Question

ചുവടെ കൊടുത്തിരിക്കുന്നവയിൽ ടൈഗെ കാലാവസ്ഥാമേഖലയുടെ സസ്യജാലങ്ങളുമായി ബന്ധപ്പെട്ട് ശരിയായ പ്രസ്താവനകളേതെല്ലാം ?

1. സ്തൂപികാഗ്രനിത്യഹരിതവൃക്ഷങ്ങൾ ടൈഗെമേഖലയിൽ കൂടുതലായി വളരുന്നു.
2. ടൈഗെമേഖലയിൽ നിന്നും ധ്രുവപ്രദേശത്തോട് അടുക്കുന്തോറും സസ്യങ്ങളുടെ ഉയരം കുറഞ്ഞ് വരുന്നു.
3. പൈൻ, ഫിർ, സ്പ്രൂസ് എന്നിവയാണ് പ്രധാന സസ്യവർഗങ്ങൾ.

• A. ഇവയൊന്നുമല്ല
• B. i മാത്രം ശരി
• C. ii മാത്രം ശരി
• D. എല്ലാം ശരി

Answer 1

Answer:

D. എല്ലാം ശരി

ടൈഗെമേഖലയിലെ സസ്യജാലങ്ങൾ

• ഉപആർട്ടിക് വിഭാഗത്തിൽപ്പെടുന്ന സ്തൂപികാഗ്രനിത്യഹരിതവൃക്ഷങ്ങളാണ് ടൈഗെമേഖലയിൽ കൂടുതലായി വളരുന്നത്.

• സ്തൂപികാഗ്രവൃക്ഷങ്ങളെ റഷ്യൻ ഭാഷയിൽ 'ടൈഗെ' എന്നാണ് വിളിക്കുന്നത്.

• ഇവ ധാരാളം കാണപ്പെടുന്ന മേഖലയായതിനാലാണ് ഈ മേഖല 'ടൈഗെ' എന്നറിയപ്പെടുന്നത്.

• സ്തൂപികാഗ്രനിത്യഹരിതവൃക്ഷങ്ങളായ പൈൻ, ഫിർ, സ്പ്രൂസ് എന്നിവയാണ് പ്രധാന സസ്യവർഗങ്ങൾ.

• ടൈഗെമേഖലയിൽ നിന്നും ധ്രുവപ്രദേശത്തോട് അടുക്കുന്തോറും സസ്യങ്ങളുടെ ഉയരം കുറഞ്ഞ് വരുകയും, എണ്ണം കുറഞ്ഞ് അവ അങ്ങിങ്ങായി മാത്രം ചുരുങ്ങുകയും ചെയ്യുന്നു.

• അതിശൈത്യമേഖലാസസ്യങ്ങളായ കുറ്റിച്ചെടികളും,പായലുകളും മാത്രമേ ധ്രുവപ്രദേശത്തിനോടടുത്ത് കാണാനാകൂ.