Question

BNSS Section 35 (7) പ്രകാരം, ഏതൊരാളെ DySP മുൻകൂർ അനുമതിയില്ലാതെ അറസ്റ്റു ചെയ്യാൻ പാടില്ലാത്തത്?

1. 55 വയസിന് മുകളിലുള്ളവരെ
2. സർക്കാർ ഉദ്യോഗസ്ഥരെ.
3. 60 വയസിന് മുകളിലുള്ളവരെ
4. രോഗബാധിതരെ

• A. എല്ലാം
• B. മൂന്ന് മാത്രം
• C. മൂന്നും നാലും
• D. ഒന്നും മൂന്നും

Answer 1

Answer:

C. മൂന്നും നാലും

BNSS- Section -35 (2)

• വകുപ്പ് -39 ലെ വ്യവസ്ഥകൾക്ക് വിധേയമായി, നോൺ-കൊഗൈസബിൾ കൂറ്റവുമായി ബന്ധപ്പെടുകയോ അങ്ങനെ ബന്ധപ്പെട്ടിട്ടുള്ളതായി വിവരം ലഭിക്കുകയോ ന്യായമായ സംശയം നിലനിൽക്കുകയോ ചെയ്യുന്ന ഏതൊരാളെയും മജിസ്ട്രേറ്റിന്റെ വാറൻ്റോ ഉത്തരവോ ഇല്ലാതെ അറസ്റ്റ് ചെയ്യാൻ പാടില്ല.

BNSS Section 35 (3)

•   ഒരാൾ ഒരു കോഗ്നൈസബിൾ കുറ്റം ചെയ്തതായി ന്യായമായ സംശയം നിലനിൽക്കുകയും എന്നാൽ അയാളെ അറസ്റ്റു ചെയ്യേണ്ടത് ആവശ്യമില്ലായെങ്കിലും പോലീസുദ്യോഗസ്ഥന് മുന്നിൽ ഹാജരാകാനുള്ള നോട്ടീസ് അയാൾക്ക് നൽകാവുന്നതാണ്.

 

BNSS Section 35 (4)

• ഏതെങ്കിലും വ്യക്തിക്ക് അപ്രകാരമുള്ള നോട്ടീസ് ലഭിച്ചാൽ, ആ നോട്ടീസിലെ നിബന്ധനകൾ പാലിക്കാൻ ആ വ്യക്തി ബാധ്യസ്ഥനാണ്.

 

BNSS Section 35 (5)

• ഒരു വ്യക്തി നോട്ടീസ് അനുസരിക്കുകയും അയാൾക്കെതിരെ തെളിവുകളൊന്നും ഇല്ലായെങ്കിൽ അയാളെ അറസ്റ്റ് ചെയ്യാൻ പാടില്ല.

• നോട്ടീസ് നൽകപ്പെട്ട വ്യക്തി നോട്ടീസ് അനുസരിക്കുകയും എന്നാൽ അയാളെ അറസ്റ്റു ചെയ്തേ മതിയാകൂ (എഴുതി രേഖപ്പെടുത്തേണ്ട കാരണങ്ങളാൽ) എന്ന് പോലീസ് ഉദ്യോഗസ്ഥന് അഭിപ്രായവുമുണ്ടെങ്കിൽ, അയാളെ അറസ്റ്റു ചെയ്യാം.

 

BNSS Section 35 (6)

• നോട്ടീസ് നൽകപ്പെട്ട വ്യക്തി നോട്ടീസിലെ നിബന്ധനകൾ പാലിക്കുന്നതിൽ വീഴ്ച വരുത്തുകയോ തന്റെ തിരിച്ചറിയൽ വിവരങ്ങൾ നൽകാതിരിക്കുകയോ ചെയ്യുന്ന പക്ഷം, പോലീസിന് അയാളെ അറസ്റ്റ് ചെയ്യാവുന്നതാണ്.

BNSS Section 35 (7)

• BNSS Section 35 (7) പ്രകാരം ഡെപ്യൂട്ടി സൂപ്രണ്ട്(DySP) റാങ്കിലോ അതിനു മുകളിലോ ഉള്ള പോലീസ് മേധാവിയുടെ മുൻകൂർ അനുമതി വാങ്ങാതെ 3 വർഷത്തിൽ താഴെ തടവു ശിക്ഷ ലഭിക്കാവുന്ന കുറ്റം ചെയ്ത രോഗബാധിതനായ വ്യക്തിയേയോ അല്ലെങ്കിൽ 60 വയസിനു മുകളിൽ പ്രായമുള്ള വ്യക്തിയെയോ അറസ്റ്റു ചെയ്യാൻ പാടില്ല.