Question

ഭൂമിയെ ചുറ്റി ഭ്രമണം ചെയ്യുന്ന ബഹിരാകാശ നൗകയിലെ യാത്രികർക്ക് ഭാരമില്ലാത്ത അവസ്ഥ അനുഭവപ്പെടുന്നു ? കാരണം

• A. ബഹിരാകാശത്ത് ഗുരുത്വാകർഷണമില്ല
• B. നൗകയും യാത്രികരും ഒരുമിച്ച് സ്വാതന്ത്രപതനത്തിലാണ്
• C. നൗക ഗുരുത്വാകർഷണ ബലത്തെ തടയുന്നു
• D. അന്തരീക്ഷത്തിന് മുകളിലെത്തുമ്പോൾ ഗുരുത്വാകർഷണ ബലം പൂജ്യമാകുന്നു

Answer 1

Answer:

B. നൗകയും യാത്രികരും ഒരുമിച്ച് സ്വാതന്ത്രപതനത്തിലാണ്

• ബഹിരാകാശത്ത് ഭാരമില്ലാത്ത അവസ്ഥ (Weightlessness) അനുഭവപ്പെടുന്നത് അവിടെ ഗുരുത്വാകർഷണം ഇല്ലാത്തതുകൊണ്ടല്ല, മറിച്ച് ഫ്രീ ഫോൾ (Free Fall) /സ്വതന്ത്ര പതനം എന്ന അവസ്ഥയിലൂടെ കടന്നുപോകുന്നതുകൊണ്ടാണ്.

• ഭൂമിയെ വലംവെക്കുന്ന ബഹിരാകാശ വാഹനവും അതിലുള്ള സഞ്ചാരികളും ഭൂമിയുടെ ഗുരുത്വാകർഷണ ബലത്താൽ ഒരേ വേഗതയിൽ താഴേക്ക് വീഴുകയാണ് ചെയ്യുന്നത്. ഇതിനെയാണ് ഓർബിറ്റൽ മോഷൻ (Orbital Motion) എന്ന് വിളിക്കുന്നത്.

• ബഹിരാകാശ പേടകവും സഞ്ചാരികളും ഒരേ ത്വരണത്തിൽ (Acceleration) സഞ്ചരിക്കുന്നതിനാൽ, പേടകത്തിനുള്ളിൽ സഞ്ചാരികൾക്ക് ഭാരമില്ലായ്മ അനുഭവപ്പെടുന്നു. ഇതിനെ അപ്പാരന്റ് വെയിറ്റ്‌ലെസ്നെസ് (Apparent Weightlessness) എന്ന് പറയുന്നു.

• ഒരു വസ്തുവിനെ താങ്ങിനിർത്തുന്ന പ്രതലത്തിൽ നിന്ന് ലഭിക്കുന്ന പ്രതിപ്രവർത്തന ബലമാണ് (Normal Force) നമ്മൾ ഭാരമായി അനുഭവിക്കുന്നത്. ബഹിരാകാശ പേടകത്തിൽ സഞ്ചാരികൾക്ക് ഇത്തരം ഒരു പ്രതിപ്രവർത്തന ബലം ലഭിക്കുന്നില്ല.