Question

പലപ്പോഴും ക്ലാസ് മുറികളിൽ കുട്ടികളുടെ ശബ്ദം കേൾക്കാറില്ല . അവരുടെ അനുഭവങ്ങൾക്ക് സ്ഥാനവുമില്ല . എപ്പോഴും ടീച്ചറുടെ ശബ്ദം മാത്രമാണ് കേൾക്കുന്നത് . ഇത് മാറണം ഏത് പ്രാമാണിക രേഖയിൽ നിന്നാണ് മേല്പറഞ്ഞ വാചകങ്ങൾ ജനിച്ചത് ?

• A. ദേശീയ വിദ്യാഭ്യാസ നയം 1968
• B. ദേശീയ കരിക്കുലം ഫ്രെയിം വർക്ക് 1985
• C. ദേശീയ കരിക്കുലം ഫ്രെയിം വർക്ക് 2005
• D. കേരള സ്കൂൾ പാഠ്യപദ്ധതി 2013

Answer 1

Answer:

C. ദേശീയ കരിക്കുലം ഫ്രെയിം വർക്ക് 2005

ദേശീയ പാഠ്യപദ്ധതി ചട്ടക്കൂട് - 2005 (NCF 2005)

 

• വിദ്യാഭ്യാസ അവകാശ നിയമം - 2009 (RTE 2005)
• പാഠ്യ പദ്ധതി പരിഷ്കരണത്തിന് NCERT പ്രത്യേക പ്രാധാന്യം നൽകുന്നു. കരിക്കുലം ഫ്രെയിം വർക്ക് ഫോർ സ്കൂൾ എജ്യുക്കേഷൻ (2000) എന്നതിന്റെ പരിഷ്കരണമാണ് 2005-ൽ നടന്നത്. ഇതിലേയ്ക്കായി പ്രാഫ. യാശ്പാലിന്റെ നേതൃത്വത്തിൽ NCERT ഒരു ദേശീയ സ്റ്റിയറിംഗ് കമ്മിറ്റിക്ക് രൂപം കൊടുത്തു. 

 

• ദേശീയ പാഠ്യപദ്ധതി ചട്ടക്കൂടിന്റെ നിർമാണത്തിന്റെ പൂർണ ചുമതല ദേശീയ സ്റ്റിയറിംഗ് കമ്മിറ്റിക്കായിരുന്നു. 21 ദേശീയ ഫോക്കസ് ഗ്രൂപ്പ് നൽകിയ നിർദ്ദേശങ്ങൾ ഈ കമ്മിറ്റിക്ക് സഹായകരമായി ഉണ്ടായിരുന്നു. അവർ പ്രധാനമായും ശ്രദ്ധിച്ച മേഖലകളായിരുന്നു :-

• • പാഠ്യപദ്ധതി പരിഷ്കരണ മേഖലകൾ
  • ക്രമമായ പരിഷ്കരണം
  • ദേശീയ അഭിരുചി 

NCF 2005 ന്റെ പ്രധാന നിർദ്ദേശങ്ങൾ :-

• പഠിതാവിന്റെ വികാസം, പാനം എന്നിവയെ സംബന്ധിച്ച് സമഗ്രമായ കാഴ്ചപ്പാടുണ്ടായിരിക്കണം.
• അറിവ് നിർമ്മാണത്തിനും സർഗാത്മകതയ്ക്കും അവസരം നൽകണം.
• നിർമാണം, കണ്ടെത്തൽ, അപഗ്രഥനം, വിമർശനാവാദി എന്നിവ വളർത്തണം.
• ബോധനമാധ്യമം മാതൃഭാഷ ആയിരിക്കണം.
• ഇന്ത്യയുടെ ബഹു ഭാഷാ സ്വഭാവത്തെ സ്കൂൾ വിദ്യാഭ്യാസത്തിലെ സമ്പത്തായി ഉപയോഗിക്കുക.
• ഘടനാപരമായ പരിഷ്കരണങ്ങളുടെ ലക്ഷ്യം വിദ്യാഭ്യാസ ഗുണമേന്മയായിരിക്കണം. 
• പാഠ്യപദ്ധതി പരിഷ്കരണത്തിലെ വ്യവസ്ഥാ സംബന്ധിയായ ഏറ്റവും പ്രധാന നടപടി പരീക്ഷാ പരിഷ്കരണമാണ്. ചോദ്യങ്ങളുടെ സ്വഭാവത്തിൽ മാറ്റം വരുത്തി മൂല്യനിർണയത്തിൽ ഓർമ്മശക്തിയേക്കാൾ പ്രാധാന്യം സർഗാത്മകതയ്ക്കും യുക്തി ചിന്തയ്ക്കും നൽകണം.
• വിദ്യാഭ്യാസ സംവിധാനങ്ങളുടെ നവീകരണത്തിന് സാമൂഹികപങ്കാളിത്തം ഉറപ്പാക്കണം. 

 

പാഠ്യപദ്ധതി രൂപീകരണത്തിൽ NCF 2005 നിർദ്ദേശിക്കുന്ന അഞ്ച് നിയമതത്ത്വങ്ങൾ :-

1. അറിവിനെ സ്കൂളിനു പുറത്തുള്ള ജീവിതവുമായി ബന്ധപ്പെടുത്തുക.
2. കാണാപാഠം പഠിക്കുന്ന രീതി ഒഴിവാക്കുക.
3. പാഠ പുസ്തകങ്ങൾക്കപ്പുറത്തേക്ക് പാഠ്യ പ്രവർത്തനങ്ങളെ വികസിപ്പിക്കുക.
4. പരീക്ഷകൾ കൂടുതൽ അയവുള്ളതാക്കുകയും ക്ലാസ് മുറിയിലെ പഠനാനുഭവങ്ങളുമായി ഉദ്ഗ്രഥിക്കുകയും ചെയ്യുക.
5. രാജ്യത്തെ ജനാധിപത്യ രാഷ്ട്രീയത്തിൽ പരസ്പരം താൽപര്യം എടുക്കുന്നതും വ്യത്യാസങ്ങൾക്കതീതമായ ഒരു സ്വത്വം വളർത്തിക്കൊണ്ടു വരിക.