ഡിപ്രഷൻ അനുഭവിക്കുന്ന കുട്ടികളുടെ ലക്ഷണങ്ങളിൽപ്പെടാത്തത്
Aആരോഗ്യകരമായ സുഹൃദ്ബന്ധങ്ങൾ
Bഉത്കണ്ഠ
Cഅനാരോഗ്യകരമായ ഭക്ഷണശീലങ്ങൾ
Dപഠന പിന്നാക്കാവസ്ഥ
Answer:
A. ആരോഗ്യകരമായ സുഹൃദ്ബന്ധങ്ങൾ
Read Explanation:
ഡിപ്രഷൻ അഥവാ വിഷാദം
- ആധുനിക ലോകത്തെ ജനങ്ങളെ മാനസികമായും ശാരീരികമായും വളരെ ബുദ്ധിമുട്ടിലാക്കുന്ന ഒരു രോഗമാണ് വിഷാദരോഗം അഥവാ ഡിപ്രഷൻ.
- മസ്തിഷ്കത്തിനും നാഡീവ്യൂഹത്തിനുമുണ്ടാകുന്ന പ്രവർത്തനവ്യതിയാനമാണ് വിഷാദരോഗത്തിന് കാരണം.
- രോഗിയുടെ ചിന്തകളെ ബാധിച്ച് അതിലൂടെ അവരുടെ പ്രവർത്തികളെ നിയന്ത്രിക്കുന്ന ഗുരുതരമായ രോഗമാണിത്.
- മനുഷ്യന്റെ ഭക്ഷണരീതി, ഉറക്കം, വ്യക്തിത്വം എന്നിവയെ കടുത്ത തോതിൽ ബാധിക്കുമ്പോഴാണ് വിഷാദം രോഗമായി മാറുന്ന സാഹചര്യമുണ്ടാവുന്നത്.
- സ്‌കൂളില്‍ പോകുന്നതിനു മുമ്പുള്ള പ്രായത്തില്‍ 0.3 ശതമാനവും സ്‌കൂളില്‍ പോകുന്ന കുട്ടികളില്‍ 1 ശതമാനവും വിഷാദരോഗം കണ്ടുവരുന്നുണ്ട്.
- പ്രായം കൂടുന്തോറും ഇത് വർധിക്കുന്നതായാണ് പഠനങ്ങൾ വ്യക്തമാക്കുന്നത്.
- കൗമാരക്കാരിൽ 1 ശതമാനം മുതല്‍ 6 ശതമാനം വരെ വിഷാദം കണ്ടുവരുന്നു.
- കൗമാരക്കാരായ പെണ്‍കുട്ടികളില്‍ ആണ്‍കുട്ടികളെ അപേക്ഷിച്ച് രോഗം വരാനുള്ള സാധ്യത രണ്ടിരട്ടിയാണ്.
ഡിപ്രഷന്റെ ലക്ഷണങ്ങൾ
- മുന്‍മ്പ് താല്‍പര്യവും സന്തോഷവും നല്‍കിയിരുന്ന കാര്യങ്ങളില്‍ ഇപ്പോള്‍ സന്തോഷക്കുറവ് അനുഭവപ്പെടുക
- പെട്ടന്നുള്ള ദേഷ്യം അല്ലെങ്കിൽ കാരണമില്ലാതെ ദേഷ്യപ്പെടുക,ആക്രമണ മനോഭാവം.
- ഭാവിയെക്കുറിച്ച് പ്രത്യാശയില്ലാതിരിക്കുക
- ഇടയ്ക്കിടെ കാരണവുമില്ലാതെ കരയുകയും അതുപോലെ കരയുന്ന മുഖത്തോടെയും കാണപ്പെടുന്നു
- ഉറക്ക കൂടുതലോ കുറവോ
- അമിത വിശപ്പ് അല്ലെങ്കില്‍ വിശപ്പില്ലായ്മ