Question

താഴെപ്പറയുന്നവയിൽ ഡേവിഡ് പോൾ അസുബലിന്റെയും ജറോം എസ് ബ്രൂണറുടേയും പഠന സിദ്ധാന്തങ്ങളിൽ പൊതുവായുള്ളത് :

• A. രണ്ടും ജ്ഞാനാർജനം ലക്ഷ്യമിടുന്നു
• B. രണ്ടും കണ്ടെത്തൽ പഠനം നിർദ്ദേശിക്കുന്നു.
• C. രണ്ടും സ്വീകരണ പഠനം നിർദ്ദേശിക്കുന്നു.
• D. രണ്ടും കാണാതെയുള്ള പഠനം പ്രോത്സാഹിപ്പിക്കുന്നു.

Answer 1

Answer:

A. രണ്ടും ജ്ഞാനാർജനം ലക്ഷ്യമിടുന്നു

• ഡേവിഡ് പോൾ അസുബലും (David Paul Ausubel) ജറോം എസ്. ബ്രൂണറും (Jerome S. Bruner) കോഗ്നിറ്റീവ് കൺസ്ട്രക്റ്റിവിസം (Cognitive Constructivism) അഥവാ വൈജ്ഞാനിക നിർമ്മിതിവാദത്തിന്റെ വക്താക്കളാണ്. അറിവ് എങ്ങനെ നിർമ്മിക്കപ്പെടുന്നു, പുതിയ അറിവുകൾ കുട്ടിയുടെ ചിന്താശക്തിയുമായി എങ്ങനെ ബന്ധിക്കപ്പെടുന്നു എന്നതിനാണ് ഇവർ ഇരുവരും പ്രാധാന്യം നൽകിയത്.

രണ്ടും ജ്ഞാനാർജ്ജനത്തിന് (Cognitive learning) പ്രാധാന്യം നൽകുന്നു

• ഇരുവരും പഠനത്തെ ഒരു മാനസിക പ്രക്രിയയായി കാണുന്നു. കുട്ടിയുടെ തലച്ചോറിൽ അറിവുകൾ ക്രമീകരിക്കുന്ന രീതിയെയാണ് ഇരുവരും വിശകലനം ചെയ്തത്. പഠനം എന്നത് കേവലം ശീലങ്ങൾ രൂപപ്പെടലല്ല, മറിച്ച് വിവരങ്ങൾ അർത്ഥപൂർണ്ണമായി ഉൾക്കൊള്ളലാണ് (Cognitive processing).

• കണ്ടെത്തൽ പഠനം (Discovery Learning) : ഇത് ബ്രൂണറുടെ പ്രധാന ആശയമാണ്. എന്നാൽ അസുബൽ ഇതിനോട് പൂർണ്ണമായി യോജിക്കുന്നില്ല. അസുബൽ പ്രാധാന്യം നൽകിയത് അർത്ഥപൂർണ്ണമായ സ്വീകരണ പഠനത്തിനാണ് (Meaningful Reception Learning).

• സ്വീകരണ പഠനം (Reception Learning): ഇത് അസുബലിന്റെ ആശയമാണ്. കുട്ടികൾക്ക് വിവരങ്ങൾ അർത്ഥപൂർണ്ണമായി നൽകി അവരുടേതാക്കി മാറ്റാൻ അദ്ദേഹം സഹായിക്കുന്നു. എന്നാൽ ബ്രൂണർ കുട്ടികൾ സ്വയം കണ്ടെത്തണം എന്ന പക്ഷക്കാരനാണ്.

• കാണാതെയുള്ള പഠനം (Rote Learning): ഇരുവരും കാണാതെയുള്ള പഠനത്തെ (Rote learning) എതിർക്കുന്നു. അറിവ് അർത്ഥപൂർണ്ണമായിരിക്കണം (Meaningful) എന്ന കാര്യത്തിൽ ഇവർക്ക് യോജിപ്പുണ്ട്.