Question

താഴെ പറയുന്നവയിൽ പ്രഥമ ശുശ്രൂഷയിൽ ചെയ്യാൻ പാടില്ലാത്തത് ?

• A. മുറിവുണ്ടായാൽ രക്തസ്രാവം നിയന്ത്രിക്കുക.
• B. കണ്ണിൽ പൊടി വീണാൽ ശുദ്ധജലം ഉപയോഗിച്ച് കഴുകുക.
• C. പാമ്പുകടിയേറ്റ ഭാഗത്ത് മുറിവുണ്ടാക്കി രക്തം ഊറ്റി കളയുക.
• D. എല്ലൊടിയുകയോ പൊട്ടുകയോ ചെയ്താൽ സ്പ്ലിൻറ് ഇടുക.

Answer 1

Answer:

C. പാമ്പുകടിയേറ്റ ഭാഗത്ത് മുറിവുണ്ടാക്കി രക്തം ഊറ്റി കളയുക.

പ്രഥമ ശുശ്രൂഷ (First aid)

• ഒരു അപകടം നടന്നാലുടന്‍ ആദ്യം സംഭവസ്ഥലത്തെത്തുന്നയാള്‍ അപകടം പിണഞ്ഞയാളെ രക്ഷിക്കാനായി ചെയ്യേണ്ടിവരുന്ന പ്രാഥമിക കര്‍ത്തവ്യങ്ങളെയാണ് പ്രഥമ ശുശ്രൂഷ എന്ന് പറയുന്നത്.
• അപകടത്തില്‍പ്പെട്ടയാളെ ആശുപത്രിയിലോ, ഡോക്ടറുടെ അടുക്കലോ എത്തിക്കുന്നതിനിടയിലുള്ള സമയത്താണ് സാധാരണ പ്രഥമ ശുശ്രൂഷ നല്‍കാറുള്ളത്.
•  പ്രഥമശുശ്രൂഷയുടെ പിതാവ് - ഡോ. പ്രഡറിക് ഈസ്മാർക്ക്
• ലോക പ്രഥമ ശുശ്രൂഷ ദിനമായി ആചരിക്കുന്നത് - സെപ്തംബർ മാസത്തിലെ രണ്ടാം ശനിയാഴ്ച

പാമ്പ് കടിയേറ്റാല്‍ എന്ത് ചെയ്യണം

• പാമ്പ് കടിയേറ്റാല്‍ കടിയേറ്റ വ്യക്തിയെ ഇളകാനോ നടക്കാനോ അനുവദിക്കരുത്. ഇളകിയാള്‍ രക്ത ഓട്ടം കൂടുതലാവും.അപ്പോള്‍ വിഷം കലര്‍ന്ന രക്തം എല്ലാ ഭാഗത്തേക്കും വ്യാപിക്കാനും സ്ഥിതി ഗുരുതരമാവാനും സാധ്യതയുണ്ട്.
• കടിയേറ്റ ഭാഗം ഹൃദയത്തിൻ്റെ ലെവലി‍ല്‍ നിന്നും താഴ്ത്തി പിടിക്കണം. കടിയേറ്റ മുറിവ് ഭാഗത്തില്‍ നിന്നും ഏകദേശം അഞ്ച് ഇഞ്ച് മുകളിലായി ചരടോ, കട്ടിയുള്ള നൂലോ ബെല്‍ട്ടോ ഉപയോഗിച്ച് രക്ത ഓട്ടം നടക്കാത്ത വിധത്തില്‍ മുറുക്കി കെട്ടേണ്ടതാണ്.
• കഴിയുമെങ്കില്‍ കടിച്ച പാമ്പിനെ തിരിച്ചറിയാന്‍ ശ്രമിക്കുക. അത് ചികിത്സക്ക് വളരെ പ്രധാനപ്പെട്ടതാണ്.
• എത്രയും പെട്ടന്ന് രോഗിയെ ഡോക്ടറുടെ അടുത്ത് എത്തിക്കുക.