ഇന്ത്യയിലെ ജനങ്ങൾക്ക് ഉറപ്പ് നൽകേണ്ട അവകാശങ്ങളുടെ പട്ടിക ഉൾപ്പെടുത്തി ' നെഹ്‌റു കമ്മിറ്റി റിപ്പോർട്ട്' സമർപ്പിച്ച വർഷം ഏത് ?
A1919
B1928
C1935
D1949
Answer:
B. 1928
Read Explanation:
നെഹ്‌റു കമ്മിറ്റി റിപ്പോർട്ട്
- 1928 ൽ കൽക്കത്തയിൽ ചേർന്ന കോൺഗ്രസ് സമ്മേളനം ഇന്ത്യക്ക് ഡൊമിനിയൻ പദവി നൽകണമെന്ന് ഗവൺമെന്റിനോട് ആവശ്യപ്പെട്ടു.
- മോത്തിലാൽ നെഹ്രുവിന്റെ നേതൃത്വത്തിൽ ഡൽഹിയിൽ ചേർന്ന അഖിലകക്ഷി സമ്മേളനം ഭരണഘടനാ കരടുരൂപം തയ്യാറാക്കാനായി ഒരു സബ്-കമ്മിറ്റിയെ നിയമിച്ചു.
- ഈ കമ്മിറ്റിയിൽ മോത്തിലാൽ നെഹ്‌റു അധ്യക്ഷനും ജവാഹർലാൽ നെഹ്‌റു സെക്രട്ടറിയുമായിരുന്നു.
- ഈ കമ്മിറ്റി തയ്യാറാക്കിയ ഭരണഘടനയാണ് നെഹ്‌റു റിപ്പോർട്ട് എന്ന പേരിൽ പിന്നീട് പ്രസിദ്ധമായത്.
- ഇന്ത്യയ്ക്ക് സ്വയംഭരണാധികാരമുള്ള ഡൊമീനിയൻ പദവിയാണതിൽ വിഭാവന ചെയ്തത്.
- 1928 ഓഗസ്റ്റ് പത്താം തീയതി നെഹ്‌റു റിപ്പോർട്ട് സമർപ്പിച്ചു.
- ഇന്ത്യക്ക് പുത്രികരാജ്യ പദവി നൽകണമെന്ന് ഗവൺമെന്റിനോടാവശ്യപ്പെട്ട ഐ.എൻ.സി സമ്മേളനം - കൽക്കത്ത സമ്മേളനം (1928)
- 1928 ലെ കൽക്കത്ത കോൺഗ്രസ് സമ്മേളനത്തിൽ അധ്യക്ഷൻ - മോത്തിലാൽ നെഹ്‌റു
- 1928 ഡിസംബറിൽ കൽക്കട്ടയിൽ ചേർന്ന സർവ്വകക്ഷി സമ്മേളനത്തിൽ ഹിന്ദു മഹാസഭ, മുസ്ലിം ലീഗ്, സിക്ക് ലീഗ് എന്നീ സംഘടനകളുടെ നേതാക്കൾ ഉന്നയിച്ച തടസ്സങ്ങൾ കാരണം ഈ റിപ്പോർട്ട് പാസാക്കാൻ കഴിഞ്ഞില്ല.
- നെഹ്‌റു റിപ്പോർട്ടിനെ എതിർത്തുകൊണ്ട് 1929 - ൽ 14 തത്ത്വങ്ങൾക്ക് രൂപം നൽകിയത് - മുഹമ്മദലി ജിന്ന