Challenger

കണ്ണ് (Eye)

• കാഴ്ചയുടെ ഇന്ദ്രിയമാണ് തലയോട്ടിയിലെ ഓർബിറ്റ് എന്ന കുഴികളിൽ സ്ഥിതിചെയ്യുന്ന ഒരു ജോടി കണ്ണുകൾ.
• നേത്രഗോളത്തിന് മൂന്നു പാളികൾ ഉണ്ട്. ഏറ്റവും പുറമേ കാണപ്പെടുന്ന പാളിയാണ് ദൃഢപടലം .ഇത് കണ്ണിനു ദൃഢത നൽകുകയും ആന്തരഭാഗങ്ങളെ സംരക്ഷിക്കുകയും ചെയ്യുന്നു. 
• മധ്യപാളിയിൽ ധാരാളം രക്തലോമികകൾ കാണപ്പെടുന്നു. കണ്ണിന്റെ കലകൾക്കും അന്തരഭാഗങ്ങൾക്കും പോഷണവും ഓക്‌സിജനും ലഭിക്കുന്നത് ഇവയിലൂടെ ഒഴുകുന്ന രക്തത്തിൽ നിന്നാണ്.
• ദൃഷ്ടിപടലമാണ് (റെറ്റിന) കണ്ണിന്റെ ആന്തരപാളി. കണ്ണിലെ ഏറ്റവും പ്രവർത്തനക്ഷമമായ കലകൾ ഇവിടെയാണുള്ളത്. പ്രതിബിംബം രൂപപ്പെടുന്നത് ഇവിടെയാണ്. 
   
• ദൃഷ്ടിപടലത്തിലാണ്‌ പ്രകാശഗ്രാഹികളായ റോഡു കോശങ്ങളും കോണ്‍ കോശങ്ങളുമുള്ളത്‌.
• പ്രായം കൂടുംതോറും കണ്ണിന്റെ ലെന്‍സിന്റെ ഇലാസ്തികത കുറയുന്നു. ഇതാണ്‌ 'പ്രസ്ബയോപിയ'.