ലിഗ്നൈറ്റ് കൽക്കരി കാണപ്പെടുന്നത്:
Aജാരിയ
Bനെയ്വേലി
Cബൊക്കാറോ
Dറാണിഗഞ്ച്
Answer:
B. നെയ്വേലി
Read Explanation:
കല്‍ക്കരി
- ചരിത്രാതീതകാലത്ത്‌ മണ്‍മറഞ്ഞ വൃക്ഷങ്ങളുടെ അവശിഷ്ടങ്ങളില്‍നിന്നാണ്‌ കല്‍ക്കരി രൂപമെടുക്കുന്നത്‌.
- കാര്‍ബോണിഫെറസ്‌ കാലഘട്ടത്തിലാണ്‌ (250 ദശലക്ഷത്തോളം വര്‍ഷം മുമ്പ്‌) കല്‍ക്കരി രൂപമെടുക്കാന്‍ കാരണമായ വൃക്ഷങ്ങൾ ഉണ്ടായിരുന്നതെന്ന്‌ കരുതപ്പെടുന്നു.
- കൽക്കരിയാണ് 'കറുത്ത വജ്രം' എന്നറിയപ്പെടുന്നത്.
- കല്‍ക്കരിയില്‍ അടങ്ങിയിരിക്കുന്ന കാര്‍ബണിന്റെ അളവിനനുസരിച്ച്‌ പീറ്റ്‌, ലിഗ്നൈറ്റ്, ബിറ്റുമെനസ്‌, ആന്ത്രാസൈറ്റ്‌ എന്നിങ്ങനെ നാലായിതിരിക്കാറുണ്ട്‌.
- കാര്‍ബണിന്റെ അംശം ഏറ്റവും ഉയര്‍ന്ന കല്‍ക്കരിയിനമാണ്‌ ആന്ത്രാസൈറ്റ്‌ (94-98 ശതമാനം)
- ബിറ്റുമെനസ്‌ കല്‍ക്കരിയില്‍ കാർബണിന്റെ ശതമാനം 78 മുതല്‍ 86 വരെയാണ്‌.
- 28 മുതല്‍ 30 ശതമാനം വരെ കാര്‍ബണ്‍ അടങ്ങിയ കൽക്കരിയുടെ രൂപാന്തരമാണ്‌ ലിഗ്നൈറ്റ്.
- 'ബ്രൗൺ കോൾ' (Brown Coal) എന്നറിയപ്പെടുന്നതും ലിഗ്നൈറ്റാണ്‌.
- തമിഴ്‌നാട്ടിലെ നെയ്വേലി ലിഗ്നൈറ്റ് ഖനനത്തിനു പ്രസിദ്ധമാണ്‌.
- കാര്‍ബണിന്റെ ശതമാനം ഏറ്റവും കുറഞ്ഞ കല്‍ക്കരിയുടെ വകഭേദമാണ്‌ പീറ്റ്‌; 27 ശതമാനം വരെ.
- കൽക്കരിയുടെ രൂപപ്പെടലിലെ ആദ്യഘട്ടമായി കരുതപ്പെടുന്നതും പീറ്റിനെയാണ്‌.
- 'ഹാര്‍ഡ്‌ കോൾ' (hard coal) എന്നറിയപ്പെടുന്ന ആന്ത്രാസൈറ്റാണ്‌ ഏറ്റവും നിലവാരം കൂടിയത്‌.