Question

പഠനത്തിൽ പിന്നോക്കം നിൽക്കുന്ന രമേഷ് മറ്റുള്ളവരുടെ അംഗീകാരത്തിനുവേണ്ടി സംഗീത മത്സരത്തിൽ പങ്കെടുക്കുകയും മറ്റുള്ളവരുടെ ശ്രദ്ധ പിടിച്ചുപറ്റുകയും ചെയ്‌തു. രമേഷിൻ്റെ ഈ പ്രവൃത്തി ഏത് പ്രതിരോധ തന്ത്രമാണ് ?

• A. പ്രക്ഷേപണം
• B. യുക്തീകരണം
• C. ഉദാത്തീകരണം
• D. അനുപൂരണം

Answer 1

Answer:

D. അനുപൂരണം

•  പ്രതിരോധ തന്ത്രങ്ങൾ / സമായോജനതന്ത്രങ്ങൾ (Defence Mechanism / Adjustment Mechanism ) :- മോഹഭംഗങ്ങളിൽ നിന്നും മാനസിക സംഘർഷങ്ങളിൽ നിന്നും രക്ഷപ്പെടാനോ / പ്രതിരോധിക്കാനോ വേണ്ടി വ്യക്തികൾ സ്വീകരിക്കുന്ന തന്ത്രങ്ങൾ. ഇത്തരം തന്ത്രങ്ങളിലൂട മാനസിക സംഘർഷങ്ങളെ ലഘൂകരിക്കാനോ ഒഴിവാക്കാനോ കഴിയും 
• പ്രധാനപ്പെട്ട  പ്രതിരോധ തന്ത്രങ്ങൾ  
  1. അനുപൂരണം (Compensation)
  2. നിഷേധം (Denial)
  3. ദമനം  (Repression)
  4. യുക്തീകരണം (Rationalization)
  5. ഉദാത്തീകരണം (Sublimation)
  6. പ്രക്ഷേപണം (Projection)
  7. താദാത്മീകരണം (Identification)
  8. പശ്ചാത്ഗമനം (Regression)
  9. ആക്രമണം (Agression)
• അനുപൂരണം (Compensation) :- ഒരു രംഗത്തുള്ള പോരായ്‌മ മറ്റൊരു രംഗത്തുള്ള ശക്തിയിലൂടെ മറയ്ക്കാൻ ശ്രമിക്കുന്ന തന്ത്രമാണ് അനുപൂരണം.
  • ഉദാ: പഠനകാര്യങ്ങളിൽ മികവ് പുലർത്താൻ കഴിയാത്ത കുട്ടി കായിക പ്രവർത്തനങ്ങളിലെ മികവിലൂടെ തൻ്റെ ആത്മാഭിമാനം വീണ്ടെടുക്കാൻ ശ്രമിക്കുന്നു.