ഒരു വ്യക്തിയെയോ കൂട്ടത്തെയോ സംഭവത്തെയോ കുറിച്ചുള്ള ആഴത്തിലുള്ള പഠനം അറിയപ്പെടുന്നത് ?
Aഅഭിമുഖം
Bഅന്തർനിരീക്ഷണം
Cപരീക്ഷണരീതി
Dഏകവ്യക്തി പഠനം
Answer:
D. ഏകവ്യക്തി പഠനം
Read Explanation:
ഏകവ്യക്തി പഠനം / കേസ് സ്റ്റഡി (Case study)
- ഒരു വ്യക്തിയുടെ പ്രശ്നങ്ങളെ നാനാവിധത്തിലുള്ള ലഭ്യമായ വസ്തുവിവരങ്ങൾ ശേഖരിച്ച് സമഗ്രമായി പഠിക്കുന്ന രീതിയാണിത്.
- മനശ്ശാസ്ത്രത്തിന്റെ ഒട്ടുമിക്ക ശാഖകളും കേസ് സ്റ്റഡി പ്രയോജനപ്പെടുത്താറുണ്ട്.
- ക്ലിനിക്കൽ സൈക്കോളജി, വിദ്യാഭ്യാസ മനശ്ശാസ്ത്രം, കൊഗ്നിറ്റീവ് സൈക്കോളജി, ഒക്കുപ്പേഷണൽ സൈക്കോളജി തുടങ്ങിയ മേഖലകളിലെല്ലാം കേസ് സ്റ്റഡി ഫലപ്രദമായി ഏറ്റെടുത്തു വരുന്നു.
- ഒരു പ്രത്യേക കേസിന്റെ ആഴത്തിലുള്ള പഠനത്തിനാണിവിടെ ഊന്നൽ.
- ഒരു നിശ്ചിത പഠന സമീപനമാണിതിനുളളത് (Longitudinal method).
- കേസ് സ്റ്റഡിക്കായി തെരഞ്ഞെടുക്കപ്പെട്ട വ്യക്തി/സ്ഥാപനം അതിസൂഷ്മമായി അപഗ്രഥിക്കപ്പെടുന്നു.
- ഒട്ടേറെ പഠനരീതികളെ പ്രയോജനപ്പെടുത്തുന്ന കേസ് സ്റ്റഡിക്ക് ഹോളിസ്റ്റിക് സമീപനമാണുള്ളത്.
- ശരിയായ വിശകലനത്തിൽ നിന്ന് പ്രശ്നപരിഹാരത്തിലേക്കും ചികിത്സയിലേക്കും എത്താൻ കഴിയുന്നുവെന്നത് ശ്രദ്ധേയമാണ്.
- കേസ് തിരഞ്ഞെടുക്കൽ, പരികൽപ്പന രൂപപ്പെടുത്തൽ, സ്ഥിതിവിവര ശേഖരണം, വിവരവിശകലനം, സമന്വയിപ്പിക്കൽ (Synthesis) പരിഹാരമാർഗങ്ങൾ, കേസ് റിപ്പോർട്ട് തയാറാക്കൽ തുടങ്ങി ഒട്ടേറെ ഘട്ടങ്ങൾ ഇതിനുണ്ട്.
അഭിമുഖം (Interview)
- ഏതെങ്കിലും ഒരു ലക്ഷ്യം മുൻനിർത്തി, രണ്ടോ അതിലധികമോ വ്യക്തികൾ നടത്തുന്ന മുഖാമുഖ സംഭാഷണമാണ് അഭിമുഖം.
- വ്യവഹാരത്തിന്റെ വിവിധ മാനങ്ങൾ കണ്ടെത്താനും, വ്യക്തമായ ഉത്തരത്തിലേക്കു നയിക്കുന്ന ചോദകചോദ്യങ്ങൾ രൂപപ്പെടുത്താനുമുള്ള ഇന്റർവ്യൂ ചെയ്യുന്നയാളിന്റെ കഴിവിനെ ആശ്രയിച്ചാണ് അഭിമുഖത്തിന്റെ വിജയം.
- അഭിമുഖം പൊതുവെ രണ്ടുതരം.
- 1. സുഘടിതം (Strutured)
- 2. സുഘടിതമല്ലാത്തത് (Unstratured)
അന്തർനിരീക്ഷണം / ആത്മനിഷ്ഠരീതി (Introspection)
- "Introspection' എന്നതിൽ രണ്ട് വാക്കുകൾ ഉൾച്ചേർന്നിട്ടുണ്ട്. "Intra' അഥവാ inside, inspection അഥവാ പരിശോധന (Introspection means - looking inside).
- സ്വന്തം മനസ്സിന്റെ ഉള്ളിലേക്ക് നോക്കലിനാണ് ഇതിൽ പ്രാധാന്യം.
- ഈ രീതിയിൽ ഒരാൾ സ്വന്തം മാനസിക അവസ്ഥകളെയും പ്രക്രിയകളേയും, മനസ്സിന്റെ ഉള്ളിലേക്ക് നോക്കികൊണ്ട് വിവരിക്കുകയും വിശകലന വിധേയമാക്കുകയുമാണ്.
- ചിന്തകൾ, വികാരങ്ങൾ, ഉൽക്കണ്ഠകൾ, ആഗ്രഹങ്ങൾ, പ്രതീക്ഷകൾ തുടങ്ങിയവയാണ് മാനസിക പ്രതിഭാസങ്ങൾ എന്നതുകൊണ്ട് ഇവിടെ ഉദ്ദേശിക്കുന്നത്.
- വൂണ്ട് (Wound), റ്റിച്ച്നർ (Tichener) എന്നിവരാണ് ഈ രീതിയുടെ പ്രമുഖ വക്താക്കൾ.
- ഈ രീതി ആദ്യമായി ഉപയോഗിച്ചതും വൂണ്ട് ആണ്.
- ഈ രീതിയെ കൂടുതൽ ശാസ്ത്രീയവും കൃത്യവുമാക്കിയത് റ്റിച്ച്നറുടെ സ്വാധീനത്തിലാണ്.
- സ്വാഭാവികതയും ഏതു സാഹചര്യത്തിലുമുള്ള നിർവഹണ സാധ്യതയും ഈ രീതിയുടെ സവിശേഷതയാണെങ്കിലും വിശ്വാസ്യത, ശാസ്ത്രീയത എന്നീ ഘടകങ്ങൾ വേണ്ടത്രയുണ്ടെന്നു പറയാൻ കഴിയില്ല.
- കുട്ടികളിലും അസാധാരണ മാനസിക അവസ്ഥകൾ ഉള്ളവരിലും ഈ രീതി പ്രായോഗികമാവില്ല.
പരീക്ഷണരീതി (Experimental Method)
- ആദ്യത്തെ മനശ്ശാസ്ത്ര ലബോറട്ടറി ജർമ്മനിയിൽ 1879-ൽ സ്ഥാപിച്ച വില്യം വൂണ്ട് ആണ് പരീക്ഷണ രീതിക്ക് പ്രചാരം നേടിക്കൊടുത്തത്.
- മനശ്ശാസ്ത്രത്തിന് കൂടുതൽ വസ്തുനിഷ്ഠത നേടിക്കൊടുത്ത് അതിനെ ഒരു ശാസ്ത്രമായി വികസിപ്പിക്കുന്നതിൽ ഈ രീതി വലിയ പങ്കുവഹിച്ചു.
- പരീക്ഷണരീതിയിൽ, ഒരു സംഭവം ഉണ്ടാക്കുന്നതിന്റെ വ്യവസ്ഥകളും സാഹചര്യങ്ങളും പരീക്ഷകന്റെ നിയന്ത്രണത്തിലായിരിക്കും.
- പരീക്ഷകന് സാഹചര്യങ്ങളെ വ്യത്യസ്തമാക്കാനും നിരീക്ഷിക്കാനും കഴിയും.