Question

പേൾ ഹാർബർ ആക്രമണവുമായി ബന്ധപ്പെട്ട് തന്നിട്ടുള്ള പ്രസ്താവനകളെ വിലയിരുത്തി,ശരിയായവ കണ്ടെത്തുക :

1. 1941 ഡിസംബർ 7 നായിരുന്നു അമേരിക്കൻ നാവിക സങ്കേതമായ പോൾ ഹാർബറിൽ ജപ്പാൻ അപ്രതീക്ഷിതമായ ബോംബ് ആക്രമണം നടത്തിയത്
2. ഏഷ്യയിലേക്കുള്ള അമേരിക്കയുടെ വരവ് തടയാനും അമേരിക്കൻ മേൽക്കൈ തകർക്കാനു മാണ് ജപ്പാൻ പേൾ ഹാർബറിൽ ബോംബിട്ടത്
3. 1941 ഡിസംബർ എട്ടിന് പേൾ ഹാർബർ അക്രമണത്തിന്റെ പിറ്റേദിവസം അമേരിക്ക ജപ്പാനോട് യുദ്ധം പ്രഖ്യാപിച്ചുകൊണ്ട് രണ്ടാം ലോകമഹായുദ്ധത്തിൽ ചേർന്നു.
4. പേൾ ഹാർബർ ആക്രമണത്തിന് മുൻപ് തന്നെ അമേരിക്കയും ജപ്പാനും തമ്മിലുള്ള നയതന്ത്ര ബന്ധം വഷളായി തുടങ്ങിയിരുന്നു

• A. i, ii എന്നിവ
• B. ii, iv എന്നിവ
• C. ഇവയെല്ലാം
• D. iii, iv എന്നിവ

Answer 1

Answer:

C. ഇവയെല്ലാം

പേൾ ഹാർബർ ആക്രമണത്തിന്റെ പശ്ചാത്തലം 

• 1941-ൽ, രണ്ടാം ലോകമഹായുദ്ധത്തിലേക്കുള്ള ജപ്പാൻ്റെ പ്രവേശനം ആഗോള സംഘർഷം രൂക്ഷമാക്കുകയും,യുദ്ധത്തിന്റെ ഗതിയിൽ നിർണായക വഴിത്തിരുവുകൾ സൃഷ്ടിക്കുകയും ചെയ്തു
• കിഴക്കൻ ഏഷ്യയിലെ ജപ്പാൻ്റെ വിപുലീകരണ നയങ്ങൾ ഇതിനകം തന്നെ നിരവധി രാജ്യങ്ങളുമായി, പ്രത്യേകിച്ച് അമേരിക്കയുമായുള്ള  ബന്ധം വഷളാക്കിയിരുന്നു.
• 1931-ൽ തന്നെ ജപ്പാൻ്റെ മഞ്ചൂറിയ അധിനിവേശം രണ്ടാം ചൈന-ജാപ്പനീസ് യുദ്ധത്തിലേക്ക് നയിച്ചപ്പോൾ മറ്റ് പാശ്ചാത്യ ശക്തികൾക്കൊപ്പം അമേരിക്കയും ജപ്പാൻ്റെ ആക്രമണത്തെ അപലപിക്കുകയും ചൈനയ്ക്ക് പിന്തുണ നൽകുകയും ചെയ്തിരുന്നു 
• അമേരിക്കൻ പ്രസിഡണ്ടായ റൂസ് വെൽറ്റ് ജപ്പാനിലേക്കുള്ള എണ്ണ വിതരണത്തിൽ വിലക്കേർപ്പെടുത്തുകയും ചൈനയിൽ നിന്നും ജപ്പാൻകാരോട് പിൻവാങ്ങാൻ ആവശ്യപ്പെടുകയും ചെയ്തു.
• 1941 ഒക്ടോബറിൽ ജനറൽ ഹിഡെകി ടോജോ ജപ്പാൻ്റെ പ്രധാനമന്ത്രിയായി നിയമിതനായതോടെ, ജാപ്പനീസ് സർക്കാരിനുള്ളിലെ സൈനിക വിഭാഗത്തിന് കൂടുതൽ സ്വാധീനം ലഭിച്ചു
• ഇത് അമേരിക്കയോടുള്ള ജപ്പാൻ്റെ നിലപാട് കടുപ്പിക്കുന്നതിൻ്റെ സൂചനയായി. 

പേൾ ഹാർബർ ആക്രമണം 

• 1941 ഡിസംബർ 7 ന് ഹവായി ദ്വീപിലെ അമേരിക്കൻ നാവിക സങ്കേതമായ പേൾ ഹാർബറിൽ ജപ്പാൻ അപ്രതീക്ഷിതമായ ഒരു  ബോംബ് ആക്രമണം നടത്തി.
• 350 പോർ വിമാനങ്ങളും 5 യുദ്ധ കപ്പലുകളും ആക്രമണത്തിൽ തകർന്നു.
• 3000 ത്തോളം നാവികരും  പടയാളികളും കൊല്ലപ്പെട്ടു
• 1941 ഡിസംബർ എട്ടിന് പേൾ ഹാർബർ അക്രമണത്തിന്റെ പിറ്റേദിവസം അമേരിക്ക ജപ്പാനോട് യുദ്ധം പ്രഖ്യാപിച്ചുകൊണ്ട് രണ്ടാം ലോകമഹായുദ്ധത്തിൽ ചേർന്നു.