Question

ശരിയായ പ്രസ്താവനകൾ തിരഞ്ഞെടുക്കുക :

1. പാശ്ചാത്യ റോമാസാമ്രാജ്യത്തിന്റെ തകർച്ച പുരാതന യുഗത്തിന് അന്ത്യം കുറിക്കുകയും മധ്യകാലഘട്ടത്തിന് ആരംഭം കുറിക്കുകയും ചെയ്തു.
2. മധ്യകാലഘട്ടത്തെ 'ഇരുണ്ടയുഗ' മെന്നും 'വിശ്വാസത്തിന്റെ യുഗ' മെന്നും പറയുന്നു.
3. മധ്യകാലഘട്ടത്തിൽ യൂറോപ്പിൽ നിലവിലിരുന്ന സാമൂഹ്യ- രാഷ്ട്രീയ സാമ്പത്തിക സമ്പ്രദായമാണ് ഫ്യൂഡലിസം. 

• A. എല്ലാം ശരി
• B. രണ്ട് മാത്രം ശരി
• C. ഒന്ന് മാത്രം ശരി
• D. മൂന്ന് മാത്രം ശരി

Answer 1

Answer:

A. എല്ലാം ശരി

മധ്യകാലഘട്ടം

• റോമാസാമ്രാജ്യത്തിന്റെ തകർച്ചയോടെയുണ്ടായ അരാജകത്വത്തിൽ നിന്നും അരക്ഷിതാവസ്ഥയിൽ നിന്നുമാണ് ഒരു സാമൂഹ്യ, രാഷ്ട്രീയ സാമ്പത്തിക വ്യവസ്ഥ എന്ന നിലയിൽ യൂറോപ്പിൽ ഫ്യൂഡലിസം ഉയർന്ന് വന്നത്.
• പാശ്ചാത്യ റോമാസാമ്രാജ്യത്തിന്റെ തകർച്ച പുരാതന യുഗത്തിന് അന്ത്യം കുറിക്കുകയും മധ്യകാലഘട്ടത്തിന് ആരംഭം കുറിക്കുകയും ചെയ്തു.
• മധ്യകാലഘട്ടം എന്നറിയപ്പെടുന്നത് എ.ഡി. 476 മുതൽ എ.ഡി 1453 വരെയുള്ള കാലഘട്ടമാണ്.
• കോൺസ്റ്റാന്റൈൻ 11-മനെ പരാജയപ്പെടുത്തി മുഹമ്മദ് രണ്ടാമനാണ് കോൺസ്റ്റാന്റിനോപ്പിളിൽ തുർക്കി ഭരണത്തിന് അടിത്തറയിട്ടത്.
• മധ്യകാലഘട്ടത്തെ 'ഇരുണ്ടയുഗ' മെന്നും 'വിശ്വാസത്തിന്റെ യുഗ' മെന്നും പറയുന്നു.
• മധ്യകാലഘട്ടത്തിൽ ക്രൈസ്തവ സഭ എറ്റവും സുശക്തമായ സംഘടനയായി മാറി.
• മധ്യകാലത്തെ ക്രിസ്തുമതത്തിന്റെ അധിപൻ പോപ്പ് ആയിരുന്നു.
• മധ്യകാലഘട്ടത്തിൽ യൂറോപ്പിൽ നിലവിലിരുന്ന സാമൂഹ്യ- രാഷ്ട്രീയ സാമ്പത്തിക സമ്പ്രദായമാണ് ഫ്യൂഡലിസം. ഭൂവുടമസ്ഥതയെ അടിസ്ഥാനമാക്കിയുള്ള സമൂഹത്തിന്റെ ഒരു സംഘടിത രൂപമായിരുന്നു ഇത്.