Question

വയോജന സംരക്ഷണവുമായി ബന്ധപ്പെട്ട താഴെ പറയുന്ന പ്രസ്താവനകളിൽ ശരിയായത് ഏത് / ഏവ?

1. (i) വയോജന ക്ഷേമത്തിനായി രാജ്യത്താദ്യമായി കമ്മീഷൻ രൂപീകരിക്കാൻ വ്യവസ്ഥ ചെയ്യുന്ന കേരളാ വയോജനകമ്മീഷൻ ബിൽ കേരളനിയമസഭപാസ്സാക്കിയിട്ടുണ്ട്.
2. (ii) പ്രമേഹ രോഗികളായ വയോജനങ്ങൾക്ക് സൗജന്യമായി ഗ്ളൂക്കോ മീറ്റർ നൽകുക എന്ന ലക്ഷ്യത്തോടെ കേരള സാമൂഹിക സുരക്ഷാമിഷൻ വഴി നടപ്പിലാക്കുന്ന പദ്ധതിയാണ് 'വയോമിത്രം'.
3. (iii) ദാരിദ്ര്യ രേഖക്ക് താഴെയുള്ള വയോജനങ്ങൾക്ക് കൃത്രിമ ദന്തങ്ങളുടെ പൂർണസെറ്റ് സൗജന്യമായി വെച്ചുകൊടുക്കലാണ് 'മന്ദഹാസം' പദ്ധതിയിലൂടെ സാമൂഹ്യ നീതി വകുപ്പ് ലക്ഷ്യമിടുന്നത്.

• A. 1 മാത്രം ശരി
• B. 1, 3 ശരി
• C. എല്ലാം ശരി
• D. 2, 3 ശരി

Answer 1

Answer:

B. 1, 3 ശരി

പ്രസ്താവന (i) [ശരി]: വയോജനങ്ങളുടെ അവകാശങ്ങൾ സംരക്ഷിക്കുന്നതിനും അവരുടെ ക്ഷേമത്തിനുമായി രാജ്യത്ത് ആദ്യമായി ഒരു നിയമപരമായ വയോജന കമ്മീഷൻ രൂപീകരിക്കാൻ വ്യവസ്ഥ ചെയ്യുന്ന 'കേരള സംസ്ഥാന വയോജന കമ്മീഷൻ ബിൽ' കേരള നിയമസഭ പാസ്സാക്കിയിട്ടുണ്ട്. ഇത്തരമൊരു കമ്മീഷൻ സ്ഥാപിക്കുന്ന ഇന്ത്യയിലെ ആദ്യത്തെ സംസ്ഥാനമാണ് കേരളം. പ്രസ്താവന (ii) [തെറ്റ്]: ബി.പി.എൽ (BPL) വിഭാഗത്തിൽപ്പെട്ട പ്രമേഹരോഗികളായ വയോജനങ്ങൾക്ക് സൗജന്യമായി ഗ്ളൂക്കോ മീറ്റർ നൽകുന്ന പദ്ധതിയുടെ പേര് 'വയോമധുരം' എന്നാണ്. (ചോദ്യത്തിൽ നൽകിയിരിക്കുന്ന 'വയോമിത്രം' പദ്ധതി എന്നത് നഗരപ്രദേശങ്ങളിലെ വയോജനങ്ങൾക്ക് മൊബൈൽ ക്ലിനിക്കുകൾ വഴി സൗജന്യ കൗൺസിലിംഗും മരുന്നുകളും പാലിയേറ്റീവ് പരിചരണവും നൽകുന്ന പദ്ധതിയാണ്). പ്രസ്താവന (iii) [ശരി]: ദാരിദ്ര്യ രേഖയ്ക്ക് താഴെയുള്ള (BPL) വയോജനങ്ങൾക്ക് പല്ലുകൾ നഷ്ടപ്പെടുന്ന അവസ്ഥയിൽ കൃത്രിമ ദന്തങ്ങൾ (കൃത്രിമ പല്ലുകൾ) സൗജന്യമായി വെച്ചുനൽകുന്നതിനായി സാമൂഹ്യനീതി വകുപ്പ് നടപ്പിലാക്കുന്ന പദ്ധതിയാണ് 'മന്ദഹാസം'.