ്സർലാൻഡിലേക്ക് നാടുകടത്തപ്പെട്ടിരുന്ന ലെനിൻ റഷ്യയിൽ തിരിച്ചെത്തി.
- അദ്ദേഹം തന്റെ സഖാക്കൾക്കും അനുയായികൾക്കുമായി തയ്യാറാക്കി നൽകിയ 10 പ്രബന്ധങ്ങളാണ് ഏപ്രിൽ തീസിസ്
- ഈ തീസിസുകളിലൂടെ ലെനിൻ വ്യക്തമാക്കിയത്, രാജ്യത്തിന്റെ നിയന്ത്രണം തൊഴിലാളികളുടെ കൈകളിലേക്ക് മാറ്റണമെന്നും, ഭൂമിയും ബാങ്കുകളും സർക്കാർ കൈയാളണമെന്നും ആയിരുന്നു.
- അതുപോലെ, ഒന്നാം ലോകമഹായുദ്ധത്തിൽ നിന്ന് റഷ്യ പിൻമാറണം എന്നും അദ്ദേഹം ഇതിലൂടെ വാദിച്ചു.
- ഈ ആശയങ്ങൾ അക്കാലത്തെ റഷ്യൻ ജനതയെ വളരെയധികം സ്വാധീനിച്ചു.
- തൊഴിലാളികളും,പാവപ്പെട്ടവരും ലെനിന്റെ നേതൃത്വത്തിൽ ഒന്നിച്ചുകൂടി ഒക്ടോബർ വിപ്ലവം നയിച്ചു.
സ്പിരിറ്റ് ഓഫ് ലോ
- മോണ്ടെസ്ക്യൂ എന്ന ഫ്രഞ്ച് ദാർശനികനാണ് സ്പിരിറ്റ് ഓഫ് ലോ (The Spirit of Laws) എന്ന ഗ്രന്ഥം രചിച്ചത്.
- ഈ ഗ്രന്ഥം രാഷ്ട്രീയ തത്ത്വശാസ്ത്രത്തിലെ ഒരു മുഖ്യ കൃതിയായി കണക്കാക്കപ്പെടുന്നു.
- മനുഷ്യ സമൂഹങ്ങളുടെയും ഭരണകൂടങ്ങളുടെയും സ്വഭാവത്തെക്കുറിച്ചുള്ള ആഴത്തിലുള്ള വിശകലനമാണ് ഈ ഗ്രന്ഥത്തിൽ ഉള്ളത്.
- അധികാരങ്ങളുടെ വേർതിരിവ് (Seperation of Powers) എന്ന ആശയം ഈ ഗ്രന്ഥത്തിൽ പ്രധാനമായി ചർച്ച ചെയ്യപ്പെടുന്നു.
- അതായത്, നിയമനിർമ്മാണം,നിയമം നടപ്പാക്കൽ, വിധിനിർണ്ണയം എന്നീ അധികാരങ്ങൾ വ്യത്യസ്ത സ്ഥാപനങ്ങൾ വഹിക്കുന്നത് ജനാധിപത്യത്തിന് അനിവാര്യമാണെന്നാണ് മോണ്ടെസ്ക്യൂ ഇതിലൂടെ വാദിച്ചത്.
- ഈ ആശയം അമേരിക്കൻ ഭരണഘടന രൂപീകരണത്തെ വളരെയധികം സ്വാധീനിച്ചു.
ലോങ്ങ് മാർച്
- ചൈനീസ് വിപ്ലവാനന്തരം അധികാരത്തിലെത്തിയ സൻയാത് സെന്നിന്റെ മരണത്തെത്തുടർന്ന് ചിയാങ് കൈഷക്ക് ഭരണത്തിന്റെ തലവനായി
- ചിയാങ് കൈഷക്ക് ചൈനയിൽ സൈനിക ഏകാധിപത്യഭരണത്തിനു തുടക്കം കുറിച്ചു.
- കമ്മ്യൂണിസ്റ്റുകളുമായുള്ള സഹകരണം ഉപേക്ഷിച്ച് അദ്ദേഹം അമേരിക്കയടക്കമുള്ള വിദേശശക്തികൾക്ക് ചൈനയിൽ യഥേഷ്‌ടം ഇടപെടാൻ അവസരമൊരുക്കി.
- ചൈനയുടെ കൽക്കരി, ഇരുമ്പുവ്യവസായങ്ങൾ, ബാങ്കിങ്, വിദേശവ്യാപാരം തുടങ്ങിയ മേഖലകളെല്ലാം നിയന്ത്രിച്ചിരുന്നത് വിദേശരാജ്യങ്ങളായിരുന്നു.
- ചിയാങ് കൈഷക്കിൻ്റെ നയങ്ങളെ കമ്മ്യൂണിസ്റ്റുകൾ എതിർത്തതിനെത്തുടർന്ന് അവരെ ക്രൂരമായി നേരിട്ടു.
- ഈ സമയം ചൈനീസ് കമ്മ്യൂണിസ്റ്റ് പാർട്ടിയുടെ നേതാവായി മാവോ സെ തുംഗ് ഉയർന്നു വന്നു.
- 1934 ൽ കമ്മ്യൂണിസ്റ്റുകൾ മാവോയുടെ നേത്യത്വത്തിൽ തെക്കൻ ചൈനയിലെ കിയാങ്സിയിൽനിന്ന് ഒരു യാത്ര ആരംഭിച്ചു.
- നിരവധി പ്രതിബന്ധങ്ങൾ തരണം ചെയ്‌തുകൊണ്ടുള്ള അതിസാഹസികമായ ഈ യാത്ര വടക്കു പടിഞ്ഞാറ് യെനാനിൽ അവസാനിച്ചു.
- യാത്രയിലുടനീളം ധാരാളം കൃഷിഭൂമിയും അനേകം ഗ്രാമങ്ങളും പ്രഭുക്കന്മാരിൽനിന്ന് പിടിച്ചെടുത്ത് കർഷകർക്കു നൽകി.
- ഏകദേശം 12000 കിലോമീറ്റർ സഞ്ചരിച്ച ഈ യാത്ര 'ലോങ് മാർച്ച്' എന്നറിയപ്പെടുന്നു.