Question

കേരള സംസ്ഥാന തണ്ണീർത്തട സംരക്ഷണ അതോറിറ്റിയുമായി ബന്ധപ്പെട്ട തെറ്റായ പ്രസ്താവന ഏത് / ഏവ ?

1. 2008-ലെ കേരള സംസ്ഥാന നെൽവയൽ തണ്ണീർത്തട സംരക്ഷണ നിയമപ്രകാരമാണ് സ്ഥാപിതമായത്.
2. കേരള സംസ്ഥാന തണ്ണീർത്തട സംരക്ഷണ അതോറിറ്റിയുടെ വൈസ് ചെയർമാൻ സംസ്ഥാന പരിസ്ഥിതി വനംവകുപ്പ് മന്ത്രിയാണ്.
3. പരിസ്ഥിതി കാലാവസ്ഥ വ്യതിയാന വകുപ്പ് ഡയറക്‌ടർ അതോറിറ്റിയുടെ മെമ്പർ സെക്രട്ടറിയായി പ്രവർത്തിക്കുന്നു.

• A. എല്ലാം തെറ്റ്
• B. 2, 3 തെറ്റ്
• C. 1, 2 തെറ്റ്
• D. 1 മാത്രം തെറ്റ്

Answer 1

Answer:

C. 1, 2 തെറ്റ്

കേരള സംസ്ഥാന തണ്ണീർത്തട സംരക്ഷണ അതോറിറ്റി

• കേരളത്തിലെ തണ്ണീർത്തടങ്ങളുടെ സമഗ്ര സംരക്ഷണ, പരിപാലന പ്രവർത്തനങ്ങൾക്കായുള്ള ഒരു സ്വയം ഭരണ അതോറിറ്റിയായി 25.05.2015 ൽ കേരള സംസ്ഥാന തണ്ണീർത്തട അതോറിറ്റി നിലവിൽ വന്നു.

• 2010 ലെ തണ്ണീർത്തട (സംരക്ഷണവും പരിപാലനവും) ചട്ടം സെക്ഷൻ 5 പ്രകാരമാണ് കേരള സംസ്ഥാന തണ്ണീർത്തട അതോറിറ്റി രൂപീകൃതമായത്.

• തിരുവിതാംകൂർ കൊച്ചി ചാരിറ്റബിൾ സൊസൈറ്റി രജിസ്ട്രേഷൻ ചട്ടപ്രകാരം 17.02.2016 ൽ ഇത് ഒരു സ്വയംഭരണ അതോറിറ്റിയായി രജിസ്റ്റർ ചെയ്‌തിട്ടുണ്ട്.

• സംസ്ഥാനത്തെ തണ്ണീർത്തടങ്ങളുമായി ബന്ധപ്പെട്ട പദ്ധതി രൂപീകരണം, സമഗ്ര വികസന സംരക്ഷണ പദ്ധതി നടപ്പാക്കൽ, ഗവേഷണം, അവബോധ പരിപാടികൾ, വിഭവ സമാഹരണം എന്നിവയാണ് സംസ്ഥാന തണ്ണീർത്തട അതോറിറ്റിയുടെ പ്രധാന പ്രവർത്തനങ്ങൾ.

• സംസ്ഥാന പരിസ്ഥിതി വകുപ്പ് മന്ത്രി ചെയർമാനായും, ചീഫ് സെക്രട്ടറി വൈസ് ചെയർമാനായും, പരിസ്ഥിതി കാലാവസ്ഥ വ്യതിയാന വകുപ്പ് ഡയറക്‌ടർ മെമ്പർ സെക്രട്ടറിയുമായിട്ടുള്ളതാണ് സംസ്ഥാന തണ്ണീർത്തട അതോറിറ്റി.