വികാസം ക്രമീകൃതമാണ് (Development is orderly)
- വികസന ക്രമത്തിൽ ഒരു ക്രമീകരണവും പിന്തുടർച്ചാ ക്രമവും കാണാൻ കഴിയും.
- ഒറ്റ ദിവസം കൊണ്ട് ഒരു കുട്ടി ശൈശവത്തിൽ നിന്ന് ബാല്യത്തിലേക്കോ കൗമാരത്തിലേക്കോ പ്രവേശിക്കുന്നില്ല.
- നിയതമായ സ്വഭാവത്തോടെ അവിരാമമായി നടക്കുന്ന പരിവർത്തനമാണ് വികസനം.
സാധാരണ അനുവർത്തിച്ചു വരുന്ന 2 വികസന ക്രമങ്ങൾ താഴെ കൊടുത്തിരിക്കുന്നു.
- ശാരീരികവികാസത്തിൽ ശിരപ്പാദാഭിമുഖക്രമം (തല മുതൽ പാദം വരെ Cephalo - caudal sequence) പാലിക്കപ്പെടുന്നു.
- വികസനത്തിൽ ശരീരമധ്യത്തിൽ നിന്ന് വശങ്ങളിലേക്ക് (സാമീപ്യ ദൂരസ്ഥ ദിശാക്രമം Proximo distal direction) എന്ന ക്രമം പാലിക്കപ്പെടുന്നു.
- ശരീര മധ്യഭാഗത്തുള്ള ഹൃദയം, കരൾ, ശ്വാസകോശം, വൃക്കകൾ എന്നീ മർമപ്രധാനമായ അവയവങ്ങളും ഉദര ഭാഗങ്ങളും വികാസം പ്രാപിച്ച ശേഷമാണ് വിരൽതുമ്പുകളിലേക്ക് വികാസം എത്തുന്നത്.
ഈ രണ്ടു വികസന ക്രമങ്ങൾക്ക് പൊതുവിൽ വികസനഗതിനിയമം എന്ന് വിളിക്കാറുണ്ട്.
